Ŋitic. 5:12 - Ebaibul

¹² Apotu Ŋikiyakia kitiyata ŋakujuwuanisya ka ŋaumonokineta ŋuna alalak alotuŋa. Acunanakin ŋikanupak daadaŋ Kai ka Akuj, tooma Ebarasan a Solomon.

Ŋitic. 5:12 Iomraidhean Croise

Yer. 26:9

Kaanukiro idwarya iyoŋ alokiro ke Ekapolon atemar ikwaanikin Akai na ka Silo ka eruwor etaun lo ereŋorot ŋolo emam ŋituŋa iboiyete alotooma?” Tosodi apotu ŋituŋa daadaŋ tocunun, kirimokis Yeremia kidiŋ alo Kai ka Akuj.

Mar. 16:20

Toloto ŋikasyomak alimonokin Ŋakiro ŋuna Ajokak lobukui daadaŋ, kitiyata ikes ka Ekapolon kaapei, kitoodiun daŋ akitatam kec erae ŋina iyookino aŋuna a ŋakujuwuanisya a ŋuna etiyaete ikes.]

Yoa. 10:23

Kitor Yesu Kai ka Akuj, lobarasan a Solomon.

Yoa. 4:48

Tolimok Yesu iŋes tema, “Ani pa kiŋolikis iyes ŋakujuwuanisya ka ŋaumonokineta, nyinupete.”

Ŋitic. 1:14

Acunakina ikes daadaŋ kilipeneneete kaapei ka ŋaberu ka Maria daŋ toto a Yesu ta ŋikaitotoi a Yesu.

Ŋitic. 14:3

Aŋun, kiboiyoto Ŋikiyakia a nen apaki ŋina aoyan, kirworos ŋakiro ŋuna ke Ekapolon pa ekuryanito. Abu Ekapolon kiteyenu ebe erae ŋuna a kire ŋakiro ŋuna erworosi ikes, aŋuna ainakinia ikes apedor ŋinakitiyaet ŋakujuwuanisya ka ŋaumonokineta.

Ŋitic. 16:18

Kitiya iŋes nu ŋirwa ŋulu alalak, akitodol ŋina aŋoya Paulo, ido toboboŋ tolimok ekipye tema, “Akalimokini ayoŋ iyoŋ alokiro a Yesu Kristo atemar tolomu aneni keŋ!” Tolomu ekipye aneni keŋ esaa ŋolopei ŋol.

Ŋitic. 19:11

Etiyae Akuj ŋakujuwuanisya ŋuna ailiilok aneni a Paulo.

Ŋitic. 2:46

A ŋinakoloŋit, apotu ikes torubakis iryamunun kaapei Kai ka Akuj, akimuj kaapei ka akinumunum Akimuj ŋina ke Ekapolon alorerya kec. Amorete ikes akimuj ka alelyan ka arimao;

Ŋitic. 28:9

Ani itiyakinosi ŋun, potu ŋikadyakak ŋuluce daŋ ŋulu ayakasi loculat ŋol, kitaŋaleunoe.

Ŋitic. 3:11

Ani eriŋa ekile ŋol imiidikina neni a Petero ka Yoana aneni anyaritae Ebarasan a Solomon, toumokis ŋituŋa daadaŋ, tomotunos neni aya ikes.

Ŋitic. 4:30

Torwaa akonikan, kitaŋaleu ŋituŋa ka kitiya ŋakujuwuanisya ka ŋaumonokineta alokiro ke eketiyan kon Yesu a ŋolo asegan.”

Ŋitic. 9:33

Toryamu iŋes a nen ekile ŋolo anyaritae Aenea, ŋolo kebu ya ŋikaru ŋikanikauni eperi alokitaada, aŋuna alilimiyoritotor ŋakoyo kaapei ka akuwan keŋ.

Ŋitic. 9:40

Kitoloma Petero ikes daadaŋ kiŋa. Toryedik kilip, toboboŋ neni aperyo akuwan tema, “Tabisa, tonyou!” Toŋaa iŋes ŋakonyen keŋ, ani iŋolikini iŋes Petero, tonyou, kiboikin.

Ŋirom. 15:19

alotooma ŋakitoodikineta ka ŋakujuwuanisya ŋuna apolok ka anapedor a ŋina ke Etau a ŋolo Asegan. Aŋun, abu ayoŋ erim nooi, ameun alo Yerusalem tari neni enyaritae Illirikom ka adau a nen akiserakin Ŋakiro ŋuna Ajokak ŋuna a Kristo.

2 Ŋikor. 12:12

Ŋakitoodikineta ŋuna iteyenunito atemar arae ayoŋ ekiyakia ŋolo a kire, ikes aponi kitiyae alokidiŋ kus alotooma atitinyikinit daadaŋ ka abu Akuj kitiya ŋakujuwuanisya, ŋaumonokineta, ta ŋiticisyo ŋulu apolok.

Ŋibur. 2:4

Nabo abu Akuj daŋ kitoodiu atemar erae ŋun kire alotooma akitiya ŋakitoodikineta ka ŋakujuwuanisya ŋuna egelegelya ka ŋiticisyo ŋulu ka apedor keŋ ka nabo alotooma akoranakin ŋainanakineta ŋuna ke Etau a ŋolo Asegan alopite a ŋolo ecamitor iŋes.