Obad. 1:9 - Ebaibul

⁹ “Ekuryakiata ŋikajiok kon ŋulu etirok ŋulu a Teman, ido earyo ŋolokile daadaŋ ŋolo eyai lomoru ŋulu ke Esau.”

Obad. 1:9 Iomraidhean Croise

Akisy. 36:11

Ŋidwe ke Elipas ikes lu: Teman, Omar, Sepo, Gatam ka Kenas.

1 Ŋakiro a ŋirwa 1:45

Ani etwani Yobab, toruwor Usam ŋolo abunit anakwap a ŋina a Ŋitemani erwosit.

Yob 2:11

Ani iirarete ŋikonei a Yob ŋiuni ŋakiro daadaŋ ŋuna apotu kitiyakin neni a Yob, abu ŋinituŋanan kec torotok alore keŋ, arae ŋirorwa kec Elipas ŋolo alo Teman, Bilidad ŋolo alo Su ka Sopar ŋolo alo Naamas. Apotu ikes kiryamun kaapei toloto akimaima ka akisirworiun Yob.

Yer. 49:20

Aŋun, kiirasi ŋakiro ŋuna eyeunit Ekapolon aŋuna a ŋituŋa ke Edom ka ŋakiro ŋuna ecamit iŋes akitiya neni a ŋituŋa a Teman. Kire jik, erikoryo ŋidwe kec iwace ka ebuli ŋituŋa daadaŋ aŋuna a ŋakiro kec.

Yer. 49:22

Ipumakin ŋimoe akirem Bosira lopite ŋolo ipumakinor egole ibore epetarit ŋabebenuk keŋ. Akoloŋit ŋin ebuli ŋikajiok a Edom lopite ŋolo ebulyo aberu ŋina eryeba aŋuna ka akidoun.”

Yer. 49:7

Alimu Ekapolon ŋolo a ŋajoresyo ŋakiro nu aŋuna ke Edom, “Nyeriŋa mono aosou eyai lotuŋa ŋulu a Teman a? Adaun mono ŋakitatameta aneni a ŋikaosok a? Aŋopiya mono aosou kec a?

Esek. 25:13

alimu tokona Ekapolon Akuj atemar esicani ayoŋ Edom emanit, aari ayoŋ ŋituŋa ka ŋityaŋ ŋulu eya nen; emyek Edom erae ereŋorot koŋin. Emunyaryo a ekileŋ ŋituŋa a Edom akisyakin alo Teman akitodol Dedan.

Amos 1:12

Aŋun, emyekini ayoŋ akim tonom etaun Teman, enomiyari akim ŋaduketa a Bosira ŋunajiet.”

Amos 2:16

Akoloŋit ŋin, esurosi elerete ŋasigarya ŋuna sek adedeŋak.’ ”

Obad. 1:21

Itipeiyorete ŋikaiunak, lomukura ŋolo a Sion, kipukata Edom, ido eruwor Ekapolon elope erae Erwosit.”

Obad. 1:5

“Ani mono kepotu neni kon ŋikokolak, nyekokoiyarete mono ikes etyae ŋolo ecamito ikes a? Ani mono kepotu neni kon ŋikenyasak nakwaare, etya mono ai akinyasuno ŋina iryamuni iyoŋ! Ani mono kepotu neni kon ŋikalemak epiini, nyimyekinete mono ikes epiini edio cici a?

Naum 3:13

Kiŋolik ŋasigarya kon! Ekuryaka ikes ikwaan ka ŋaberu. Eŋaara ŋipukei a akwap kon aŋuna a ŋimoe kon. Anomiya akim ŋakito ŋuna edukunitere ŋipukei kon ŋul.

Abak. 3:3

Ebunit Akuj nabo alo Teman, ebunit Akuj ŋina Asegan alomoru Paran. Ileleba ailiil nakuj, ido ileleba nakwap akipuro iŋes.

Ŋikis. 2:5

Nyitijikis ikes, nyakainakini ayoŋ iyes atutubet adio ŋina a akwap kec, anerae adau ayoŋ ainakin emoru Seir neni a Esa aruwor akwap keŋ.