Ŋitic. 8:14 - Ebaibul

¹⁴ Kiirasi nai Ŋikiyakia ŋulu ayakasi Yerusalem atemar acamut ŋituŋa ŋulu a Samaria ŋakiro ŋuna ka Akuj, kiyakiyasi ikes Petero ka Yoana neni kec.

Ŋitic. 8:14 Iomraidhean Croise

1 Ŋirw. 13:32

anerae, iyookin kire jik akirot ŋina ke Ekapolon, ŋina abu iŋes kisera itoroniyarit Namuroet ŋina a Besel ka itoroniyarit ŋakais ŋuna amuroet anakiboisyo a ŋuna ayakasi nenimukur alotaunio a ŋulu a Samaria.”

Mat. 13:23

Isikwaanitae ŋikinyom ŋulu adoete nalup ŋuna ajokak ka ŋituŋa ŋulu iirarete akirot toyenut. Ŋul ikes kire erayete ŋikinyom, ŋice amiat, ŋice ŋatomonikanikapei, ka ŋice ŋatomoniuni.”

Luk. 22:8

Kiyakiya Yesu Petero ka Yoana tema, “Toloto kitemokis akimuj ŋina a Paska emuja.”

Yoa. 12:48

Ŋinituŋanan akaŋeri ayoŋ, nyecamu ŋakiro kaŋ, eyakar iŋes ekatubon. Ŋakiro ŋuna erworo ayoŋ, ikes eruworosi ekatubon keŋ Akoloŋit ŋina esidyon.

Ŋitic. 11:1

Kiirasi Ŋikiyakia ka ŋikanupak ŋulu alo Yudaya daadaŋ atemar kecamut ŋituŋa ŋulu pa arae Ŋiyudayan daŋ ŋakiro ŋuna ka Akuj.

Ŋitic. 15:4

Ani edolunete ikes Yerusalem, kijau atukot ŋina a Ŋikristo ka Ŋikiyakia ta ŋikatukok ikes. Tolimokis Paulo ka Baranaba ikes ŋakiro daadaŋ ŋuna abu Akuj kitiya aneni kec.

Ŋitic. 17:11

Apupete ŋituŋa a nen ŋakiro akilo ŋulu alo Tesalonika, anerae apotu kijaut ŋakiro ŋuna ka Akuj ecamito nooi, tosyomete a ŋinakoloŋit ŋakiro ŋuna igiritae Nakigireta, ecamito aripun erae kerae kire ŋakiro ŋuna erworo Paulo.

Ŋitic. 2:41

Tonupa ŋituŋa ŋulu alalak ŋakiro keŋ kibatisae, ido kiyatakin lokanupak ŋituŋa ŋulu adolito ŋalipyo ŋauni akoloŋit ŋin.

Ŋitic. 8:1

Ayai Saulo nen, kitojokite atwanare a Stepano. Akoloŋit ŋin, tolomu akisicanio ŋina aronon nooi natukot a ŋikanupak a Yesu ŋina ayai Yerusalem. Kielarae ŋikanupak daadaŋ, toloto ikes Yudeya ka Samaria; kidoŋo Ŋikiyakia bon.

Ŋigal. 2:9

Apotu Yakobo, Petero ka Yoana, ŋulu asibito ŋipirin a Ŋikristo, toyenut atemar kebu Akuj okoinak ayoŋ ajokis ŋinakitiyaet etic ŋolo apolon lo; aŋun, apotu ikes tonyout otiŋakinos ka ayoŋ ka Baranaba ŋakan ŋuna aloteten, kitoodiu nen atemar ikirae isua ka ikes ŋipei. Tocamunetei atemar etiyata ayoŋ ka Baranaba alokidiŋ ŋituŋa ŋulu nyerae Ŋiyudayan, ido kitiyata ikes alokidiŋ Ŋiyudayan.

1 Ŋites. 2:13

Ikilakanar nabo isua jwi jwi neni ka Akuj, anerae ŋina iponiata iyes kiiraryata ŋakiro ŋuna ka Akuj aneni kosi, ipotu iyes tocamut pa erae ŋakiro ŋuna a ituŋanan, nai erae ŋuna ka Akuj ka erae kire ŋakiro keŋ ŋuna tokona itiyaete alotooma kus a ŋulu inupito.

1 Ŋites. 3:2

aponi isua kiyakuunae Timoteo lokaato yok ŋolo ikitiyae ka isua aŋuna ka Akuj alotooma alimonokin Ŋakiro ŋuna Ajokak ŋuna a Kristo. Aponi isua kiyakuunae iŋes akitogogoŋ ka akisimukekin iyes ananupit kus,

2 Ŋites. 2:10

ka isitiyae amodiyo daadaŋ ŋina ka aronis keŋ alotuŋa a ŋulu ebukoro. Ebukorosi ikes, anerae apotu ikes nyijaut ka nyeminakis ŋakiro ŋuna a kire, ikotere toiunos.