Ŋitic. 5:41 - Ebaibul

⁴¹ Tolomasi Ŋikiyakia a Natukot elakara nooi, anerae atamete ikes atemar amaikina ikes aryamun ŋican aŋuna ke ekiro a Yesu.

Ŋitic. 5:41 Iomraidhean Croise

Isa. 51:7

Topupokisi ŋakiro kaŋ iyes ŋulu eyenete ŋuna ka akiyookino, iyes ŋituŋa ŋulu iwuakinito akitatam kaŋ lotai kus nyikuryaketa aŋuna ŋituŋa a ŋulu ikiyanyete iyes, nyikikadak iyes apaki ŋina ikiyanyata ikes iyes,

Isa. 61:10

Alelyani ayoŋ nooi alotooma Ekapolon, itopoloori akiyar kaŋ daadaŋ Akuj kaŋ; anerae eketanap iŋes ayoŋ elou ŋolo ka aiuno, ekemuko iŋes ayoŋ a elou a ŋolo ka akiyookino, lopite ŋolo ilelebar alakara lotau a eteran ka lopite ŋolo esiryo ateran a ŋinapen a ŋulu ebusak.

Isa. 65:14

Eokinete ŋiketiyak elakara alotai kec, nai igworete iyes aŋuna ka aryeba a ŋitai kus ka iwololoete aŋuna ka akiyaloloŋ a ŋitai kus.

Isa. 66:5

Kiirasi ŋakiro ŋuna irworo Ekapolon, iyes ŋulu itopoloorito ŋakiro keŋ, “Adaut ŋituŋa kus pei ŋulu ikiremokino iyes ka ikiŋerito iyes aŋuna a ekiro kaŋ alimun ebe, ‘Emaikina Ekapolon kitoodiu apolou keŋ, ikotere isua ikiŋolikini iyes ilelyanete.’ Nai ikes ŋikulepek isurumyo ŋileec.

Luk. 6:22

“Irereŋ iyes ŋina ikiremokinotor iyes ŋituŋa, ikikotasi, ikisolokis ka kirworotor ŋikusirorwa aŋuna a Lokoku a Ituŋanan!

Yoa. 15:21

Nai itiyakinete ikes ŋun daadaŋ neni kus aŋuna kaŋ, anerae nyeyenete ikes ŋolo ekeyakuunit ayoŋ.

Ŋitic. 21:13

Tema nai Paulo, “Nyo itiyaete iyes igworotor ikona ka ikiteryebiata ayoŋ etau kaŋ? Atenit ayoŋ aeno alo Yerusalem; meere ŋun bon, nai atenit atwanare daŋ aina aŋuna ke ekiro ke Ekapolon Yesu.”

Ŋitic. 5:21

Kitiyata Ŋikiyakia ikwaŋina alimokinitere: ani taparacu eriŋa elilim, tolomasi Kai ka Akuj, kisyakis akitatam ŋituŋa. Ani edolunete Esacaradoti ŋolo Apolon nooi ka ŋirukitos keŋ, tonyaraut Atukot ka ŋikatukok daadaŋ ŋulu a Isirael iwapei. Kiyakiyasi nai ikes ŋisigarya mabus ayaun Ŋikiyakia.

Ŋirom. 5:3

Meere a ŋun bon, ikilelyani daŋ alocan yok, anerae ikiyeni iwon atemar ŋican ikes ikiinakinete iwon atitinyu.

2 Ŋikor. 12:10

Aŋuna nai a Kristo, alakara ayoŋ nooi aŋuna ka apalagu, ŋiyany, ŋatyokisyo, ŋakisicaneta ka ŋaronisya! Anerae ani apalag ayoŋ, agogoŋior.

Ŋipil. 1:29

Anerae nyeinakina Akuj iyes apaki ŋina nupet Kristo bon, nai ikiinak tari apaki ŋina ka akisicanio aŋuna keŋ.

Ŋibur. 10:34

Ipotu iyes tomora ka ŋulu aya mabus ŋican kec, ipotu daŋ tocamut ka alelyan eŋataryo ŋiboro kus, aŋuna iyeniata iyes atemar iyakatar ŋiboro ŋulu ajokak akilo, ŋulu eroparete.

Ŋibur. 12:2

Orubakisi ikite Yesu ŋolo erae neni keŋ ebunitor anupit yok daadaŋ, ŋolo ilelebikini anupit yok. Abu iŋes todaŋ atwanare alomusalaba, nyemitak ŋileec, anerae apol alelyan ŋina edarit iŋes. Iboi tokona alowae a ŋolo aloteten ekicoloŋ ŋolo ka Akuj.

Yak. 1:2

Ŋikaitotoi, kimarakisi erae ŋakiro ŋuna ilelyaniata apaki ŋina iryamuniata iyes ŋakikatakineta ŋuna egelegelya;

3 Yoa. 1:7

Anerae ŋuna ke ekiro a Kristo aponiata ikes kimyekis ŋirerya kec, pa acamununuyete akiŋarakino aneni a ŋulu nyenupito.