Ŋitic. 8:22 - Ebaibul

²² Aŋun, toki nai aronis kon na, kilip neni ke Ekapolon atemar ani kepedor, kisyoni iŋes ŋuna eya lotau kon.

Ŋitic. 8:22 Iomraidhean Croise

Ŋakit. 24:9

Erae ŋuna eye ibaŋaanot ŋuna ka asecit, ido erae ŋini ejamuwarit ŋuluce ŋini esiilyana alotuŋa a daadaŋ.

Dan. 4:27

Aŋun, okoe erwosit, kiwuap ŋuna akalimok ayoŋ iyoŋ; toŋer ŋasecisya kon, kitiya ŋuna iyookino ka toŋer aronis kon, kitiya irimaana aneni a ŋulu iteryamunitae ŋican. Ani kitiya iyoŋ ŋun, acepaki irubakini iyoŋ itiyae ŋinibore ejok.

Amos 5:15

Toŋero aronis, tominakisi ajokis, torubakisi itubonokinete anakiyookino ŋituŋa aloikiikoi kus. Acepaki isyoni Ekapolon ŋolo Etiron ŋituŋa ŋulu ka akwap a na ŋulu idoŋito eyarete.

Amos 5:6

Toboŋutu neni ke Ekapolon ikotere toyara, ani pa kiboŋut iyes neni keŋ, ebuni iŋes neni a ŋiletok a Yosepu erirae aŋoit ikwa akim, emunaari iŋes Besel, mam ituŋanan ŋini iretakini aŋoit keŋ.

Yona 1:6

Bu ekapolon ameeli neni a Yona kiŋit iŋes tema, “Nyo ijotoo iyoŋ kona? Tonyou, tonyara akuj kon! Ŋarukwa ikiŋarakini iŋes iwon, nyikitwaka.”

Yona 3:9

Ŋae eyeni! Acepaki isili Akuj, ikisyon iwon kimyek anyunyura keŋ, ikotere iwon nyikitwaka.”

Ŋitic. 17:30

Akitodol apaki na, abu Akuj nyimaraki ŋapakio ŋuna pa ayeniata ŋituŋa iŋes, nai tokona ecikak ŋituŋa anakwapin a daadaŋ akibelekin neni keŋ.

Ŋitic. 2:38

Tolimok Petero ikes tema, “Tokiwa ŋasecisya kus, kibatisae ŋinituŋanan alokidiŋ kus alokiro a Yesu Kristo, ikotere isyoniyo ŋasecisya; ido toryamut ainakinet ŋina ka Akuj--Etau ŋolo Asegan.

Ŋitic. 3:19

Tokiwa nai, kibelekinos neni ka Akuj, ikotere ikisari iŋes ŋasecisya kus. Kitiyata ŋun, ikotere epote aneni ke Ekapolon ŋarwa ŋuna itogogoŋere ŋitai kus.

Ŋitic. 8:20

Nai kiŋenyak Petero iŋes tema, “Totwania iyoŋ kaapei ka ŋikonisiliŋa! Itami mono iyoŋ kire atemar ipedori aryamun ainakinet ŋina ka Akuj a ŋisiliŋa a?

Ŋitic. 9:11

Tolimok Ekapolon iŋes tema, “Tonyou tolot lorukude ŋolo enyaritae, ‘Erukude ŋolo Idiiri,’ kiŋitu alokai a Yuda ekile ŋolo alo Taso, ŋolo enyaritae Saulo. Ilipi iŋes.

Ŋirom. 2:4

Kori imenit iyoŋ Akuj aŋuna epoloo nooi arimao ka akidaŋidaŋ ta atitinyikinit keŋ? Nyiyeni iyoŋ atemar erae narimao keŋ ikirikorya iyoŋ Akuj nakiki ŋasecisya a?

Ŋibur. 4:12

Eyari akirot ŋina ka Akuj ka itiyae daŋ ka agogoŋu, iloit akwanis keŋ ŋina ka atum a ŋina ekwaka ŋiwaetin keŋ daadaŋ. Eduŋi todol tari neni iryamiryameta akiyar ka etau kori tari neni eya ŋakilenyet ka asumet, isileereununui ŋatameta ka ŋakiro ŋuna elosikinit etau.

Akis. 2:21

Abu ayoŋ oinak iŋes apaki ŋina kiet, nai ewounit iŋes akiki amalao.