Ŋitic. 5:24 - Ebaibul

²⁴ Ani iirarete ekapolokiniton ŋiketeok ŋulu ka Akai ka Akuj ka ŋisacaradotin ŋulu apolok ŋakiro nu, totaaŋaŋa ikes nooi temasi, “Anu ta etakanunete aŋuna a ŋakiro a nu?”

Ŋitic. 5:24 Iomraidhean Croise

Isa. 9:7

Erubakini apedor keŋ iyata jik, ido eyakaun ekisil ŋoloruba napukan keŋ, ilunyokin iŋes lokicoloŋ a Daudi kipuka, itogogoŋi iŋes apukan keŋ, anakitub ŋakiro eriyan ka anakiyookino ameun alorwa a lu tari ŋikaru ka ŋikaru elelakinit Ekapolon ŋolo a ŋajoresyo akitiyakin ŋun.

Luk. 22:4

Tolot Yuda akirworiun ka ŋisacaradotin ŋulu apolok ka ŋikapolok ŋulu a ŋiketeok Akai ka Akuj epite ŋolo kipotokinet Yesu neni kec.

Luk. 22:52

Tolimok Yesu ŋisacaradotin ŋulu apolok ka ŋikapolok ŋulu a ŋisigarya a ŋulu eteok Akai ka Akuj, ta ŋikatukok ŋulu aponito akikamun iŋes tema, “Nyo iponitotor iyes itiŋito ŋatumio ka ŋabiroi esibit arae ayoŋ ekokolan?

Yoa. 12:19

Kirworikinos nai Ŋiparisayon make temasi, “Toanyuwasi tokona, emam idiobore ŋini ikipedori iwon akitiyakin. Kiŋolikisi! Ewuapakis ŋituŋa daadaŋ iŋes!”

Ŋitic. 2:12

Aŋuna ka aumokinit ka ataaŋaŋ kec, kisyakis akiŋitanar make ebasi, “Anukiro nu?”

Ŋitic. 4:1

Ani eriŋa Petero ka Yoana isirworete ŋituŋa, todolut ŋisacaradotin ka ekapolokiniton ŋiketeok ŋulu ka Akai ka Akuj ta Ŋisadukayon.

Ŋitic. 4:21

Tosodi Atukot kicik ikes nabo nooi, kimyek nai ikes toloto. Todaun Atukot epite ŋolokisicanet ikes, aŋuna epurotor ŋituŋa daadaŋ Akuj, ikotere ŋakiro ŋuna apotu kitiyakinos;

Ŋitic. 5:23

temasi, “Aponi isua toryamunae ejera egolol ejok ka ŋisigarya ŋulu eteok ewuasi alokekya. Nai ani eŋaaryo isua, toryamunae emam ituŋanan ayai tooma!”

Ŋitic. 5:25

Bu nabo ituŋanan ice, tolimok ikes tema, “Topupokisi! Ŋikilyok ŋulu iwuakinito iyes mabus, eya tokona Kai ka Akuj itatamete ŋituŋa!”

Ŋitic. 5:26

Toloto ekapolokiniton ŋol ka ŋiketeok ŋulu ka Akai ka Akuj arikun Ŋikiyakia alo Kai ka Akuj. Nai nyikamut ikes Ŋikiyakia ka agogoŋu, anerae akerito atemar kori ikimasete ŋituŋa ikes a ŋamoru.