Ŋitic. 5:9 - Ebaibul

⁹ Tolimok Petero iŋes tema, “Kaanukiro iponiata iyoŋ ka lokile kon tocamut akikatakin Etau ŋolo ke Ekapolon? Topupok! Ipupi iyoŋ ŋakejen alopuke a? Erae ŋuna a ŋisorok a ŋulu sek alosito akinuk lokile kon, ikidakarete ikes iyoŋ daŋ kiŋa.”

Ŋitic. 5:9 Iomraidhean Croise

Akisy. 20:13

Abu ayoŋ olimok iŋes apaki ŋina eketuruworya Akuj ayoŋ ekawoton alokal a papa kaŋ otema, ‘Erae na ajokis ŋina emaikina iyoŋ kitiya neni kaŋ: Akibois daadaŋ ŋina edolio iwon, emaikina iyoŋ tolimok ŋituŋa a akibois a ŋin atemar erae lo lokaato kaŋ.’”

2 Ŋirw. 6:32

Tosodi kiyakiya iŋes ekile alosit arikun Elisa. Apaki ŋinapei, ayai Elisa kai keŋ, eboiyete ka ŋikasikou. Ani eriŋa ekile ŋolo eyakit erwosit nyedoluno, tolimok Elisa ŋikasikou tema, “Iyenete iyes atemar iyakuunit ekaaran ŋol ekile atubor akou kaŋ a? Ani tokona edoluni ŋolo iyakuunitae ne, togolokis ekek, nyimyekis iŋes tolomu. Etupit erwosit elope iŋes ediyediye.”

Ŋikiru. 50:18

Ikoneununeete iyes ŋikokolak apaki ŋina iŋolikiniata edio, ido iminasi arukit ka ŋikalomak.

Ŋikiru. 78:56

Nai apotu ikes kitemo Akuj, toŋero Akuj ŋina alokidiama nooi; apotu nyiwuapa ŋakiciketa keŋ.

Awos. 17:2

Aŋun, apotu ikes kisiburata Moses a nen temasi neni a Moses, “Inakinae isua ŋakipi tomatae.” Kiŋit Moses ikes tema, “Kaanukiro ikisiburaata iyes ayoŋ? Kaanukiro ikatakinitotor iyes Ekapolon?”

Awos. 17:7

Tolimok Moses ŋirorwa a akibois a ŋin Masa anerae apotu Ŋisirael kisiburata ka kikatakis Ekapolon a nen kiŋita temasi, “Eyai mono Ekapolon kaapei ka iwon, kori mam?”

Ŋakit. 11:21

Toyenete atemar nyebucarosi ŋulu aronok pa isicanitae, nai elosete ŋulu iyookino pa isicanitae.

Ŋakit. 16:5

Esiilyaka aneni a Ekapolon ŋituŋa daadaŋ ŋulu erae ŋiketurok, ŋituŋa, toyenete atemar nyebucarosi ŋulu aronok anakisicanio.

Mika 7:3

Ayenikis ŋakan kec nooi akitiya aronis; iŋitasi ŋikapolok ka ŋikatubok ŋakiro ŋakaluŋuluŋui, ereanakinete ŋulu eyakatar apedor ŋuluce akitiya ŋuna ecamito ikes; aŋun, aoliyosi ikes daadaŋ anakiyookino.

Ekim. 14:22

mam ituŋanan alotooma ŋituŋa ŋulu eŋolikis akica kaŋ ka ŋakitoodyanakineta ŋuna abu ayoŋ etiya alo Ijipit ka analoŋisat, ido eketemo ayoŋ ŋakitemyeta ŋatomon ka ŋini nyiwuapa ŋakiro kaŋ,

Mat. 4:7

Toboŋok Yesu iŋes tema, “Igiritae nabo ebe, ‘Nyitem Ekapolon Akuj kon.’ ”

Luk. 16:2

Tosodi ekapolon tonyarau iŋes kiŋit tema, ‘Anukiro nu ŋuna apupi ayoŋ atemar itiyae iyoŋ? Kitoodikinae cenite ekimar a ŋiboro kaŋ daadaŋ, anerae acepaki nyirubakini iyoŋ irae eketiyan kaŋ.’

Ŋitic. 15:10

Aŋun, kaanukiro nai ikatakinitotor iyes akitoŋo Akuj alotooma akisiwuok ŋikanupak ŋigogoso ŋulu pa apedorito atapapaa yok kori iwon daŋ akiwuok.

Ŋitic. 5:6

Potu ŋisorok kimuko akuwan keŋ, yaasi kiŋa, tonuka.

Ŋirom. 10:15

Ikokinio iserao ŋakiro ŋuna ka Akuj ai, erae pa kiyakiyar ŋikiyakia? Ikwaŋinapei ebaakatar Ŋakigireta ebe, “Ejok nooi abunore ŋina a ŋulu eyaunete Ŋakiro ŋuna Ajokak.”

Ŋirom. 3:19

Ikiyeni nai iwon atemar ŋuna elimunito Ŋikisila, elimunito aŋuna a ŋulu ipukato Ŋikisila, ikotere isililiŋere ŋipegeta daadaŋ ka yaunae ŋituŋa daadaŋ, totubok Akuj ikes.

1 Ŋikor. 10:9

Nyitemokino iwon etemo Ekapolon ikwa etemitotor ŋice kec; aŋun, apotu ŋimuno tomunyasi ikes.