Obad. 1:7 - Ebaibul

⁷ “Adaut ŋituŋa daadaŋ ŋulu iponiata iyoŋ tocamunotor akiritar iyoŋ anakwap kon; ikimodikis iyoŋ ŋituŋa ŋulu iponiata iyoŋ kisilyata, ido adaut akiloun iyoŋ. Adaut ŋulu apotu kimuja aneni kon alokakin aloc aŋuna kon; ebasi ikes, ‘Mam ŋuna eyeni iŋes.’ ”

Obad. 1:7 Iomraidhean Croise

Ŋikiru. 41:10

Nai okoe Ekapolon, kisyoni ayoŋ, kitaŋaleunoe ayoŋ, ikotere enyaŋa ŋuna etiyata ikes neni kaŋ.

Ŋikiru. 41:9

Tari lokone kaŋ ŋolo amina ayoŋ nooi, ŋolo ekinyomit ayoŋ nooi, ŋolo abu omora ka ayoŋ akimuj, akaluki ayoŋ.

Isa. 27:11

Ani eokete ŋaten a ŋikito a ŋulu eya nen, ebilibiliunio kwap; potu nai ŋaberu yaasi kinokakiniata akim. Anerae erae ŋul ŋituŋa ŋulu emam ayenut; aŋun nyisyoni ikes Akuj ŋina asubuni ikes, kori nyitiyae ŋakiro ŋadi ŋuna ajokak neni kec.

Yer. 20:10

anerae apupi ayoŋ ŋituŋa ŋulu alalak iŋaiŋaasi ebasi, “Eyai ekabule ŋiwaetin daadaŋ, kisitakisi iŋes! Emaikina iwon esitakisi iŋes!” Idarito ŋikonei kaŋ daadaŋ atemar okokuruwo ayoŋ akitiya, ebasi ikes make, “Acepaki emodiyaryo iŋes, eloutu nai iwon iŋes, enyaŋasi ŋuna etiyat iŋes neni yok.”

Yer. 30:14

Imuryakinosi iyes aneni a ŋulu ikiminasi iyes nyeriŋa ikes ikimisito iyes, anerae ekesican ayoŋ iyes lopite ŋolo isicanere emoit, ekesican ayoŋ iyes lopite ŋolo isicanere emoit ŋolo nyisyoniono anerae epol nooi aronis kus ka elalak nooi ŋasecisya kus.

Yer. 38:22

Abu ayoŋ eŋolik anakiruja ŋaberu daadaŋ ŋuna edoŋito kai ke erwosit a Yudaya erikoryo kiŋa neni a ŋikapolok a erwosit a Babilon ebasi, ‘Apotu ŋikonei ŋuluminan a erwosit tomodiyasi erwosit, apotu kilopiyasi iŋes anapolou. Aŋuna tokona epokia ecoto ŋakejen kon, ikimyekis ikes iyoŋ. Tokona a ŋina emiidikinotor ŋakejen a erwosit locoto emyekis ŋikonei keŋ iŋes.’

Yer. 4:30

Okoe Yerusalem, aema ŋituŋa aneni kon, anijokis enapitotor ŋituŋa kon ŋilowi ŋulu areŋak, anukiro esiritotor ŋituŋa kon a ŋinapen a ŋulu itiyaunitae a egolid ka iosyata eraŋgi nakonyen kec? Isibusasi ŋituŋa kon koŋin, ikijamuwarito iyes ŋulu ikiminasi iyes, iwarito ikes akiar iyes.

Yer. 49:7

Alimu Ekapolon ŋolo a ŋajoresyo ŋakiro nu aŋuna ke Edom, “Nyeriŋa mono aosou eyai lotuŋa ŋulu a Teman a? Adaun mono ŋakitatameta aneni a ŋikaosok a? Aŋopiya mono aosou kec a?

Aum. 1:19

“Aponi isua tonyarae ŋituŋa ŋulu sek ikiriit ka isua, nai apotu ikes ikilukis isua. Apotu ŋisacaradotin ka ŋikasikou kosi totwanikis lotaun eriŋa iwarito ibore ŋininyamat aŋuna ka arubakinia eyarete.

Osea 13:13

Ikwaan ŋituŋa a Isirael ka ikoku ŋini eryeba toto keŋ aŋuna ka akidoun, nai ikwaan ikes ka ikoku ŋini eriŋa eyai nakook a toto keŋ, ŋini nyeos, ido tari kedol apaki ŋina idounere iŋes, towounite alomun kiŋa anakook a toto keŋ.

Osea 7:11

Eporoporot Epuraim ikwa temeleudi ŋina imatimataarit. Eloseneneete ikes anyarare ŋituŋa a Ijipit akiŋarakin ikes, ido toloto nabo anyarare ŋituŋa ka Asiriya.

Yoa. 13:18

Nyerworo ayoŋ aŋuna kus a daadaŋ, ayeni ŋulu adau ayoŋ aseun; nai ikotere kiyookinotor ŋuna igiritae Nakigireta ebe, ‘Abu ituŋanan ŋini ikimori ka ayoŋ okoluki ayoŋ.’