Ŋitic. 5:32 - Ebaibul

³² Ikirae isua ŋisuudae ŋulu a ŋakiro a ŋun--isua ka Etau ŋolo Asegan, ŋolo einakinit Akuj neni a ŋulu iwuapito ŋakiro keŋ.”

Ŋitic. 5:32 Iomraidhean Croise

Yoa. 7:39

Alimuni Yesu ŋakiro ŋun aŋuna ke Etau a ŋolo aryamunete ŋulu enupito iŋes. Anapaki a ŋin ariŋa Etau nyeinakina lokanupak, anerae ariŋa Yesu nyitopolooro.

Ŋitic. 1:8

Nai iryamunete iyes apedor apaki ŋina ebunio Etau ŋolo Asegan neni kus; iruworosi iyes ŋisuudae kaŋ alo Yerusalem, alo Yudaya daadaŋ ka Samaria tari neni isalya akwap.”

Ŋitic. 10:44

Ani eriŋa Petero irworo ŋakiro ŋun, min Etau ŋolo Asegan lotuŋa daadaŋ ŋulu apupete ŋakiro ŋun.

Ŋitic. 13:31

ka abu iŋes ŋirwa ŋulu alalak totakanu eyari neni a ŋulu arukunete ka iŋes alo Galileya tari Yerusalem, ŋulu tokona erae ŋisuudae keŋ alotuŋa.

Ŋitic. 15:28

Acamu Etau ŋolo Asegan kaapei ka isua atemar nyikiinakin iyes ŋatyokisyo ŋace adepar Ŋikisila lu, ŋulu iitana:

Ŋitic. 2:32

Eteyaru Akuj Yesu ŋolopei ŋol alokatwak ka ikirae isua daadaŋ ŋisuudae ŋulu a ŋakiro a ŋun.

Ŋitic. 2:4

Kilelebikin Etau ŋolo Asegan neni kec daadaŋ, togeut akirwor ŋaŋajepa ŋuna agelegelya, ikwaŋina ainakinitor Etau ŋolo Asegan ikes akirwor.

Ŋitic. 5:29

Nai toboŋokis Petero ka Ŋikiyakia temasi, “Itemokino isua opupete Akuj akilo ŋituŋa.

Ŋirom. 8:16

Imorikin Etau ŋolo ka Akuj ka ŋitai yok alimor atemar ikirae iwon kire ŋidwe ŋulu ka Akuj.

2 Ŋikor. 13:1

Erae na abunet kaŋ ŋina a ŋauni ŋina abunio aanyun iyes. “Itemokino ŋinasitan kitogogoŋito ŋisuudae ŋiarei kori ŋulu edeparito ŋiarei,” ikwapei ebaakar Akigiret.

1 Pet. 1:12

Abu Akuj kitoodik ŋikadwarak atemar, pa arae aŋuna kec a ŋilopeyek erworotor ikes ŋakiro ŋun, nai arae aŋuna kus. Ŋakiro ŋuna Ajokak ŋunapei ŋun elimonokinete tokona Ŋikiyakia neni kus anapedor a ŋina ke Etau a ŋolo Asegan a ŋolo eyakuunio anakuj. Tari ŋimalaikan daŋ iitanito ayenun ŋakiro ŋunapei.