Ŋitic. 6:12 - Ebaibul

¹² Kisiguryakis ikes ŋituŋa, ŋikatukok ka ŋiketatamak a Ŋikisila, toporokis iŋes yaasi neni ka Atukot.

Ŋitic. 6:12 Iomraidhean Croise

Ŋakit. 15:18

Epedorete ŋituŋa ŋulu epatana akiŋo akisiwaŋ erwor, nai epedorete ŋituŋa ŋulu nyepatana akiŋo akisililiŋ ebura.

Mat. 26:57

Torikosi ŋituŋa ŋulu ekamunete Yesu iŋes neni a Kaipa a ŋolo arae Esacaradoti ŋolo Apolon nooi, ka neni ka Atukot a ŋiketatamak a Ŋikisila ka neni a ŋikatukok.

Mat. 5:22

Nai tokona akalimokini ayoŋ iyes atemar, ituŋanan ŋini eŋoikini lokaato keŋ, itemokino isitakinio anatukot. Nai ŋini iyanyi lokaato keŋ, itemokino yaunae loikiiko ka ŋini etemari ŋinice, ‘Ibaŋaana iyoŋ,’ itemokino tocakakinae tooma nakim ŋina nyeduŋe.

Luk. 20:1

Akoloŋit apei ŋina ayakar Yesu Kai ka Akuj itatami ŋituŋa Ŋakiro ŋuna Ajokak, potu ŋisacaradotin ŋulu apolok ka ŋiketatamak a Ŋikisila ta ŋikatukok neni keŋ,

Ŋitic. 13:50

Nai, apotu Ŋiyudayan kitutuko ŋaberu ŋuna apolok ŋuna ainakina neni ka Akuj ka ŋikarikok ŋulu ke etaun. Togeut ikes akisican Paulo ka Baranaba, kiritasi ikes anakwap kec.

Ŋitic. 14:2

Nai apotu Ŋiyudayan ŋulu awounito akinup kiguryakis ka kicocoa daŋ ŋituŋa ŋulu pa arae Ŋiyudayan akitoroniyar ŋikanupak.

Ŋitic. 17:13

Nai ani iirarete Ŋiyudayan ŋulu alo Tesalonika atemar iserae Paulo ŋakiro ŋuna ka Akuj tari alo Berea, potu ikes neni daŋ, togeut akitutuk ŋituŋa, kisiguryakis.

Ŋitic. 18:12

Ani ituruworyo Galio ekawuoikiniton ekepukan a Roma anakwap a ŋina ka Akaia, tocunakinos Ŋiyudayan iwapei, kikamut Paulo yaasi loikiiko.

Ŋitic. 21:27

Ani eapikini ŋirwa ŋulukanikaarei ŋulu ka akiteseguno adaun, kiŋolikis Ŋiyudayan ŋice ŋulu alo Asia Paulo alo Kai ka Akuj. Kisiguryakis ikes asepic daadaŋ, kikamut Paulo.

Ŋitic. 5:18

Ido apotu ikes kikamut Ŋikiyakia, kiwuakis ikes mabus iteete ŋituŋa daadaŋ.

Ŋitic. 5:27

Ani keyaut ikes Ŋikiyakia, kitowua alokiŋaren Atukot. Tolimok Esacaradoti ŋolo Apolon nooi ikes tema,

Ŋitic. 6:11

Kicocoa nai ikes anakimunono ŋikilyok ŋice alimun atemar, “Ikiira isua Stepano irworo ŋakiro ŋuna a ŋiyany neni a Moses ka neni ka Akuj!”