Ŋitic. 8:5 - Ebaibul

⁵ Tolot epei kec ŋolo anyaritae Pilipo lotaun ŋolo apolon alo Samaria, tolimonok ŋituŋa ŋakiro ŋuna a Kristo.

Ŋitic. 8:5 Iomraidhean Croise

Ŋitic. 1:8

Nai iryamunete iyes apedor apaki ŋina ebunio Etau ŋolo Asegan neni kus; iruworosi iyes ŋisuudae kaŋ alo Yerusalem, alo Yudaya daadaŋ ka Samaria tari neni isalya akwap.”

Ŋitic. 21:8

Akoloŋit ŋina atupakini ŋin, torotokinoe isua todolunoe lotaun Kaisaria. A nen, tolotoi kai a Pilipo a ŋolo arae ekalimonokinan Ŋakiro ŋuna Ajokak, kiboi ka iŋes. Arae iŋes epei alokidiŋ ŋikilyok ŋikanikaarei ŋulu aris keseun alo Yerusalem.

Ŋitic. 5:42

Torubakis Ŋikiyakia a ŋinakoloŋit itatamete ka elimonorete alo Kai ka Akuj ka alorerya atemar Yesu erae Kristo.

Ŋitic. 6:5

Tocamu asepic daadaŋ akirot na. Toseut ikes Stepano, ekile ŋolo ayai anupit nooi, ŋolo eleleba Etau ŋolo Asegan. Toseut nabo Pilipo, Prokoro, Nikanor, Timon, Parmena ka Nikolao ŋolo anakwap a ŋina ka Antiokio, ŋolo aris kibelekin toruwor ŋolo alodin a Ŋiyudayan.

Ŋitic. 8:1

Ayai Saulo nen, kitojokite atwanare a Stepano. Akoloŋit ŋin, tolomu akisicanio ŋina aronon nooi natukot a ŋikanupak a Yesu ŋina ayai Yerusalem. Kielarae ŋikanupak daadaŋ, toloto ikes Yudeya ka Samaria; kidoŋo Ŋikiyakia bon.

Ŋitic. 8:26

Apeikoloŋit, tolimok emalaika ŋolo ke Ekapolon Pilipo tema, “Tonyou tolot nakan ŋina alo Kwap, lorot ŋolo etiyaar alo Yerusalem, ŋolo itori naloŋisat tari Gasa.”

Ŋitic. 8:30

Toem nai Pilipo nagaari, kiira ekile ŋol esyomi ekitaabo ŋolo ke ekadwaran a Isaya, kiŋit tema, “Iyeni iyoŋ apolou a ŋakiro a ŋuna isyomi iyoŋ a?”

Ŋitic. 8:40

Totakanu nai Pilipo aneni enyaritae Asotus, elimonokini Ŋakiro ŋuna Ajokak lotaunio daadaŋ tari neni adolyo Kaisaria.

Ŋitic. 8:6

Ani iirarete ŋasepico ŋakiro a Pilipo ka toanyuwasi ŋakujuwuanisya ŋuna etiyae iŋes, topupokis nooi daadaŋ ŋakiro ŋuna erworo iŋes.

Ŋitic. 9:20

Kisyak iŋes atipei alimonokin alosinagogae ŋakiro a Yesu ebala, “Erae Yesu Lokoku ka Akuj.”

1 Ŋikor. 1:23

Nai tolimonokinetei bo isua ŋuna a Kristo a ŋolo aponi kibubukinoe, ŋolo erae akigukinet ananupit aneni a Ŋiyudayan ka ŋolo erae abaŋao alotuŋa a ŋulu nyerae Ŋiyudayan.

1 Ŋikor. 2:2

Anerae abu ayoŋ otyaku atemar nyitemokino ayoŋ eketatam iyes idiobore, mati ŋuna a Yesu Kristo bon a ŋolo aponi kibubukinoe lomusalaba.

1 Ŋikor. 3:11

Anerae emam akisyakinet ace ŋina epedori idiotuŋanan abokakin akilo ŋina erae Yesu Kristo.