Ŋitic. 8:27 - Ebaibul

²⁷ Tonyou nai Pilipo, tolot. Ayai lorot ŋol ekile ŋolo anakwap a ŋina a Esiopia ŋolo arae ekolup. Apolokinit iŋes ŋisiliŋa daadaŋ ŋulu a Kandace, a ŋina epukat Esiopia. Kelosit sek ekile lo Yerusalem akilip.

Ŋitic. 8:27 Iomraidhean Croise

1 Ŋirw. 10:1

Ani iirari arwosit ŋina alo Seba arwonu a Solomon, (arwon ŋina araakar ekiro ke Ekapolon eturuunit iŋes), abu arwosit ŋin bu akikatakin Solomon a ŋakiŋiseta a ŋuna atyoko.

Ŋikiru. 68:29

Aŋuna a Akai kon a ŋina eyai Yerusalem, eyaunete ŋirwosi neni kon ŋainakineta.

Ŋikiru. 68:31

Epote alo Ijipit ŋikawoikinitok a ŋituŋa a Ijipit; ikyaarete ŋituŋa a Sudan ŋakan kec kilipa neni ka Akuj.

Ŋikiru. 87:4

Alotooma ŋulu akayenete ayoŋ, emaruni ŋituŋa a ŋakwapin a nu: Ijipit ka Babilon; Pilistia daŋ ka Tiro kaapei ka Esiopia; ido etemarete ŋituŋa, “Keurunio ŋituŋa a ŋakwapin a ŋun alo Sion.”

Isa. 18:7

“Apaki ŋin eyaunio ŋainakineta neni ke Ekapolon a ŋolo a ŋajoresyo, eyaunio aneni a ŋituŋa a ŋulu aoyak tosulut ŋawat aneni a ŋituŋa a ŋulu ekeritae alodiye kec ka aneni alwanan, aneni a ŋituŋa a akwap a ŋina agogoŋ ka a ŋina iloununui ŋimoe keŋ, nakwap ŋina etyakito ŋaŋololin. Epote ŋituŋa ŋul lomukura Sion neni enyaritere ekiro a Ekapolon a ŋolo a ŋajoresyo.”

Isa. 43:6

Alimokini ayoŋ ŋituŋa ŋulu alo Kide ebe, “Tojala ikes,” alimokini ayoŋ ŋituŋa ŋulu alo Kwap ebe, “Nyiwouniata ikes; yautu ŋidwe kaŋ ŋulusapa aneni alwanan ka ŋidwe kaŋ ŋulupesur anakisaleta a akwap.

Isa. 45:14

Alimu Ekapolon ebe, “Eyaunio neni kon ebari a Ijipit ka ŋiboro ŋulu egyelanaryo alo Esiopia ta ŋiboro a Ŋisabean a ŋituŋa a ŋulu aoyak, eyaunio neni kon ka eruworosi ŋiboro ŋul daadaŋ ŋulu kon, epote ŋituŋa ŋul akiwuap iyoŋ irae ekapolon kec; epote ikes neni kon eenitae a ŋiriko, toryediko alokiŋaren kon. Ikilipete ikes iyoŋ ebasi, ‘Iyoŋ bon irukito ka Akuj, emam ice erukito ka Akuj, emam akuj ace mati ŋina irukitotor iyoŋ.’

Isa. 60:3

Epote ŋituŋa anakwapin akiwuap ŋuna ka akica kus, epote ŋirwosi akiwuap ŋuna ka akica kus a ŋina ileere.

Isa. 60:6

Eburusiyarete ŋikaala ŋulu alalak akwap kus, epote neni kus ŋitak a ŋikaala ŋulu a Midian ka Epa, epote ŋikaala ŋulu alo Seba daadaŋ neni kus. Iwokunete ikes neni kus egolid ka ekinyate, ido iseraete ŋikametok kec ipurosi Ekapolon.

Isa. 66:19

Ewuakini ayoŋ neni kec akitoodikinet, ido eyakiyari ayoŋ ŋipiya kec nakwapin, eyakiyari ikes Tarisis, Put ka Lud nakwapin a ŋituŋa a ŋulu eyenete akisitiya ŋikaleŋeleŋe; eyakiyari ikes Tubal ka Yapan nakwapin ŋuna alwanak ŋuna idunyito anam, neni a ŋituŋa a ŋulu nyiirarito ŋuna ka arwonu kaŋ, kori nyiŋolikina apolou kaŋ, elimorete ŋikiyakia ŋul apolou kaŋ nakwapin.

Yer. 13:23

Epedorete mono ŋituŋa ka Esiopia akilocokin eyakae a ŋawat kec a? kori epedori eris akilocokin ŋameriyek keŋ a? Iŋes atemar iyes daŋ ipedorete akilocokin ŋiticisyo kus ŋulu aronok toruworos ŋulu a jokak.

Yer. 38:7

Kebu Ebed-Melek Esiopiait ŋolo arae ekolup alokai a erwosit kiira atemar keponi kiwuakinae Yeremia tooma akare. Apaki ŋin eboi erwosit alopuke a Benjamin,

Yer. 39:16

“Tolot, tolimok Ebed-Melek Esiopiait ebe, ‘Ebala Ekapolon ŋolo a ŋajoresyo, Akuj a Ŋisirael, alosi ayoŋ akisiyookin ŋakiro kaŋ aŋuna ke etaun a lo aŋuna ka aronis keŋ meere aŋuna ka ajokis keŋ, iyookin ŋakiro ŋun akoloŋit ŋin toyai iyoŋ.

Sepan. 3:10

Tari ŋituŋa ŋulu eyalaritae nakwap ŋina a Kus ŋina alwanan, eyaununeete ŋainanakineta neni kaŋ.”

Mat. 12:42

Akoloŋit ŋina ka atubokino, enyouni akepukan ŋina ka akwap a ŋina a Ceba atubokin iyes; anerae abu iŋes koloŋ tolot erot ŋolo aoyan nooi akiirar ŋakitatameta ŋuna ka aosou a Solomon a ŋolo arae erwosit. Nai eyai ne ŋolo epol akilo Solomon.

Yoa. 12:20

Alotooma ŋituŋa ŋulu alosito akilip Yerusalem nasuban ŋuna apolok, ayakasi Ŋigirik daŋ ŋidi.

Ŋitic. 8:28

Aboŋi iŋes lore apaki ŋin, edokit agaari ŋina erito ŋaŋolei, tosyomi ekitaabo ŋolo ke ekadwaran a Isaya.

Ŋikis. 30:13

Nyeyakasi tari lowae ye anam, ido itemasi iyes, ‘Ŋae elosi lowae ye anam aŋuna kosi ikiiun isua ŋakiciketa ŋun ikotere isua eirasi, ido ericakisi ikes?’

Ŋibur. 11:8

Anupit iŋes ewuapakinia Aburaam ŋakiro ŋuna ka Akuj apaki ŋina anyaraa Akuj iŋes alosit nakwap ŋina eikinit Akuj ainakin iŋes. Toesik iŋes akwap keŋ, pa eyeni neni alosi.