Osea 1:6 - Ebaibul

⁶ Abu Gomer topoti nabo, kidou ikoku ŋinipese. Tolimok Ekapolon Osea tema, “Tolimok ikoku ŋin ekiro Lo-ruama, anerae nyeriŋa ayoŋ esyoni ŋituŋa a Isirael, kori etoodikini ikes amina kaŋ.

Osea 1:6 Iomraidhean Croise

2 Ŋirw. 17:20

Aŋun, abu Ekapolon toŋer ŋiletok a Isirael daadaŋ. Kisican iŋes ikes kipotok nakan a ŋimoe a ŋulu apotu kielasi ikes akitodol ŋina eritaria iŋes Isirael alokiŋaren keŋ.

2 Ŋirw. 17:6

Alokaru a ŋolo a ŋikanikaomwon ipukat Osea, kikama erwosit ŋolo ka Asiriya Samaria, torik Ŋisirael ya Asiriya. Abu kitolom ikes ŋice lotaun Ala, ŋice kitolom diyete aŋolol Abor ŋina a nakwap a Gosan ka kitolom ŋice lotaunio a Media.

Isa. 27:11

Ani eokete ŋaten a ŋikito a ŋulu eya nen, ebilibiliunio kwap; potu nai ŋaberu yaasi kinokakiniata akim. Anerae erae ŋul ŋituŋa ŋulu emam ayenut; aŋun nyisyoni ikes Akuj ŋina asubuni ikes, kori nyitiyae ŋakiro ŋadi ŋuna ajokak neni kec.

Osea 1:8

Ani ejoŋoe Lo-ruama akinak, topoti nabo Gomer, kidou ikoku ŋinisapat.

Osea 2:23

Tosodi ewuakini ayoŋ ŋituŋa kaŋ nakwap ka ainakini ayoŋ ikes arereŋu. Etoodikini ayoŋ amina kaŋ neni a ŋini sek anyaritae ebe, ‘Lo-Ruami,’ ido atemari neni a ŋini sek anyaritae ‘Lo-ami’ ebe, ‘Irae iyoŋ ŋini kaŋ’. Etemari iŋes ‘Irae iyoŋ Akuj kaŋ.’”

Osea 2:4

Nyesyoni ayoŋ tari ŋidwe keŋ, anerae erae ikes ŋidwe ŋulu auruunio anamalao.

Amos 7:8

Tema Ekapolon neni kaŋ, “Amos nyo ite iyoŋ?” Oboŋok ayoŋ otema, “Ete ayoŋ akipimet.” Tema nai Ekapolon neni kaŋ, “Alosi ayoŋ etoodik Ŋisirael atemar nyipimara ejok ŋakiro ŋuna itiyaete ikes, nyesyoni nabo ayoŋ ikes jik.

Amos 9:8

Ekete ayoŋ iyes ŋituŋa a akwap a Isirael ŋulu itiyaete aronis, akamunyari ayoŋ iyes eketoŋopiya anakwap, nai nyamunyari ayoŋ ŋiletok a Yakob daadaŋ.’

1 Pet. 2:10

Koloŋ sek, pa irae iyes ŋituŋa ŋulu ka Akuj, nai tokona iruworosi ŋituŋa keŋ; koloŋ sek pa iyenete iyes akisyon ŋina ka Akuj, nai tokona iryamut akisyon keŋ.