Ŋitic. 8:1 - Ebaibul

¹ Ayai Saulo nen, kitojokite atwanare a Stepano. Akoloŋit ŋin, tolomu akisicanio ŋina aronon nooi natukot a ŋikanupak a Yesu ŋina ayai Yerusalem. Kielarae ŋikanupak daadaŋ, toloto ikes Yudeya ka Samaria; kidoŋo Ŋikiyakia bon.

Ŋitic. 8:1 Iomraidhean Croise

Neem. 6:3

Aŋun, abu ayoŋ eyakiya ŋituŋa neni kec alimokin ikes ebe, “Etiyae ayoŋ etic ŋolo agogoŋon nooi, ido nyapedori ayoŋ abunore. Kaanukiro emyekinia ayoŋ etic, ido otiyaun neni kus?”

Dan. 6:10

Ani tari keyenu Daniel atemar ewuak erwosit akan keŋ akitogogoŋio ekisil ŋolo aponi totubunoe, abu torubak elosenene lore keŋ ŋolo aya ŋidirisae nagule ŋina alokidiama, eŋoliyarito ŋidirisae ŋul lowae ŋolo ayai Yerusalem. Abu iŋes torubak elosenene nen toryedik kilip ka kipur Akuj keŋ ŋarwa ŋauni a ŋinakoloŋit, lopite ŋolopei sek etiyaa iŋes.

Dan. 6:23

Tolakar nai erwosit nooi, tolimok ŋituŋa atemar tolemunae Daniel anadui a ŋiŋatunyo. Aŋun aponi tolemunae Daniel anadui, mam nyeryamuna aneni keŋ tari iwadio daŋ ewanan, anerae abu iŋes kikinyom Akuj keŋ.

Mat. 22:6

Kikamut ŋuluce ŋipi, kibuŋata ka tobolyatar.

Mat. 23:34

Aŋun, toanyutu iyes atemar ekeyakikini ayoŋ iyes ŋikadwarak, ŋikaosok ka ŋiketatamak a Ŋikisila; iarete ŋice, ibubukinete ŋice lomusalabae, ibuŋaete ŋice alosinagogae kus ka isicanete ŋice alotaunio.

Mat. 5:13

“Iraakasi iyes acumbi ŋina ka akwap. Nai ani kepyaniar acumbi, itasasamunio nabo iŋes ikwaani? Eruwor ibore koŋin; aŋun, ebukoryo kiŋa, kipudata ŋituŋa.

Yoa. 15:20

Totamunito ŋuna adau ayoŋ alimokin iyes atemar, ‘Emam eketiyan ŋolo epol akilo ekeekapolon.’ Ani kekesicanito ikes ayoŋ, epote ikes akisican iyes daŋ; ani kiricakinito ikes ŋakiro kaŋ, iricakinete ŋuna kus daŋ.

Yoa. 16:2

Ikiritarete ikes iyes alosinagogae; kire ebuni apaki ŋina ikiaryata ŋituŋa iyes ebasi kori ikitiyae ŋuna ecamit Akuj.

Ŋitic. 1:8

Nai iryamunete iyes apedor apaki ŋina ebunio Etau ŋolo Asegan neni kus; iruworosi iyes ŋisuudae kaŋ alo Yerusalem, alo Yudaya daadaŋ ka Samaria tari neni isalya akwap.”

Ŋitic. 13:1

Ayakasi ŋikadwarak ka ŋiketatamak neni a Ŋikristo a ŋulu alo Antiokio. Araakasi ikes Baranaba ka Simeon ŋolo arae Niger (iŋes atemar ŋolokiryonon), Lukio ŋolo abunit alo Kurene, Manaen ŋolo kepolounete kaapei ka erwosit Erode ta Saulo.

Ŋitic. 13:36

Nai kire abu Daudi totwan, kedau akitiya ŋuna acamit Akuj iŋes kitiya ananyamet keŋ, tonukae diyete atapapaa keŋ, ido tobos.

Ŋitic. 2:47

epurosi ikes Akuj ka tominakinito ŋituŋa daadaŋ ikes. A ŋinakoloŋit, eyatanakini Ekapolon natukot kec ŋulu aiununuyo.

Ŋitic. 22:20

Ani ŋina aarere Stepano ŋolo arae esuuda kon, ayai ayoŋ elope nen etojokite atwanare keŋ ka eŋadat ŋilowi a ŋulu aarete iŋes.’

Ŋitic. 26:10

Erae ŋun ŋuna abu ayoŋ etiya alo Yerusalem. Anapedor a ŋikepukak ka ŋisacaradotin ŋulu apolok, abu ayoŋ oeneene alomabus ŋituŋa ŋulu ka Akuj ŋulu ewuapito Yesu. Meere ŋun bon, abu daŋ oriwo ka ŋulu atubonokinete ikes atwanare.

Ŋitic. 5:18

Ido apotu ikes kikamut Ŋikiyakia, kiwuakis ikes mabus iteete ŋituŋa daadaŋ.

Ŋitic. 5:20

“Toloto Kai ka Akuj, tolimokis ŋituŋa ŋakiro daadaŋ ŋuna ka akiyar a ŋina kitete a na, a ŋina ayau Yesu.”

Ŋitic. 5:33

Ani iirari Atukot ŋakiro ŋun, toŋo nooi, kiitan akiar ikes.

Ŋitic. 5:40

Tonyaraut nai ikes Ŋikiyakia tooma, kibuŋata, ido kicikakis nyirwor nabo alokiro a Yesu, tolakakis ikes toloto.

Ŋitic. 7:38

Arukito iŋes ka asepic ŋina a Ŋisirael, ŋina acunakina naloŋisat. Abu iŋes kirworo ka atapapaa yok ka emalaika daŋ ŋolo erworotor iŋes alomoru Sinai, aneni ejaunia iŋes Ŋakiciketa ŋuna eteyarak, ikikobak iwon.

Ŋitic. 7:54

Ani iirarete ŋituŋa ŋulu ka Atukot ŋakiro a Stepano, toŋoa ikes nooi, tonyoridido ŋireetin kec aŋuna keŋ.

Ŋitic. 7:58

Kitunyasi iŋes kiŋa etaun Yerusalem, tocaka a ŋamoru. Apotu ŋisuudae ŋulu a ŋakiro a ŋun kicikakis ŋilowi kec neni ke esorokit a ŋolo anyaritae Saulo.

Ŋitic. 8:14

Kiirasi nai Ŋikiyakia ŋulu ayakasi Yerusalem atemar acamut ŋituŋa ŋulu a Samaria ŋakiro ŋuna ka Akuj, kiyakiyasi ikes Petero ka Yoana neni kec.

Ŋitic. 8:2

Tonuka nai Stepano ŋikilyok ŋulu ainakina neni ka Akuj, kigworos nooi aŋuna keŋ.

Ŋitic. 8:4

Apotu ŋikanupak ŋulu aponi kielarae tolimonokis Ŋakiro ŋuna Ajokak nakwapin daadaŋ ŋuna apotu ikes toloto.

Ŋitic. 8:5

Tolot epei kec ŋolo anyaritae Pilipo lotaun ŋolo apolon alo Samaria, tolimonok ŋituŋa ŋakiro ŋuna a Kristo.

Ŋitic. 9:31

Arae epite ŋol abunio akinapakin lokanupak ŋulu alo Yudeya, Galileya ka Samaria. Abu Etau ŋolo Asegan kitogogoŋ ka kisimukek ŋikanupak, kiyatakin ekimar kec, kiboiyoto ekerito Ekapolon.

Ŋirom. 1:32

Eyenete ikes atemar ebala ekisil ŋolo ka Akuj ebe, ŋulu itiyaeneneete ŋakiro ŋun, itemokino totwaka. Tari kikote nen, nyerubakinito ikes itiyaete ŋun bon, nai itojokito daŋ ŋulu itiyaete ŋuna itiyaete ikes.

Ŋipil. 1:12

Ŋikaitotoi, acamit ayoŋ iyes toyenut ebe, ŋakiro ŋuna etiyakin neni kaŋ, eŋarakis akielar Ŋakiro ŋuna Ajokak.

Ŋibur. 11:27

Anupit iŋes arotokinio Moses alo Ijipit pa ekuryana atemar eŋoi erwosit a Ijipit. Torubak iŋes etitinyikinit esibit etakani aneni keŋ Akuj ŋina nyetakani.