Ŋitic. 6:9 - Ebaibul

⁹ Nai kitepega ŋituŋa ŋice iŋes. Arae ikes ŋituŋa ŋulu ke esinagoga a ŋolo enyaritae, “Ŋituŋa ŋulu Elacakina”. Arukito ikes ka ŋulu alo Kurene, Alekisandaria, Cilicia ka Asia.

Ŋitic. 6:9 Iomraidhean Croise

Mat. 10:17

Tocoikinito ŋituŋa, anerae eya ŋulu ikikamunete iyes itorikosi loikiikoe ka ikibuŋata alosinagogae kec.

Mat. 23:34

Aŋun, toanyutu iyes atemar ekeyakikini ayoŋ iyes ŋikadwarak, ŋikaosok ka ŋiketatamak a Ŋikisila; iarete ŋice, ibubukinete ŋice lomusalabae, ibuŋaete ŋice alosinagogae kus ka isicanete ŋice alotaunio.

Mat. 27:32

Ani elomarete ikes kiŋa etaun, toryamut ecekile ŋolo abunit alo Kurene, ŋolo anyaritae Simoni, kitiŋakis iŋes akiryoŋ emusalaba a Yesu.

Mar. 13:9

“Tocoito iyes, anerae epote ikes arikor iyes loikiikoe ka ikibuŋaete alosinagogae. Ikitowuoyo iyes alokiŋaren ŋikepukak ka ŋikapolok ŋice daŋ aŋuna kaŋ. Apaki ŋin, iŋes iruworotor iyes ŋisuudae kaŋ.

Luk. 21:12

Nai eriŋa ŋun daadaŋ nyitiyakina, ikikamunio iyes ikisicani nooi, ikiyaaryo iyes losinagogae ka mabus, ido itorikor akitowuo alokiŋaren ŋikarikok ka ŋikapolok aŋuna kaŋ.

Ŋitic. 11:20

Nai apotu ŋikanupak ŋice ŋulu arae ŋulu alo Kupuro ka Kurene toloto Antiokio, kirworo tari lotuŋa ŋulu pa arae Ŋiyudayan, tolimonokis ikes Ŋakiro ŋuna Ajokak ŋuna ke Ekapolon Yesu.

Ŋitic. 13:1

Ayakasi ŋikadwarak ka ŋiketatamak neni a Ŋikristo a ŋulu alo Antiokio. Araakasi ikes Baranaba ka Simeon ŋolo arae Niger (iŋes atemar ŋolokiryonon), Lukio ŋolo abunit alo Kurene, Manaen ŋolo kepolounete kaapei ka erwosit Erode ta Saulo.

Ŋitic. 13:45

Nai ani iŋolikinete Ŋiyudayan ŋasepico, min arakao nooi neni kec, kitepega erwor a Paulo ka kiyanya iŋes.

Ŋitic. 15:23

Inakinae ikes akiya abaruwa ŋina abala ne: “Isua Ŋikiyakia ka ŋikatukok ŋulu ikirae ŋikaitotoi kus, ikimalat iyes ŋikanupak daadaŋ ŋulu nyirae Ŋiyudayan ŋulu iyakasi Antiokio, Siria ka Cilicia.

Ŋitic. 15:41

Kirimo iŋes Siria ka Cilicia, kitogogoŋ ŋatukon ŋuna a ŋikanupak.

Ŋitic. 16:6

Kirimosi ikes nakwapin ŋuna a Pirigia ka Galatia, kedau Etau ŋolo Asegan awoun ikes akisera ŋakiro ŋuna ka Akuj alo Asia.

Ŋitic. 18:24

Apaki ŋin, bu lotaun ŋolo ke Epeso Eyudayat ŋolo anyaritae Apolo, ŋolo edounitoe alo Alekisandaria. Ayeni iŋes erwor nooi, ayeni daŋ Ŋakigireta nooi.

Ŋitic. 19:10

Kitiya iŋes ŋun ŋikaru ŋiarei, kisiira Ŋiyudayan ka Ŋigirik daŋ alo Asia ŋakiro ŋuna ke Ekapolon.

Ŋitic. 19:26

Iteete ka iirasi iyes ŋilopeyek Paulo lo. Ebala iŋes ebe nyerae ŋakujo ŋuna itiyaunito ŋituŋa ŋakujo tari iwadio ka etunup ŋituŋa daadaŋ a ne alo Epeso ka akwap ŋina ka Asia daadaŋ.

Ŋitic. 21:27

Ani eapikini ŋirwa ŋulukanikaarei ŋulu ka akiteseguno adaun, kiŋolikis Ŋiyudayan ŋice ŋulu alo Asia Paulo alo Kai ka Akuj. Kisiguryakis ikes asepic daadaŋ, kikamut Paulo.

Ŋitic. 21:39

Toboŋok Paulo tema, “Arae ayoŋ Eyudayat ŋolo alo Cilicia, ŋolo ekedounitoe alo Taso, etaun ŋolo arwon. Kiŋarakinae kare mono erworik lotuŋa.”

Ŋitic. 22:19

Oboŋok ayoŋ otema, ‘Ekapolon, eyenete ikes nooi atemar abu ayoŋ olosenenee losinagogae akikam ka akibuŋa ŋulu ikinupito iyoŋ.

Ŋitic. 22:3

“Arae ayoŋ Eyudayat ŋolo ekedounitoe alo Taso anakwap a ŋina a Cilicia, nai eketopolounitoe a ne alo Yerusalem, arae ekasyoman ŋolo a Gamaliel. Abu iŋes eketatam ayoŋ ejok epite ŋolo itemokino ewuapitor Ŋikisila ŋulu atapapaa yok ka abu ayoŋ olelaki Akuj nooi ikwapei tokona ilelakinitotor iyes daadaŋ a ne.

Ŋitic. 23:34

Ani kedau Pelekis akisyom abaruwa, kiŋit iŋes Paulo akwap keŋ. Ani eyenuni atemar abunit iŋes alo Cilicia,

Ŋitic. 24:18

Arae apaki ŋina etiyaa ayoŋ ŋun iŋes akaryamuniata Ŋiyudayan ŋice ŋulu alo Asia ayoŋ alo Kai ka Akuj, kerikak etal ŋolo ka akiteseguno, ikwaŋina icikakinitotor Ŋikisila kosi. Amam asepic ikirukitor ayoŋ ka amam aruruma.

Ŋitic. 26:11

Abu ayoŋ jwi jwi esican ikes alosinagogae a daadaŋ aŋuna ka akitiŋakin ikes akiŋer anupit kec; ido anyunyurikina ayoŋ ikes nooi, esican tari alotaunio a ŋulu agelaaka.

Ŋitic. 6:10

Nai inak Etau ŋolo Asegan Stepano aosou ŋina pa apedoryata ikes akitepeg, kilouniata iŋes.

1 Ŋikor. 1:20

Ai mono alokiŋaren Akuj eyai ituŋanan ŋini aoson? Ai eyai ituŋanan ŋini eyeni? Ai eyai eketepegan anakwap a na? Nyeanyuwara tokona iyes epite ŋolo etabaŋaaniarya Akuj aosou ŋina ka akwap a na a?

Ŋigal. 1:21

Ekaku, abu olot nakwapin ŋuna eyakasi Siria ka Cilicia.