Ŋitic. 6:7 - Ebaibul

⁷ Kielakin nai akirot ka Akuj nen, kiyatakin nooi ekimar a ŋikasyomak alo Yerusalem. Apotu daŋ ŋisacaradotin ŋulu alalak kiwuapa Ŋakiro ŋuna Ajokak, tonupa Yesu.

Ŋitic. 6:7 Iomraidhean Croise

2 Ŋakiro a ŋirwa 29:34

Nai akudyoko nooi ŋisacaradotin, pa apedorito ikes akiyeŋ ŋainakineta ŋuna epeyo, aŋun, ikwapei ariŋaakar nyitaleuno ŋisacaradotin ŋice, apotu ŋiyeneta kec ŋilepi kiŋarakis ikes akitodol ŋina adaunor etic. Etiyaete ŋilepi ŋun, anerae ewuapito ikes ŋitalyo ŋulu ka akitaleununo akilo ŋisacaradotin.

2 Ŋakiro a ŋirwa 30:24

Apotu ŋirwa ŋul kitiyakin, anerae abu erwosit Esekia ŋolo a Yudaya inak ŋituŋa ŋimoŋin aliput ka ŋamesekin ŋalipyo ŋakanikaarei aŋuna a ŋainakineta, apotu ŋikapolok daŋ inakis ŋituŋa ŋimoŋin aliput ka ŋimesekin ŋalipyo ŋatomon. Apotu ŋisacaradotin ŋulu alalak nooi kitaleunos.

Ŋikiru. 132:16

Eterereŋi ayoŋ ŋisacaradotin keŋ alotooma daadaŋ ŋuna itiyaete, ido eikinete ŋituŋa keŋ, tocela alotooma alelyanu.

Ŋikiru. 132:9

Elipi kitiyata jwi jwi ŋisacaradotin kon ŋuna iyookino, elipi toeoto ŋituŋa kon aŋuna ka alelyanu.

Mat. 19:30

Nai ŋulu alalak ŋulu iŋarenete tokona, isidiyoryo; nabo ŋulu isidiyoro tokona, isiŋarenio.”

Luk. 2:34

Kiterereŋ Simeon ikes, tolimok nai iŋes Maria toto a Yesu tema, “Aseu Akuj ikoku en, ikotere inyasunotor ŋikalalak ka ikotere eiunotor ŋikalalak alo Isirael. Erae daŋ iŋes akitaanyikinet aneni ka Akuj ŋina epegete ŋikalalak,

Yoa. 12:42

Tari kikote neni, apotu tari ŋikapolok ŋulu a Ŋiyudayan ŋulu alalak tonupa Yesu. Nai aŋuna akeritotor ikes Ŋiparisayon, nyelimut ikes ŋakiro ŋun epupete ŋituŋa, ikotere nyiritar ikes alosinagoga.

Ŋitic. 12:24

Nai torubak akirot ŋina ka Akuj iyata ka tokeikin akwap.

Ŋitic. 13:8

Nai abu ekekukujan Elimas (epite ŋol anyaritotor Ŋigirik Ba-Yesu ŋol), ŋolo acamit akitooliyor ekepukan ananupit ŋakiro ŋuna ka Akuj, kitepeg ikes.

Ŋitic. 14:22

Kitogogoŋo ikes ŋikanupak, kisimukekis arubakin ananupit. Kitatama ikes ŋikanupak ebe, “Itemokino iwon etoro locan ŋulu alalak, eriŋa nyelomara Napukan ka Akuj.”

Ŋitic. 19:20

Alopite a ŋol, abu akirot ŋina ke Ekapolon kiyatakin nooi ka kielakin nakwapin.

Ŋitic. 2:47

epurosi ikes Akuj ka tominakinito ŋituŋa daadaŋ ikes. A ŋinakoloŋit, eyatanakini Ekapolon natukot kec ŋulu aiununuyo.

Ŋitic. 21:20

Ani kiirasi ikes erwor a Paulo, kipuro ikes Akuj. Temasi nai ikes daadaŋ neni a Paulo, “Lokaato, kiŋolik iyoŋ epite ŋolo alo Yerusalem a ne: eyakasi Ŋiyudayan ŋulu edolito ŋalipyo, ŋulu aruworosi ŋikanupak a Yesu. Tari kikote neni, iricakinito ikes daadaŋ Ŋikisila a Moses.

Ŋitic. 6:1

Alorwa a ŋulu eyatakinor ekimar ŋolo a ŋikasyomak a Yesu, kiŋuruŋurakinos Ŋiyudayan ŋulu erworosi Ŋagirik neni a Ŋiyudayan a ŋulu erworosi Ŋaburaniyae. Abasi ŋulu erworosi Ŋagirik ebe nyemitakinitae ŋapuseru kec a ŋinakoloŋit apaki ŋina ekorere akimuj.

Ŋirom. 1:5

Akainaki Akuj ayoŋ arereŋu aneni a Yesu Kristo; arereŋu ŋina ruworet ekiyakia, ikotere etunupya ka esiwuapya ŋituŋa a ŋakwapin a daadaŋ ŋakiro keŋ, ido kitopolooroe ekiro a Kristo.

Ŋirom. 16:26

Nai tokona esileereun ŋakiro ŋun a Nakigireta a ŋikadwarak ka eteyenikin lotuŋa a ŋibukui a daadaŋ lopite ŋolo icikakinitor Akuj ŋina nyesaluni; ikotere tonupa ka kiwuapa daadaŋ ŋakiro ŋuna ka Akuj.

Ŋigal. 1:23

Arae ŋuna bon ayenete ikes ŋuna alimonokinete ŋuluce ikes ebe, “Ekile ŋolo paaran ikisicanit iwon, elimonokini tokona Ŋakiro ŋuna Ajokak ŋuna a Yesu, ŋunapei paaran ekatakinit iŋes akinyasun”.

Ŋigal. 6:10

Aŋun nai, ani eriŋa iwon ikiyakar apaki ŋina ajokan, itemokino etiyata ŋuna ajokak neni a ŋituŋa a daadaŋ, akilo nooi neni a ŋulu erae ŋikanupak ikwa iwon.

Ŋikol. 1:6

Erubakinito Ŋakiro ŋuna Ajokak erayete ka epoloete ka ealakin nakwapin daadaŋ, lopite ŋolo etiyakinotor neni kus ameun akoloŋit ŋina iiraryata iyes ekiŋaren ŋuna ka ajokis a ŋina ka Akuj ka ipotu iyes toanyut epite ŋolo eyakatar ikes kire.

2 Ŋites. 1:8

Ebuni iŋes anasarae a ŋina ka akim akisican ŋituŋa ŋulu eŋerito Akuj ka ŋulu eŋerito Ŋakiro ŋuna Ajokak ŋuna ke Ekapolon yok Yesu.

2 Tim. 2:9

Aŋuna alimonokinia ayoŋ Ŋakiro ŋuna Ajokak, aryamunit ŋican ka akaenitae a ŋiriko ikwa ekeworon. Nai nyeenitae akirot ŋina ka Akuj.

Ŋibur. 11:8

Anupit iŋes ewuapakinia Aburaam ŋakiro ŋuna ka Akuj apaki ŋina anyaraa Akuj iŋes alosit nakwap ŋina eikinit Akuj ainakin iŋes. Toesik iŋes akwap keŋ, pa eyeni neni alosi.

Ŋibur. 5:9

Ani kituruwor iŋes ŋolo iyookino kire, abu toruwor ŋolo eyauni aiuno ŋina nyedaun neni a ŋulu daadaŋ ekerito iŋes;

Yud. 1:20

Nai iyes ŋikaitotoi ŋulu minan, torubakisi ipoloete ananupit a ŋina asegan akilo; torubakisi ilipeneneete alotooma Etau ŋolo Asegan.

Yud. 1:3

Ŋikaitotoi ŋulu minan, ikwaŋina acamitor ayoŋ akigir neni kus aŋuna ka aiuno a ŋina ikimori iwon, abu oanyu atemar itemokino egir anakilipit iyes tojioto aŋuna ka anupit a ŋina abu Akuj inak ŋituŋa keŋ apeiinakinet kirikakin.