50 Meere mono ŋakan kaŋ etiyaunete ŋiboro lu daadaŋ a?’
anerae ŋirwa ŋikanikapei, abu Ekapolon kitiya, tosub nakuj, akwap, anam ka ibore daadaŋ ŋini eyai tooma kec. Aŋun, abu Ekapolon kiterereŋ akoloŋit ŋina a Sabato kitesegu.
Nyeyenuna iyes a? Nyiirara iyes a? Erae Ekapolon Akuj ŋina a ŋikaru ka ŋikaru, ekasuban akwap ka ŋinibore eyai nakwap. Nyilelenyenene iŋes, kori nyeupenene; mam ituŋanan epedori ayenun ŋuna eyeni iŋes.
Alimu Ekapolon Ekalakunan kus, ŋolo abu ikiyeu iyes anakookyes atatoto kus ebe, “Arae ayoŋ Ekapolon ŋolo asubuni ŋiboro daadaŋ, ayoŋ abu opetak kidiama, ayoŋ elope abu opetak akwap.
Ayoŋ asubuni akwap ka abu osub ŋituŋa ŋulu eya nakwap; ayoŋ abu opetak kidiama ka abu olimu atemar toyakaun nen ŋisubuna ŋulu eya kidiama.
Ŋakan kaŋ etiyaunete ŋiboro lu daadaŋ, ido erae ŋiboro lu daadaŋ ŋulu kaŋ. Nai ituŋanan ŋini ikoni ne iŋes alakaror ayoŋ: Ituŋanan ŋini itiditeuna bon ŋini ekiit alotau keŋ, ŋini itopoloorit akirot kaŋ.
Aŋun tolimok ŋituŋa ebe, “Emunyaryo anakwap ŋakujo ŋuna pa arae ikes etiyaunete ŋiboro ŋulu alokidiama ka ŋulu alokwap, eŋopiyarete ikes alokwap ka kidiama.
Okoe Ekapolon Akuj, arae iyoŋ isubuni nakuj ka nakwap ka apedor kon a ŋina apolon ka akan kon a ŋina agogoŋon, mam ibore ikipiyori iyoŋ.
“A ŋikilyok, kaanukiro itiyaata iyes nu? Isua daŋ ikirae ŋituŋa ikwa iyes! Ikiyaunit isua Ŋakiro ŋuna Ajokak neni kus, ikotere kibelekinos anakujo a ŋuna koŋinae neni ka Akuj a ŋina eyari. Iŋes erae Akuj ŋina asubi kidiama ka akwap, anam ka ŋiboorei daadaŋ ŋulu eyakasi tooma kec.
Akuj na ŋina asubuni akwap ka ibore daadaŋ ŋini eyai tooma keŋ, ŋina erae Ekapolon ŋolo anakuj ka akwap; nyiboi iŋes anakais a ŋuna edukito ŋituŋa akilipya ŋakujo.
