Ŋitic. 7:51 - Ebaibul

⁵¹ “Eninik ŋatameta kus nooi! Ikote ŋitai kus ŋulu a ŋituŋa a ŋulu nyenupito Akuj! Nyicamunete iyes akiirar ŋakiro ŋuna ka Akuj! Ikote iyes atapapaa kus, itepegete iyes jwi jwi Etau ŋolo Asegan!

Ŋitic. 7:51 Iomraidhean Croise

2 Ŋirw. 17:14

Nai apotu nyiirasi, towout icasito lopite ŋolopei ecasitotor atapapaa kec akiirar. Apotu atapapaa kec towout akinup ŋakiro ŋuna ke Ekapolon Akuj kec.

2 Ŋakiro a ŋirwa 30:8

Nyitogogoŋo tokona ŋakyes kus lopite ŋolo etogogoŋitotor atapapaa kus, nai inakinos neni ke Ekapolon, potu nakibois keŋ ŋina asegan, ŋina adau iŋes akitaleun ŋikaru ka ŋikaru, ido kitiyanakis Ekapolon Akuj kus, ikotere elemari iŋes aŋoit keŋ ŋina aryenyaanan aneni kus.

Neem. 9:16

“Nai apotu atapapaa kosi kiturokinos, tosodo kitogogo ŋakyes kec ka nyiwuap ŋakiciketa kon;

Neem. 9:30

Alotooma ŋikaru ŋulu alalak, ibu iyoŋ kidaŋidaŋ ŋakiro kec. Alotooma etau kon, ibu iyoŋ tolimonok ikes aneni a ŋikadwarak akimyekin akitiya ŋuna aronok, nai apotu nyecamut akiirar ŋakiro kon. Aŋun, ibu iyoŋ kipotok ikes napedor a ŋituŋa a ŋakwapin.

Ŋikiru. 75:5

Tojoŋoto akirworo itoroniarito Akuj; tojoŋoto akisyaanu.’ ”

Ŋikiru. 78:8

Nyikwaanikinosi ikes ka atapapaa kec, anyamet ŋina a ŋasyanisya ka ŋikaŋerok, ŋulu pa etopoloorito Akuj alotai kec, ŋulu pa ekinyomito Akuj alotai kec.

Awos. 32:9

Adau ayoŋ ayenun atemar isyaaka ŋituŋa ŋul, egogoŋ ŋakyes kec.

Awos. 33:3

Apesi kitipeiyosi nakwap ŋina elelyaata ŋakile ka ao. Nai nyikilosi ayoŋ ka iyes, acepaki apedori ayoŋ amunyar iyes alorot, anerae irae iyes ŋituŋa ŋulu egogoŋ ŋakyes.”

Awos. 33:5

anerae aris Ekapolon ketema neni a Moses, “Tolimok Ŋisirael ebe, ‘Irae iyes ŋituŋa ŋulu egogoŋ ŋakyes; ani kerae orukorete ayoŋ ka iyes kidiama ama tari apaki ŋina euruwuana, kapedo ayoŋ amunyar iyes. Tolacasi tokona ŋinapito ŋulu isiritotor iyes, ido oanyu nai ayoŋ ŋuna etiyakini neni kus.’ ”

Awos. 34:9

tema, “Okoe Ekapolon, akadyekit ayoŋ iyoŋ, ani kajok ayoŋ aneni kon Ekapolon, apena orukosi ka isua; tari kerae ŋituŋa lu ŋulu egogoŋ ŋakyes, kisyoni aronis kosi ka asecit kosi, yaarae isua ikwapei ŋituŋa kon ke elope.”

Isa. 48:4

Aŋuna ayenia ayoŋ atemar irubakinito iyes isyaaka ka egogoŋ ŋakyes kus ka ilerito ŋireetin kus ikwa eburonis,

Isa. 63:10

Nai apotu ikes toŋero Ekapolon, ido kitoŋoa etau keŋ ŋolo asegan; aŋun, abu Ekapolon toruwor emoit kec, abu iŋes elope kitiji ikes.

Yer. 17:23

Nai apotu ikes nyiwuapa ŋakiro kaŋ, kori topupokis ŋuna erworo ayoŋ, apotu ikes kitogogoŋo ŋakyes kec, towout akiirar ka acamun ŋuna etatami ayoŋ ikes.’

Yer. 4:4

Okoe ŋituŋa a Yudaya ka ŋulu iboiyete alo Yerusalem, kiricakisi acamunet kus ka ayoŋ Ekapolon kus, kitaleutu ŋawat kus aŋuna kaŋ. Ani pa kitiyata iyes ŋun, ebuni anyunyura kaŋ neni kus erirae ikwa akim, enomiyari ibore daadaŋ ka emam ituŋanan ituduŋe iŋes, itiyakinosi ŋun aŋuna ka aronis a ŋina itiyaete iyes.”

Yer. 6:10

Kiŋit Yeremia Ekapolon tema, “Ŋae emaikina ayoŋ olimok tocoik ŋakiro nu? Ŋae iirari ŋakiro kaŋ? Agol ikes ŋaki kec, aŋun, nyepedorete akiirar. Ejamuwarito ikes akirot ŋina ke Ekapolon, nyitojokito ikes akirot a Ekapolon.

Esek. 2:4

Erae ŋituŋa ŋulu ekeyakiyari ayoŋ iyoŋ neni kec ŋulu nyeketopoloorito ayoŋ ka erae ŋulu egogoŋ ŋakyes. Tolimok ikes ebe,

Esek. 44:7

Ŋace ŋuna iatakis iyes nasiilyo kus ikes nu, iyaut iyes nakibois kaŋ ŋina asegan ŋituŋa ŋulugelaanotin ŋulu nyileŋeritae, ŋituŋa ŋulu nyekewuapito ayoŋ, elomete ŋituŋa ŋul akiyany Akai ka Akuj eriŋa iyes iyaunito neni kaŋ akimuj kaŋ, asepwae ka ŋaokot a ŋainakineta. Iŋero iyes acamunet kaŋ ka iyes anakitiya asiilyo kus ŋin daadaŋ.

Esek. 44:9

“‘Alimu ayoŋ Ekapolon Akuj atemar mam ituŋanan ŋinigelaanot ŋini nyileŋeritae, ŋini emaikina toloma nakibois kaŋ ŋina asegan, tari ituŋanan daadaŋ ŋinigelaanot ŋini iboiyete ka Ŋisirael, nyecamakinitae elomari nakibois kaŋ ŋina asegan.

Ŋilep. 26:41

ido abu ayoŋ daŋ oŋer ikes eela nakwapin a ŋimoe kec; ani nai kitiditeuna ikes tokona alotai kec; kekiito ŋasecisya kec,

Ekim. 27:14

anerae ipotu iyoŋ ka Aron toŋero ŋakiro kaŋ, analoŋisat a ŋina a Sin apaki ŋina eŋuruŋurar atukot a Ŋisirael neni kaŋ, ipotu iyes nyikitopoloosi ayoŋ anasegis kaŋ alokiŋaren kec anakipi a ŋuna a Meriba.” (Erae ŋun ŋakipi a Meriba a ŋina alo Kades analoŋisat a Sin.)

Ŋitic. 6:10

Nai inak Etau ŋolo Asegan Stepano aosou ŋina pa apedoryata ikes akitepeg, kilouniata iŋes.

Ŋitic. 7:27

Nai abu ekile ŋolo etiji ŋoloce kijuka Moses nawae tema, ‘Ŋae ikituruwori iyoŋ ekosikepukan ka ekatubon ŋakiro kosi?

Ŋitic. 7:35

“Arae lo Moses ŋolopei apotu Ŋisirael toŋero apaki ŋina aponiata tolimokis iŋes temasi, ‘Ŋae ikituruwori iyoŋ ekepukan ka ekatubon ŋakiro kosi?’ Iŋes pei abu Akuj alope kiyakiya neni kec aruwor ekepukan ka ekalakunan kec, alorwor a emalaika a ŋolo atakanikinit iŋes anamoni.

Ŋitic. 7:39

“Nai apotu atapapaa yok towout akiwuap ŋakiro keŋ. Toŋero ikes iŋes, kiitana aboŋor Ijipit.

Ŋitic. 7:9

“Torakaakyata atapapaa yok, togyelasi Yosepu Ijipit aruwor epito. Nai arukito Akuj ka Yosepu,

Ŋirom. 2:25

Ani kiwuap iyes ŋuna ebasi Ŋikisila, nyeruwor akileŋeryo kus akoŋinait. Nai ani pa kiwuap iyes ŋuna ebasi Ŋikisila, eruwor akileŋeryo kus akoŋinait.

Ŋiep. 4:30

Nyitunyunyurikis Etau ŋolo Asegan ŋolo ka Akuj, anerae erae Etau ŋolo Asegan emacar keŋ ŋolo ikituruworit iyes ŋulu keŋ, ibore ŋini itoodiunit atemar ebunit Akoloŋit ŋina ikilakunia Akuj iyes jik.

Ŋikis. 10:16

Aŋun tokona, kilocokisi ŋipitesyo kus, tojoŋoto jik arakau ŋituŋa ŋulu egogoŋ ŋakyes;

Ŋikis. 30:6

“Nabo daŋ, ikiinakini Ekapolon iyes ka ŋiletok kus ŋitai ŋulu iwuapito ŋakiro keŋ, ikotere iminakinete iyes Ekapolon Akuj kus a ŋitai kus a daadaŋ ka a akiyar kus a daadaŋ ka toyara.

Ŋikis. 31:27

anerae ayeni ayoŋ nooi atemar irae iyes ŋituŋa ŋulu aŋerok ka ŋulu esyaak. Ani nai ŋina sek iŋereneneoto iyes Ekapolon eriŋa ayoŋ ayari ka ikirukit ka iyes, alipite moi iŋeryoto iyes Ekapolon atwani ayoŋ!

Ŋikis. 9:13

Torubak Ekapolon irworo neni kaŋ ebala, “Adau ayoŋ aanyun atemar erae kire jik ŋituŋa lu ŋulu egogoŋ ŋakyes.

Ŋikis. 9:6

Toyenutu nai kire atemar nyikiinakinit Ekapolon Akuj kus iyes akwap ŋina ajokan aŋuna ka akiyookino kus kiboiyoto iyes, anerae irae iyes ŋituŋa ŋulu egogoŋ ŋakyes.

Ŋipil. 3:3

Iwon ikiryamu akileŋeryo ŋina a kire, anerae ilipyo iwon neni ka Akuj alotooma Etau keŋ ka ikituro anakimorikina ka Yesu Kristo. Nyikinyomitae iwon ŋitalyo ŋulu itiyanakinio kiŋa akuwan,

Ŋikol. 2:11

Anakimorikina ka Kristo, iruworosi tokona iyes ŋulu ikileŋeritae; meere ka akileŋeryo a ŋina itiyaete ŋituŋa, nai ka akileŋeryo a ŋina etiyae Kristo, ŋina ikilacakinit iyes anapedor a ŋina ke ekuwane a ŋolo ka aseconu.