Ŋitic. 5:19 - Ebaibul

¹⁹ Nai ani nakwaare, toŋaa emalaika ŋolo ke Ekapolon ŋikekya ŋulu a mabus, ido yau ikes kiŋa, tolimok ikes tema,

Ŋitic. 5:19 Iomraidhean Croise

Ŋikiru. 146:7

Etubonokini iŋes itojokit ŋulu isicanitae koŋin, einanakini akimuj neni a ŋulu enyamit akoro. Elacanakini Ekapolon ŋimabus,

Ŋikiru. 34:7

Ewuaunit emalaika ke Ekapolon ŋulu itopoloorito Ekapolon. ido elakununui ikes.

Isa. 61:1

Eyai etau a Ekapolon neni kaŋ, anerae ekeos iŋes ayoŋ, ekeyaki iŋes ayoŋ alimokin ŋulu isicanitae ŋakiro ŋuna ajokak, akisimukekin ŋulu ekadanakinit alotai kec, akiseraun atemar elacakinio ŋulu erikoritae, akiseraun atemar elacakinio ŋulu eenitae;

Dan. 3:28

Tolimu nai Nebukadinesar tema, “Kipuroe Akuj a Sadirak, Mesak ka Abedinego, ŋina abu kiyaku emalaika keŋ alakun ŋiketiyak keŋ ŋulu apotu kikinyoma iŋes. Apotu ikes nyiwuapa ŋuna alimunit erwosit ka apotu tojala ŋawat kec, nyecamut akitiyanakin ka akilip neni ka akuj ka ace mati Akuj kec.

Mat. 1:20

Nai ani eriŋa iŋes etamatamae ŋakiro ŋun, totakanu emalaika ŋolo ke Ekapolon neni keŋ anakiruja tema, “Yosepu lopapait a Daudi, nyikuryaniar akiit Maria toruwor aberu kon, anerae ŋini epoti iŋes ebunit aneni ke Etau a ŋolo Asegan;

Mat. 1:24

Ani ekienyuni Yosepu, kitiya ikwaŋina alimokinitor emalaika ŋolo ke Ekapolon iŋes, ya iŋes Maria aruwor akeeberu.

Mat. 2:13

Ani kerotokis ikes, totakanu emalaika ŋolo ke Ekapolon neni a Yosepu anakiruja tema, “Tonyou, ya ikoku ka toto keŋ tosiya tari Ijipit. Kiboi aina tari ŋina akalimokinia ayoŋ iyoŋ, anerae ecamit Erode akimimaun ŋakiro a ikoku, ecamit akiar.”

Mat. 2:19

Ani ketwana Erode, totakanu emalaika ŋolo ke Ekapolon anakiruja neni a Yosepu alo Ijipit

Mat. 28:2

Ŋolopeikiro tomaranik akwap; bu emalaika ŋolo ke Ekapolon anakuj, kikokoriyo amoru nawae, kiboikin kidiama keŋ.

Luk. 1:11

Apaki ŋin, totakanu emalaika ŋolo ke Ekapolon neni keŋ ewuoi aloteten Namuroet ŋina ecunyere eminae ŋolo ke ekinyate.

Luk. 2:9

Totakanik emalaika ŋolo ke Ekapolon neni kec, tocaik akica ŋina ke Ekapolon ikes, tokuryaketa ikes nooi.

Ŋitic. 10:3

Akoloŋit apei eapikini ŋisaae ŋikanikaomwon ŋulu ka apaaran, toanyuwa iŋes atakanikinet, kiŋolik emalaika ŋolo ka Akuj ileere ebunit neni keŋ, tolimok iŋes tema, “Kornelio!”

Ŋitic. 12:23

Apaki ŋinapei, kitedyakak emalaika ŋolo ke Ekapolon Erode toramakin kwap, anerae abu iŋes kimyek ŋituŋa itopoloorito iŋes erae akuj, pa etopoloorit iŋes Akuj ŋina a kire. Tonyama ŋikur iŋes, totwan.

Ŋitic. 16:26

Ŋinapeipaki, tomaranik akwap nooi, kiukok ejera ameun alokwap. Atipei toŋaaros ŋikekya daadaŋ, tolacaros ŋiriko aneni a ŋimabus a daadaŋ.

Ŋitic. 27:23

Anerae bien nakwaare, abu emalaika ŋolo ka Akuj a ŋina arae ayoŋ ŋolo keŋ ka ŋina elipi ayoŋ, bu neni kaŋ,

Ŋitic. 8:26

Apeikoloŋit, tolimok emalaika ŋolo ke Ekapolon Pilipo tema, “Tonyou tolot nakan ŋina alo Kwap, lorot ŋolo etiyaar alo Yerusalem, ŋolo itori naloŋisat tari Gasa.”