Ŋitic. 9:31 - Ebaibul

³¹ Arae epite ŋol abunio akinapakin lokanupak ŋulu alo Yudeya, Galileya ka Samaria. Abu Etau ŋolo Asegan kitogogoŋ ka kisimukek ŋikanupak, kiyatakin ekimar kec, kiboiyoto ekerito Ekapolon.

Ŋitic. 9:31 Iomraidhean Croise

1 Ŋakiro a ŋirwa 22:18

“Nyirukito mono iyes ke Ekapolon Akuj kus a? Nyeinakina mono iŋes iyes akieŋar ejie alowaetin a daadaŋ a? Akainaki iŋes ayoŋ akipuka ŋituŋa ka akwap a na, ido aruwor akwap na ŋina ke Ekapolon ka ŋina a ŋituŋa keŋ.

1 Ŋakiro a ŋirwa 22:9

Kiira, iuruuni iyoŋ ikoku ŋinisapat, eruwor iŋes ekile ŋolo emina ekisil. Ainakini ayoŋ iŋes kisila ka ŋimoe keŋ daadaŋ alowaetin ka akwap keŋ a daadaŋ; enyarao ekiro keŋ Solomon, ainakini ayoŋ iŋes ekisil ka akinapakina alo Isirael ŋirwa ŋulu ipukator iŋes.

Neem. 5:15

Ŋikepukak ŋuluce daadaŋ ŋulu epukato eriŋa ayoŋ, atiŋito ŋituŋa erono nooi, ejaununeete akimuj ka epiini aneni kec, pa imaritae ŋicekelya ŋatomoniomwon ŋulu ke esilipa ŋulu alemununeete ŋituŋa. Ŋiketiyak kec daŋ arae ŋikepukak. Nai nyitiya ayoŋ ŋun, anerae etopoloorit ayoŋ Akuj.

Neem. 5:9

Aŋun, abu ayoŋ otema, “Nyejokak ŋakiro ŋuna itiyaete iyes. Nyemaikina mono iyes itopoloorito Akuj yok, ikotere kiretakis ajamuwaro nyebu neni yok aneni a ŋituŋa a ŋakwapin a ŋulu erae ŋimoe yok a?

Yob 28:28

Tema nai Akuj neni a ŋituŋa, ‘Kire jik, akitopoloorit Ekapolon, iŋes erae aosou; akimyekin akitiya aronis, iŋes erae ayenun ŋakiro.’ ”

Ŋikiru. 111:10

Akitopoloorit Ekapolon, iŋes erae akisyakinet ŋina ka aosou; ŋituŋa daadaŋ ŋulu iwuapito ŋakiciketa ke Ekapolon, eyakatar ayenut ŋina ajokan. Kipuroe Ekapolon ŋikaru ka ŋikaru!

Ŋikiru. 86:11

Okoe Ekapolon, kitatamae ayoŋ ŋuna icamit iyoŋ ayoŋ etiya, ikotere arubakini ayoŋ ewuapit ŋakiro kon ŋuna a kire; inakinae ayoŋ akitopoloorit ekiro kon a etau kaŋ a daadaŋ,

Ŋikiru. 94:13

Iinanakini iyoŋ ikes akieŋar alocan alorwa a ŋulu a ŋican, akitodol ŋina imunyarya iyoŋ ŋulu aronok kitoloma kwap,

Ŋakit. 1:7

Erae akitopoloorit Ekapolon akisyakinet ŋina ka aosou; nai ejamuwarito ŋibaŋaanotin aosou ka ŋipitesyo ŋulu ajokak ŋulu itatamyo ikes.

Ŋakit. 23:17

Kiurya nyiburakis etau kon ŋuna itiyaete ŋikasecak, nai torubak a ŋinapaki itopoloorit Ekapolon.

Ŋakit. 8:13

Erae akitopoloor Ekapolon aremokin ŋuna aronok, aremokino ayoŋ akitopolooro bon ka akituro, aremokino ayoŋ akiwuapit ŋuna aronok ka akirworo alyokonu.

Isa. 11:10

Ebunit akoloŋit ŋina eyakaunor eletonit a Yese, eruwor iŋes akitoodikinet neni a ŋituŋa a ŋakwapin, epote ŋituŋa a ŋakwapin akiŋitanar iŋes ka eruwor akibois keŋ ŋina ecai nooi.

Isa. 33:6

Iŋes ikiinakini iyes alorwa kus akiboi emam ŋace, iŋes ikiinakini iyes alakuno ŋina alalan, aosou ka ayenut; ibore ŋini iwuakinito ŋituŋa a Sion lotai kec nooi erae akitopoloorit Ekapolon.

Sakar 8:20

Ebala Ekapolon ŋolo Etiron ebe, “Ebunit apaki ŋina eponiata ŋituŋa ŋulu a ŋitaunio a ŋulu alalak Yerusalem.

Ŋitic. 12:24

Nai torubak akirot ŋina ka Akuj iyata ka tokeikin akwap.

Ŋitic. 16:5

Aŋun, kitogogoŋoi ŋatukon a ŋikanupak ananupit ka kiyatas ŋikanupak a ŋinakoloŋit.

Ŋitic. 2:47

epurosi ikes Akuj ka tominakinito ŋituŋa daadaŋ ikes. A ŋinakoloŋit, eyatanakini Ekapolon natukot kec ŋulu aiununuyo.

Ŋitic. 20:32

“Nai tokona, ekewuakini ayoŋ iyes nakan ŋuna ka Akuj ka nakiro ŋuna ka ajokis keŋ, ŋina epedori akitogogoŋ ka ainakin iyes ŋarereŋisyo ŋuna iŋadat Akuj aŋuna a ŋituŋa a ŋulu eturuwo iŋes ŋulu keŋ.

Ŋitic. 5:11

Tobul nooi atukot a Ŋikristo ka ŋuluce daadaŋ ŋulu apotu kiirasi ŋakiro ŋun.

Ŋitic. 6:7

Kielakin nai akirot ka Akuj nen, kiyatakin nooi ekimar a ŋikasyomak alo Yerusalem. Apotu daŋ ŋisacaradotin ŋulu alalak kiwuapa Ŋakiro ŋuna Ajokak, tonupa Yesu.

Ŋitic. 8:1

Ayai Saulo nen, kitojokite atwanare a Stepano. Akoloŋit ŋin, tolomu akisicanio ŋina aronon nooi natukot a ŋikanupak a Yesu ŋina ayai Yerusalem. Kielarae ŋikanupak daadaŋ, toloto ikes Yudeya ka Samaria; kidoŋo Ŋikiyakia bon.

Ŋirom. 14:17

Anerae meere Apukan ka Akuj ŋina ca imujere ka emasere, nai erae ŋina ka akiyookino ka ŋina ke ekisil ta ŋina ka alelyan a ŋina ikiinakinit Etau ŋolo Asegan.

Ŋirom. 14:19

Aŋun nai, itemokino iwon jwi jwi ekatakisi akitiya ŋuna eyaunete ekisil ka ŋuna ikiŋarakinete akitogogoŋo make.

Ŋirom. 15:13

Elipi ayoŋ Akuj, ŋina erae alope akigeno; kilelebik neni kus alelyanu ka ekisil alotooma anupit kus; ikotere torubak akigeno kus iyata anapedor a ŋina ke Etau a ŋolo Asegan.

Ŋirom. 5:5

Nyikitakadanakini iwon akigeno na, anerae elelebik Akuj amina keŋ lotai yok aneni ke Etau a ŋolo Asegan, a ŋolo erae ainakinet ŋina ka Akuj neni yok.

1 Ŋikor. 14:12

Aŋun nai, ikwapei iitanitotor iyes aryamun ŋainakineta ŋuna ke Etau ka Akuj, akilo daadaŋ itemokino toyenut ŋainakineta ŋuna itogogoŋete atukot a Ŋikristo.

1 Ŋikor. 14:26

Ŋikaitotoi kaŋ, apolou a ŋakiro a ŋuna erworo ayoŋ iŋes na: ani iryamiryamete akilip, epedori ipeituŋanan alimun eete, kitatam ice ŋakiro ŋuna ka Akuj, ice toyakar akitoodikinet aneni ka Akuj, ice toyakar akirot a ŋaŋajepa a ŋuna egelaaka, ka ice daŋ kisileereu ŋuna irworoe a ŋaŋajepa a ŋuna egelaaka. Nai itemokino ŋinibore torae ŋini itogogoŋi ŋikanupak.

2 Ŋikor. 10:8

Anerae nyekerumito ayoŋ ŋileec, tari keturokina ayoŋ nooi aŋuna ka apolou a ŋina ikiinak Ekapolon isua adukunio iyes, nai meere akielielaar iyes.

2 Ŋikor. 12:19

Acepaki itamete iyes atemar kori iwaritae isua jik aryamun epite ŋolo eiunore isua alokiŋaren kus. Mam! Ikirworo isua alopite a ŋolo ikicamakinitor isua Kristo kirworoe alokiŋaren Akuj; ŋikaitotoi kaŋ, ibore daadaŋ ŋini ikitiyae isua, ikitiyae akiŋarakinia iyes.

2 Ŋikor. 13:10

Egiri ayoŋ nu eriŋa alwana aneni kus, ikotere ani abuni, nyadedeŋiar alopite a ŋolo esitiyaa apolou ŋina abu Ekapolon okoinak ayoŋ aŋuna ka adukunio, nai meere akielielaar iyes.

2 Ŋikor. 7:1

Ŋikaakonei ŋuluminan, ikiinakinitae iwon ŋakiikineta nu daadaŋ. Aŋun, etesegutu ŋawat yok aloboro a daadaŋ a ŋulu nyitesegete akuwan ka etau, ido oruworos jik ŋulu ikisegak nooi alotooma akerit Akuj.

Ŋiep. 4:12

Abu iŋes kitiya ŋun aŋuna ka akitemonokin ŋituŋa ŋulu ka Akuj daadaŋ aŋuna ke etic a ŋolo a Ŋikristo, ikotere itopolooto atukot a Ŋikristo, ŋina erae akuwan a Kristo

Ŋiep. 4:16

Aŋuna epolokinitor iŋes ŋinerin ŋulu ka akuwan, eyeunito ŋinerin daadaŋ akuwan apei ka erae akuwan daadaŋ apei ka ikamuna ŋaruceta daadaŋ anakuwan. Ani nai itiyae ŋolokiner ikwapei itemokino itiyaa, epolouni akuwan daadaŋ toduko anamina.

Ŋiep. 4:29

Nyirworosi ŋakiro ŋuna awanak, nai kirworos ŋuna eŋarakinak, ŋuna epedorete akiŋarakin ŋituŋa alotooma ŋuna iitanito ikes, ikotere yaut ŋarereŋisyo lotuŋa ŋulu ikipupete iyes.

Ŋiep. 5:21

Topuponoros make aŋuna ka akerit kus Kristo.

Ŋikis. 12:10

Ani idokarete iyes ekekwaye Yorodan, kiboikinos nakwap ŋina ikikorakini iyes Ekapolon Akuj kus ka ani ikisiŋuni iŋes iyes alomoe kus alowaetin a daadaŋ, ido kiboikinos emam ŋace,

Ŋipil. 2:1

Ani erae kire kiryamunito iyes akisimukekino make anakimorikina ka Kristo, akitalakanar aŋuna ka amina a ŋina ebunit aneni keŋ, akimorikina aŋuna ke Etau a ŋolo ka Akuj, arimao ka akisyonenen;

Ŋikol. 1:10

Aŋun, ipedorete nai iyes akiyar alopite a ŋolo itopolooritotor Ekapolon ka ŋolo italakarit iŋes anakiro a daadaŋ. Eyauni akiyar kus arait ŋina erae ŋiticisyo ŋulu ajokak ka iyatakin ayenut kus Akuj.

1 Ŋites. 5:11

Aŋun, kisimukekinos ka kiŋaranakinos make, ikwaŋina tokona itiyaata iyes.

1 Tim. 1:4

Tolimok ikes tojoŋoto akitumoro aloemuto a ŋul ka anakimar ŋirorwa ŋulu alalak ŋulu atapapaa--ŋulu iatakinete ŋakiŋiseta ka ŋipegeta akilo akiyokit etic ŋolo ka Akuj ananupit.

Ŋibur. 4:9

Aŋun nai, eriŋa akieŋun ace eyai aŋuna a ŋituŋa ka Akuj; akieŋun ŋina ikoni ŋina eeŋunia Akuj akoloŋit ŋina a ŋakanikaarei.

Yos. 21:44

Abu nai Ekapolon kisieŋa Ŋisirael jik ejie alowaetin a akwap kec a daadaŋ, ikwaŋina eikinitor anakikoŋiet keŋ neni atapapaa kec. Mam ŋimoe kec tari ipei ŋini abu topedo akiloun ikes. Abu Ekapolon kipotok ŋimoe kec daadaŋ nakan kec, toreut.

Yud. 1:20

Nai iyes ŋikaitotoi ŋulu minan, torubakisi ipoloete ananupit a ŋina asegan akilo; torubakisi ilipeneneete alotooma Etau ŋolo Asegan.

Ŋikat. 3:30

Aŋun, apotu Ŋisirael toreut ŋituŋa a Moab akoloŋit ŋin, kieŋa nabo akwap a Ŋisirael ejie ŋikaru ŋatomonikanikauni.