Ŋitic. 7:41 - Ebaibul

⁴¹ Apaki ŋin, iŋes etiyauniata ikes etorube ŋolo a itaok, ido inakis ŋamuronisya nakuj ŋin ka kimomwora aŋuna a ibore a ŋini etiyaunete ikes a ŋakan kec.

Ŋitic. 7:41 Iomraidhean Croise

Neem. 9:18

Tari apaki ŋina etiyauniata ikes a egolid etorube a itaok aŋuna kec temasi, ‘Erae na akuj kus ŋina ikitipeunio iyes anakwap a Ijipit;’ ido apotu ikes ikiyanya iyoŋ nooi,

Osea 9:1

Okoe Ŋisirael, nyilelyana! Nyicelut ilakara, lopite ŋolo itiyaata ŋituŋa a ŋakwapin, anerae imalaaka iyes, imyekis iyes Akuj kus, iminakis iyes eropit ŋolo iryamununeete analosin a daadaŋ.

Osea 9:10

Apaki ŋina arukaunia ayoŋ Ŋisirael abu ayoŋ orukau ikes lopite ŋolo erukaunere ŋikito a epiini analoŋisat, abu daŋ orukau atapapaa kec lopite ŋolo erukaunere ŋaboboryo ŋuna esyaunak ekokito alokitoe. Nai ani edolete ikes Baal-Peor, tosodi kitaleikinos nibore ŋinicaryoit ŋini a ŋileec, apotu Ŋisirael toroketa a nen atipei, kikwaanikin aronis kec ka ŋina a ŋakujo a ŋuna apotu ikes tominakis.

Akis. 9:20

Ŋituŋa ŋulu pa apotu ŋakisicaneta ŋun toara, apotu nyekiwa akilip neni a ŋipyan ka neni a ŋakujo a ŋuna etiyaunito ikes ŋilopeyek. Etiyaunitae ŋakujo ŋun a egolid, a esilipa, a eburonis, a ŋamoru ka a ŋakito; ŋakujo ŋuna nyepedorete aanyuwar, akiirar, kori alosit.