Ŋitic. 9:15 - Ebaibul

¹⁵ Nai tolimok Ekapolon Anania tema, “Tolot, anerae erae iŋes eketiyan kaŋ ŋoloseuna, ŋolo iteyenuni ekiro kaŋ lobukui ŋulu nyerae Ŋiyudayan ka lorwosi kec ta lotuŋa ŋulu a Isirael.

Ŋitic. 9:15 Iomraidhean Croise

Yer. 1:5

“Eriŋa ayoŋ nyeyeuna iyoŋ anakook a toto kon, akayeni ayoŋ iyoŋ, ani eriŋa nyidouno iyoŋ, aris ayoŋ keketaleiyo iyoŋ, abu ayoŋ eketuruwo iyoŋ ekadwaran aneni a ŋituŋa a ŋakwapin.”

Yer. 1:7

Nai abu Ekapolon okolimok ayoŋ tema, “Nyitema, ‘Eriŋa ayoŋ arae idya;’ anerae ilosi iyoŋ neni a daadaŋ a ŋulu ekeyakiyari ayoŋ iyoŋ, ido ibuni iyoŋ akirwor ŋakiro daadaŋ ŋuna akalimokini ayoŋ iyoŋ.

Mat. 10:18

Ikirikoryo iyes kiŋaren ŋikepukak ka ŋirwosi aŋuna kaŋ, ikotere toruworos iyes ŋisuudae kaŋ alokiŋaren kec ka alokiŋaren ŋituŋa ŋulu nyerae Ŋiyudayan.

Yoa. 15:16

Nyeseuna iyes ayoŋ; nai akaseu ka akatyaku ayoŋ iyes, toloto toraa ŋaraito ŋuna alalak ŋuna nyedaun, ikotere ani ŋinibore daadaŋ iŋitasi aneni a Papa alokiro kaŋ, ikiinakini.

Ŋitic. 13:2

Ani ilipete ikes neni ke Ekapolon ka kikanyete, tolimok Etau ŋolo Asegan ikes tema, “Kimyekisi Baranaba ka Saulo kitiyata etic ŋolo anyaritor ayoŋ ikes.”

Ŋitic. 21:19

Kimala Paulo ikes, ido kitatamik ereunit a ŋapeipei ŋakiro daadaŋ ŋuna aris Akuj kitiya alotic keŋ lotuŋa ŋulu pa arae Ŋiyudayan.

Ŋitic. 22:14

Tema nai iŋes, ‘Ikiseu iyoŋ Akuj ŋina atapapaa yok ayenun acamit keŋ, aanyun Eketiyan keŋ ŋolo iyookino ka akiirar iŋes irworo a etoil keŋ ke elope.

Ŋitic. 22:21

Tema Ekapolon neni kaŋ, ‘Tolot, anerae ekeyakiyari ayoŋ iyoŋ neni elwana nooi, lotuŋa ŋulu nyerae Ŋiyudayan!’ ”

Ŋitic. 25:22

Tema Agripa neni a Pesto, “Acamit ayoŋ elope opupok ŋakiro ke ekile a lo.” Tema Pesto, “Ipupokini iyoŋ ŋakiro keŋ moi taparacu.”

Ŋitic. 26:1

Tema Agripa neni a Paulo, “Ikicamakinitae iyoŋ akirwor aŋuna kon.” Kikia Paulo akeekan, kiikiikok, kirwor aŋuna keŋ ikona:

Ŋitic. 26:32

Tema nai Agripa neni a Pesto, “Kelacakinitae ekile lo, kerae nyiŋitakinit alosit neni ke ekepukan a Roma.”

Ŋitic. 27:24

tema, ‘Paulo, nyikibul! Itemokino iyoŋ towo alokiŋaren ekepukan a Roma. Kiira! Aŋuna kon, eiuni Akuj tari ŋituŋa daadaŋ ŋulu idokito ka iyoŋ ameeli.’

Ŋitic. 28:17

Ani kelunyarosi ŋirwa ŋiuni, tonyarau Paulo ŋikarikok ŋulu a Ŋiyudayan a nen aponare neni keŋ. Ani ketukokinosi ikes, kirworik iŋes tema, “Ŋikaitotoi ŋulu ka akwap kaŋ! Tari kemam ibore etiyat ayoŋ ŋini ka aremokino ŋituŋa yok kori ŋitalyo ŋulu koloŋ ikiesikiniata atapapaa yok iwon, aponi eketuruwor ayoŋ emabus alo Yerusalem ka ekepotokin neni a Ŋiromanin.

Ŋitic. 28:28

Toŋetaki Paulo tema, “Toyenete nai atemar, eyakiya tokona Akuj ŋakiro ŋuna ka aiuno a ŋituŋa neni a ŋulu nyerae Ŋiyudayan. Nai iirarete ikes!” [

Ŋirom. 1:1

Ayoŋ Paulo, eketiyan a Yesu Kristo, egirit abaruwa na. Akanyarau Akuj ayoŋ aruwor ekiyakia ka akaseu aruwor ekalimonokinan Ŋakiro keŋ ŋuna Ajokak.

Ŋirom. 1:5

Akainaki Akuj ayoŋ arereŋu aneni a Yesu Kristo; arereŋu ŋina ruworet ekiyakia, ikotere etunupya ka esiwuapya ŋituŋa a ŋakwapin a daadaŋ ŋakiro keŋ, ido kitopolooroe ekiro a Kristo.

Ŋirom. 11:13

Ekesirwori tokona ayoŋ iyes ŋulu nyirae Ŋiyudayan, ikwaŋinapei araakar ayoŋ ekiyakia lotuŋa ŋulu nyerae Ŋiyudayan, enisakin ayoŋ nooi alotic kaŋ.

1 Ŋikor. 15:10

Nai aŋuna ka ajokis a ŋina ka Akuj, arae ayoŋ tokona ekiyakia ka nyeruworo ajokis ŋina abu iŋes okoinak ayoŋ akoŋinait. Akilo, etiya ayoŋ nooi adepar Ŋikiyakia ŋuluce daadaŋ, tari pa kerae agogoŋu kaŋ a elope etiyae, nai ajokis ŋina ka Akuj ŋina eyai neni kaŋ.

1 Ŋikor. 9:16

Nyapedori ayoŋ akituro aŋuna alimonokinia Ŋakiro ŋuna Ajokak. Anerae ekecikak Akuj ayoŋ alimonokin ŋakiro ŋun. Erokyarosi aneni kaŋ erae pa kalimonok Ŋakiro ŋuna Ajokak!

Ŋigal. 1:1

Ayoŋ Paulo ekiyakia egirit abaruwa na. Meere ŋituŋa ekeyakito ayoŋ kori meere lotuŋa itorunit anyarao kaŋ, nai itorunit neni a Yesu Kristo ka neni ka Akuj Papa, ŋolo abu kiteyaru Yesu alokatwak.

Ŋiep. 3:1

Aŋakiro a ŋun, elipit ayoŋ Akuj, ayoŋ Paulo ŋolo arae emabus aŋuna ejaanakinia Yesu Kristo aŋuna kus a ŋulu nyirae Ŋiyudayan.

1 Tim. 2:7

Iŋes nai ekeyakuunere ayoŋ ikwapei ekeseran ka ekiyakia, akitatam ŋituŋa ŋulu nyerae Ŋiyudayan ŋakiro ŋuna ka anupit ka ŋuna a kire. Nyesudi ayoŋ ŋakiro; erworo ayoŋ ŋuna a kire!

2 Tim. 1:11

Iŋes nai ekeyakuunere ayoŋ ikwapei ekeseran ka ekiyakia akitatam Ŋakiro ŋuna Ajokak ŋun;

2 Tim. 2:4

Nyitemokino ekajion ŋolo ani eyai lojiye totamatamae eyare ŋolo palemu sek, anerae iwarit iŋes akitalakar ekapolon ŋolo enyaraunit iŋes lojiye.

Akis. 17:14

Itijiyete ikes Imesek, nai ilouni ikes Imesek kaapei ka ŋulu enyaritae, ŋulu eseunitae ka ŋikewuapak ŋulu erubakinito enupito iŋes, anerae erae iŋes Ekapolon a ŋikapolok ka Erwosit a ŋirwosi.”