Ŋitic. 8:2 - Ebaibul

² Tonuka nai Stepano ŋikilyok ŋulu ainakina neni ka Akuj, kigworos nooi aŋuna keŋ.

Ŋitic. 8:2 Iomraidhean Croise

Akisy. 23:2

Ekaku, totwana Sara alo Kirias-Araba (iŋes Eburon) anakwap a ŋina a Kanaan. Kiyaloloŋ Aburaam ka kigwor aŋuna a Sara.

Akisy. 50:9

Ya iŋes ŋagaari ka ŋikametok kec. Alal asepic ŋin nooi.

2 Sam. 3:31

Tema nai Daudi neni a Yoab ka ŋituŋa daadaŋ ŋulu arukito ka Yoab, “Tocilicileta ŋilowi kus, tonapa ŋiguniyae, kigworo aŋuna ka Abiner.” Kiwuapak erwosit Daudi ŋituŋa edakito ibore ŋini eperikinitoe akuwan ka Abiner.

2 Ŋakiro a ŋirwa 32:33

Abu Esekia totwan, tonukae nadokaret lomukura neni anukitae ŋiletok a Daudi. Ani etwani Esekia, apotu ŋituŋa a Yudaya ka Yerusalem potu neni keŋ itoodiunito akitopoloorit kec iŋes. Kilunyokin Manase ŋolo arae lokoku keŋ lokicoloŋ keŋ kipuka Yudaya.

2 Ŋakiro a ŋirwa 35:25

Abu Yeremia toe ŋieosyo ŋulu kigworet aŋuna a Yosia ka akitodol akoloŋit na, eosi ŋikilyok ka ŋaberu ŋulu eyenete aeo ŋieosyo ŋul etamunito Yosia, apotu kituruwosi ŋun etal alo Isirael ka igiritae lokitaabo ŋolo a ŋieosyo a ŋulu ka akiwolol.

Yer. 22:10

“Okoe ŋituŋa a Yudaya, nyigworo aŋuna a erwosit Yosia, kori nyigworo aŋuna atwania iŋes; emaikina iyes kigworo aŋuna a ŋini arikor iwace, anerae nyeboŋuni iŋes nabo akiŋolikin akwap keŋ.”

Yer. 22:18

“Aŋun, alimu Ekapolon ŋakiro nu aŋuna a erwosit Yeoiakim a lokoku a Yosia a ŋolo a Yudaya ebe, Nyiwololoete ikes aŋuna keŋ ebasi, ‘Okoe lokaato kaŋ,’ kori ‘Okoe nakaato kaŋ.’ Nyiwololoete ikes aŋuna keŋ ebasi, ‘Okoe Ekapolon,’ kori ‘Okoe erwosit!’

Ekim. 20:29

Ani eanyunete Ŋisirael daadaŋ atemar ketwana Aron, apotu kigworo iŋes ŋirwa ŋatomoniuni.

Mar. 6:29

Ani iirarete ŋikasyomak a Yoana ŋun, potu ikes yaa akeekuwan, tonuka.

Luk. 2:25

Ayai Yerusalem ekile ŋolo anyaritae Simeon. Arae iŋes ekile ŋolo eyookino ŋolo ainakina neni ka Akuj; edarit iŋes akoloŋit ŋina eiunere Isirael, nabo ayai Etau ŋolo Asegan neni keŋ.

Ŋitic. 10:2

Arae iŋes ekile ŋolo ainakina neni ka Akuj, ŋolo akerit ekal keŋ daadaŋ Akuj. Epotonori iŋes lokulyak ŋainakineta ŋuna alalak, kilipenenee iŋes Akuj ŋirwa daadaŋ.

Ŋitic. 2:5

Ayakasi nai nen Ŋiyudayan ŋulu eboiyete alo Yerusalem, ŋulu ainakina neni ka Akuj; aponito ikes alobukui a daadaŋ a ŋulu anakwap.

Ŋitic. 8:1

Ayai Saulo nen, kitojokite atwanare a Stepano. Akoloŋit ŋin, tolomu akisicanio ŋina aronon nooi natukot a ŋikanupak a Yesu ŋina ayai Yerusalem. Kielarae ŋikanupak daadaŋ, toloto ikes Yudeya ka Samaria; kidoŋo Ŋikiyakia bon.

Ŋitic. 8:3

Nai abu Saulo kisyak akinyasun ŋatukon a ŋikanupak; erimit iŋes nakais akiriunun ŋikilyok ka ŋaberu, toen ikes alomabus.

Ŋikis. 34:8

Apotu Ŋisirael kigworo aŋuna a Moses anadipoe a Moab, ŋarwa ŋatomoniuni, ekaku a ŋirwa a ŋul, todaun nai akigworo aŋuna a Moses.

1 Sam. 28:3

Ani nai etwani Samuel, apotu Ŋisirael daadaŋ kigworo aŋuna keŋ, ido tonuka iŋes Rama, lotaun keŋ ke elope. Apaki ŋin, aris Saul kirita ŋimurok ka ŋulu a ŋililae anakwap a Isirael.