Obad. 1:18 - Ebaibul

¹⁸ Ededeŋiar ekal a Yakob ikwa akim, ededeŋiar ekal a Yosepu ikwa arira, ido eruwor ekal ke Esau ŋolo icunyo; icunyarete ikes ekal ke Esau kitoŋopiyasi, mam ituŋanan idoŋi eyari alokal ke Esau, anerae adau Ekapolon alimun ŋun.

Obad. 1:18 Iomraidhean Croise

2 Sam. 19:20

Ayenu ayoŋ eketiyan kon atemar abu ayoŋ osec; aŋun, abu tokona ayoŋ neni kon nakoloŋit na, ayoŋ esyau alotuŋa a ekal a Yosepu a daadaŋ atiyaun ne akisiryam ekapolon kaŋ erwosit.”

Awos. 5:12

Aŋun, apotu ŋituŋa kielakin Ijipit daadaŋ aŋerun ŋanya.

Isa. 10:17

Eruwor Akuj ŋina erae akica a Isirael akim, eruwor Akuj ŋina asegan ŋina a Ŋisirael arira a akim ka enomiyari ŋikukwa keŋ alotooma akoloŋit apei.

Isa. 31:9

Eritakin aduketait kec ŋinajiet aŋuna ke ekabule kec, eemete ŋikapolok kec kimyekis ŋabenderae a nen. Alimu Ekapolon ŋun, Ekapolon ŋolo ilipyo neni keŋ alo Sion ka ŋolo enokia akim keŋ ŋina a ŋamuronisya alo Yerusalem.”

Isa. 47:14

“Topupokisi, ikwaan ikes ka ŋanya ŋuna eokito, enomiyari akim ikes; nyepedorete ikes alakun make anagogoŋu a ŋina ka arira. Meere ŋatotol a akim a ŋin ŋuna iwuaŋaror ituŋanan idio, meere akim ŋin ŋina epedori ituŋanan akiboikin diyete.”

Isa. 5:24

Aŋun, lopite ŋolo imyelarya arira eoot, lopite ŋolo iyuuwarya akim ŋinya tonomiya, ido tookiyosi ŋataagor kec ka tokuta ekuwuam ŋatur kec ikwa apuwa, anerae aŋero ikes ŋakiro a Ekapolon a ŋolo a ŋajoresyo ka ajamuwasi ŋakiro ŋuna ka Akuj a ŋina Asegan a ŋina a Isirael.

Isa. 9:18

arirae aronis a ŋituŋa a ŋul ekwaan ka akim ŋina enomi amoni a ŋikukwa. Arirae aronis kec esibit akim ŋina enomi amoni ŋina irijija, akim ŋina eremi kidiama kikok apuru keŋ edou.

Isa. 9:19

Aŋuna ka aŋoit a Ekapolon a ŋolo a ŋajoresyo, abu akim tonomiya akwap, kikwaanikin ŋituŋa ka ŋakito ŋuna inokere akim, mam ituŋanan abu toesik ŋinice.

Yer. 11:23

Mam ŋipiya idoŋete alotuŋa a ŋul, anerae ayauni ayoŋ ŋican lotuŋa ŋulu ka Anasos, eyakaun ekaru ŋolo ka akisicanio kec.’ ”

Esek. 37:16

“Lokoku a ituŋanan, tolemu ebela kigir ŋakiro nu lobela, ‘Erae ŋolo a Yuda ka ecamuna Isirael daŋ ka iŋes;’ Tolemu nabo ebela ece kigir ŋakiro nu lobela ŋol, ‘Erae ŋolo a Yosepu (ebela a Epuraim) ka ecamuna Ŋisirael daadaŋ ka iŋes.’

Esek. 37:19

Tolimok ikes atemar, alimu Ekapolon Akuj ŋakiro nu ebe, ‘Eapi ayoŋ alemar ebela a Yosepu (ŋolo eyai nakan a Epuraim) ka ŋikabilae a Ŋisirael ŋulu ecamuna ka iŋes, ido emorik ebala ŋol ka ŋolo a Yuda eturuwo ikes ebela epei, ikotere ikes eruwor anakan kaŋ ebela epei.’

Yoel 2:5

Ecela iŋes ikwa ŋagaari ŋuna iritae a ŋaŋolei eporete alokidiama ŋimukura, ireta iŋes ikwa arira enomi ŋinya ŋulu aonok ibaki iŋes elal nooi ikwa ajore ŋina etenit aŋuna ke ejie.

Amos 1:8

Amunyari ayoŋ ŋituŋa daadaŋ ŋulu iboiyete alotaun Acidod, kaapei ka erwosit ka Asikelon; esicani ayoŋ ŋituŋa ŋulu iboiyete alotaun Ekiron, emunyar ŋipiya a Ŋipilistin daadaŋ.”

Amos 5:15

Toŋero aronis, tominakisi ajokis, torubakisi itubonokinete anakiyookino ŋituŋa aloikiikoi kus. Acepaki isyoni Ekapolon ŋolo Etiron ŋituŋa ŋulu ka akwap a na ŋulu idoŋito eyarete.

Amos 6:6

iyes ŋulu imasete epiini a ŋabakulei, ido kiwosas ŋamyeta ŋuna akukunyok nai nyikinomorito ŋakiro ŋuna ka akinyasuno a ŋina ebunit neni a Ŋisirael.

Obad. 1:16

Ikwapei iponiata iyes ŋituŋa kaŋ toryamut ŋican, alomukura kaŋ a ŋolo asegan, erubakinete ŋakwapin daadaŋ eryamununeete ŋican; kire jik, eryamunete ikes ŋican ŋulu apolok nooi, ido etakanuni esibit pa keyakasi sek ikes nen.”

Mika 5:8

Alokidiŋ ŋakwapin eyakaun ŋipiya a Yakob, eyakaun ikes kidiŋ ŋituŋa ŋulu alalak, ededeŋiata ikwa eŋatuny alokidiŋ ŋityaŋ ŋulu ka amoni, ikwaanikin ka iŋatuny ŋini eyai kidiŋ esipan a ŋamesekin, ŋini ani eporokini amesek, iimakini kwap toryeta ka tonyilinyiliya, todaun ikaiunan amesek.

Naum 1:10

Iyes ŋikamerak, ikicunyaryo iyes lopite ŋolo icunyarere ŋikukwa ŋulu eenikina, kori ŋinya ŋulu aonok.

Sakar 12:6

“Apaki ŋin, esikwaanikini ayoŋ ŋatekerin a Yudaya ka akim ŋina enomi amoni, kori ŋina enomi ŋatukon a ŋikinyom. Emunyarete ŋituŋa a Yudaya ŋituŋa a ŋakwapin a ŋuna idunyatar ikes. Idoŋete ŋituŋa a Yerusalem lotaun emam ŋace.

Mal. 4:1

Ebala Ekapolon ŋolo Etiron ebe, “Kiirasi ebunit akoloŋit ŋina eriraa akim ikoni ŋina ke ekitet, akoloŋit ŋin icunyaryo daadaŋ ŋulu eturok ka ŋulu itiyaete aronis, mam ikes ipei daŋ ŋini idoŋi.

1 Ŋikor. 3:12

Edukete ŋituŋa ŋice nakisyakinet ŋin a egolid, esilipa kori a ŋamoru a ŋuna epol egyelit; ŋice edukete a ŋakito, a ŋanya kori a eoot.