Obad. 1:10 - Ebaibul

¹⁰ “Aŋuna ibunio iyoŋ toarya iryanyana ŋiletok a Yakob, ikirumete iyoŋ ŋileec ka ikitoŋopiyaryo iyoŋ jik.

Obad. 1:10 Iomraidhean Croise

Akisy. 27:11

Nai tolimok Yakob toto keŋ Rebeka tema, “Kiira, erae lokaato kaŋ Esau ŋolo ecekum akuwan, ido nyecekum akuwan kaŋ.

Akisy. 27:41

Kiman Esau Yakob aŋuna ka arereŋu a ŋina abu Isaka inak Yakob, tema Esau alotau keŋ, “Aapuut ŋirwa ŋulu egworyo ayoŋ papa kaŋ; ekaku, aari ayoŋ Yakob lokaato kaŋ.”

2 Ŋakiro a ŋirwa 28:17

anerae kepotu nabo Ŋiedomi toremo ka toreut ŋituŋa a Yudaya, ido torikosi.

Ŋikiru. 109:29

Kimyek ŋulu ekesitakinito ayoŋ tobutasi ŋileec, kiluluyasi ikes ŋileec lopite ŋolo ikiluluyarya ekaaso.

Ŋikiru. 132:18

Esurumi ayoŋ ŋimoe a erwosit a ŋol ŋileec, nai apukan keŋ, elosi kiŋaren ejok ka egogoŋior.”

Ŋikiru. 137:7

Okoe Ekapolon, totamunite ŋuna apotu Ŋiedomi kitiyata akoloŋit ŋina ekamarere Yerusalem. Totamunite epite ŋolo erworotor ikes ebasi, “Toritakisi kwap, toritaasi jik todol nakisyakineta ka arwatata keŋ!”

Ŋikiru. 69:7

Erae aŋuna kon iŋes eketeŋeriyoritere ayoŋ, iŋes elelebunotor ŋileec loreet kaŋ.

Ŋikiru. 89:45

Itomojoŋ iyoŋ iŋes eriŋa apaki keŋ; isurum iyoŋ iŋes ŋileec.

Ŋakit. 10:6

Erae ŋarereŋisyo ŋuna a ŋulu iyookino, nai iwuaito ŋulu aronok ŋakiro ŋuna ka aryenyeo anakituka kec.

Ŋakit. 17:5

Ituŋanan ŋini ejamuwarit ŋikulyak, iyanyi Akuj ŋina asubuni ŋikulyak, ituŋanan ŋini elakara eryamunete ŋituŋa ŋican, emaikina kisicanae.

Yer. 12:14

Irworo Ekapolon aŋuna a ŋikidunyet a Ŋisirael aŋuna amunaaryata ikes akwap ŋina abu iŋes inak Ŋisirael toruwor ŋina kec ebe, “Eapi ayoŋ alemar ikes anakwap kec ka alemari ayoŋ ŋituŋa a Yudaya alokidiŋ kec.

Yer. 3:25

Emaikina iwon opero alokwap ka ŋileec yok, emaikina ikirapuwasi iwon ŋileec ŋulu nyitopolooritere iwon Ekapolon, anerae ikisec iwon aneni a Ekapolon Akuj yok, iwon kaapei ka atapapaa yok; ameun anasoroko yok tari nakoloŋit na, ido nyiwuapa iwon ŋuna irworo Ekapolon Akuj yok.”

Yer. 49:13

Adau ayoŋ elope akikoŋ atemar eruwor Bosira etaun ŋolo inyasuna ka ŋolo ejamuwaritae, eruwor ecaryoit ka ŋolo isitiyaete ŋituŋa akicenio ŋuluce, eruworosi ŋitaunio keŋ daadaŋ ŋicaryo ŋikaru ka ŋikaru.”

Yer. 51:51

Ibasi iyes, ‘Ikisurumi isua ŋileec, anerae ikiyanyo isua ikijamwari isua, elelebun ŋileec loreetin kosi, anerae apotu ŋituŋa ŋulugelae, nakiboisyo ŋuna asegak alo Kai ke Ekapolon.’

Aum. 4:21

Tolelyana ka tolakaros iyes ŋituŋa ke Edom ka ŋituŋa ŋulu iboiyete alo Us. Imerakinosi iyes, ilosete ilerete iteriterosi.

Aum. 4:22

Okoe ŋituŋa a Sion adaun akisican iyes aŋuna ka asecit kus; nyerubakini Ekapolon ikimyekinit iyes iyakasi nakwapin. Nai okoe iyes ŋituŋa ke Edom ikisicani iyes Ekapolon aŋuna a asecit kus, isileereuni Ekapolon ŋasecisya kus.

Esek. 35:9

Eketuruwori ayoŋ iyoŋ neni asilon ŋikaru ka ŋikaru, mam nabo jik nyiboikinosi ŋituŋa lotaunio kon. Ŋun nai iyenuniata iyes atemar arae ayoŋ Ekapolon.

Esek. 7:18

Enapete ikes ŋiguniyae, ilopiyari ekabule ikes. Ilelebun ŋileec neni a ŋinituŋanan, ebanyaryo ŋitim anakou a ŋinituŋanan.

Yoel 3:19

“Eruwor Ijipit ereŋorot, eruwor Edom ereŋorot ŋolo erae aloŋisat itiyakin ŋun aŋuna ka aryenyeo kec a ŋina apotu ikes kitiyata lotuŋa a Yudaya, akwap ŋina aponiata ikes toaryata ŋituŋa ŋulu amam aronis itiyato.

Amos 1:11

Alimu Ekapolon ŋakiro nu ebe, “Aŋuna arubakiniata ŋituŋa ke Edom itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes kirita ŋikaitotoi kec a ŋileŋia, apotu ikes toŋero jik akisyon ŋikaitotoi kec, apotu ikes torubakis jik eŋoikinito ŋikaitotoi kec, apotu ikes nyejoŋoto jik aŋoikinit ŋikaitotoi kec.

Mika 7:10

Iŋolikinete nai ŋimoe kaŋ ŋun, ido irumete ŋileec ŋituŋa ŋulu apotu temasi neni kaŋ ebe, “Ai mono eyai Ekapolon Akuj kon?” Eŋolikini ayoŋ ikes ereunio, ido kipudaarae ikwa ecoto ŋolo eyai lorotin ŋulu ke etaun.

Ŋikis. 23:7

Nyijamuwasi Ŋiedomi, anerae erae ikes ŋiyeneta kus. Nyijamuwasi Ŋijipitian, anerae irae iyes ŋigelaanotin apaki ŋina iboiyoto anakwap kec.

Ŋikis. 23:8

Epedorete ŋiletok kec ŋulu ka anyamet a ŋina a ŋauni alomar natukot ŋina a ŋituŋa a ŋulu ka Akuj.