Osea 1:4 - Ebaibul

⁴ Tolimok Ekapolon Osea tema, “Tolimok ikoku kon ŋin ekiro Yesireel, anerae alotooma apaki ŋina euruwuana, esicani ayoŋ ŋituŋa a ekal a Yeu aŋuna aaryata ŋituŋa alo Yesireel, emyekini ayoŋ todaun apukan ŋina a Isirael.

Osea 1:4 Iomraidhean Croise

2 Ŋirw. 10:1

Arae ŋidwe ka Aab ŋulusapa ŋatomonikanikaarei, eboiyete ikes alo Samaria. Kigir Yeu abaruwa kiyakiya Samaria lokapolok ŋulu alotaun Yesireel ka lokasikou ta lotuŋa ŋulu arae ŋikawoikinitok atalokoku ke erwosit Aab. Egiritae abaruwa ebala,

2 Ŋirw. 10:17

Ani edoluni Yeu Samaria, abu toar ŋiyeneta ŋulu ka Aab daadaŋ ŋulu edoŋito, lopite ŋolo erworitor Ekapolon aneni ke Eliya.

2 Ŋirw. 15:29

Alorwa a ŋulu epukator Pekaia Isirael, bu Tigilaspilese ŋolo epukat Asiriya torem akwap a Isirael kikama neni anyaritae Ijon, Abelebesmaaka, Yanoa, Kedec, Asor, Gilead ka Galileya, arae ŋul daadaŋ ŋirerya ŋulu ka akwap a Naputali. Kikama iŋes ŋituŋa daadaŋ ya Asiriya.

2 Ŋirw. 15:8

Alokaru a ŋolo a ŋikanikauni ipukat Asaria Yudaya, kisyak Sakariya lokoku a Yeroboam akipuka Isirael alo Samaria, kipuka ŋilapyo ŋikanikapei bon.

Isa. 7:14

Aŋun, Ekapolon elope iŋes ikiinakini iyoŋ akitoodikinet. Topupok, epotiuni apese ŋina nyiryamakina ka ekile ikoku, idouni iŋes ikoku ŋinisapat, elimokini iŋes ekiro a ikoku a ŋin Emmanuel

Isa. 8:3

Abu nai ayoŋ eryamakin ka aberu kaŋ ka abu topoti ka kidou ikoku ŋinisapat. Okolimok nai Ekapolon ayoŋ tema, “Tolimok iŋes ekiro ‘Toŋatasi atipei ka Toryatasi atipei.’

Isa. 9:6

Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”

Yer. 20:3

Ani iwalari akwap, apaki ŋina alacakinia Pasur Yeremia aneni aenitere a ŋiriko, tolimok Yeremia iŋes tema, “Ikilimok iyoŋ Ekapolon ekiro ‘Ekabule ŋiwaetin daadaŋ’ meere Pasur.”

Yer. 23:2

Aŋun, ŋakiro nu irworo Ekapolon Akuj a Ŋisirael aŋuna a ŋikepukak a ŋulu ipukato ŋituŋa keŋ, “Iyes ŋikepukak ŋulu ipukato ŋituŋa kaŋ, iyes ielasi ŋituŋa kaŋ ka iritasi ikes nariet ka nyiyoko iyes ŋituŋa kaŋ, aŋun ekesicani ayoŋ iyes aŋuna a ŋiticisyo kus a ŋulu aronok.

Yer. 3:8

Apotu ŋituŋa a Yudaya kiŋolikis atemar aŋuna amalaaniyaryata ŋituŋa a Isirael ŋulu emam anupit ŋul, abu ayoŋ erita ikes atubokinit aŋuna ka amalao. Kikote neni daŋ apotu ŋituŋa a Yudaya ŋikaitotoi kec ŋulu adyakarito nyekuryaketa, nai apotu ikes daŋ toloto akilip neni a ŋakujo.

Esek. 23:10

Apotu ŋituŋa ŋul tolaca iŋes, kimyekis eleri, yaasi ŋidwe keŋ ŋulusapa ka ŋulupesur, kicuma iŋes a ekileŋ toara. Aponi iŋes totubokinae, ido abu toruwor ŋina erworotor ŋaberu.

Esek. 23:31

Iwuapak iyoŋ ŋakiro ŋuna abu nakaato kon kiwuapak; aŋun, ayauni ayoŋ neni kon ŋican ŋulu abu iŋes toryamu.

Osea 1:6

Abu Gomer topoti nabo, kidou ikoku ŋinipese. Tolimok Ekapolon Osea tema, “Tolimok ikoku ŋin ekiro Lo-ruama, anerae nyeriŋa ayoŋ esyoni ŋituŋa a Isirael, kori etoodikini ikes amina kaŋ.

Osea 1:9

Tolimok Ekapolon Osea tema, “Tolimok ikoku kon ŋin ekiro Lo-ami, anerae nyeriŋa iyes iraakasi ŋituŋa kaŋ ka nyeriŋa ayoŋ arae Akuj kus.”

Osea 2:13

Esicani ayoŋ iŋes aŋuna a ŋarwa a ŋuna etiyaa ŋasuban neni ata Baal, ŋirwa ŋulu ainanakinia iŋes ekinyate neni ata Baal, tosirite akuwan keŋ a ŋikadoŋidoŋ ka ŋinapen ŋulu epol egyelit, ido tolosenenee neni a ŋikilyok a ŋulu amina iŋes, tosodi ekemuryak ayoŋ.

Osea 2:22

Erupunete alokwap ŋikinyom, epiini ka ŋikito ŋulu ka olipa.

Osea 9:17

Aŋuna aŋerioto ikes akiirar ŋakiro a Ekapolon Akuj kaŋ, eŋeri Akuj kaŋ daŋ ikes, eruworosi ikes ŋikerimitok anakwapin.

Amos 9:8

Ekete ayoŋ iyes ŋituŋa a akwap a Isirael ŋulu itiyaete aronis, akamunyari ayoŋ iyes eketoŋopiya anakwap, nai nyamunyari ayoŋ ŋiletok a Yakob daadaŋ.’

Mat. 1:21

idouni iŋes ikoku ŋini sapat, ilimokini iyoŋ ekeekiro Yesu, anerae eiuni iŋes ŋikeetuŋa anasecisya kec.”

Luk. 1:13

Nai tolimok emalaika iŋes tema, “Nyikuryaniar Sakariya, anerae eira Akuj akonikilip, idouni akoniberu Elisabet ikoku ŋini sapat, ilimokini iyoŋ ekeekiro Yoana.

Luk. 1:31

ipotiuni iyoŋ kidou ikoku ŋini sapat, tolimok ekeekiro Yesu.

Luk. 1:63

Kilipu iŋes abao ŋina kigira, kigir ebe, “Erae ekeekiro Yoana.” Toumokis ŋituŋa daadaŋ.

Yoa. 1:42

Yau iŋes Simoni neni a Yesu. Kitek Yesu Simoni, tolimok tema, “Ikwa irae iyoŋ Simoni, lokoku a Yoana a? Ikinyarao iyoŋ tokona Kepa” (iŋes atemar ataaba kori Petero a Ŋagirik).

Yos. 19:18

Aya ŋakiboisyo nu nakwap kec: Yesireel, Kesulos, Sunem,