Ŋitic. 4:36 - Ebaibul

³⁶ Ayai daŋ ekile ŋolo anyaritae Yosepu ŋolo anateker a Lepi ŋolo edounitoe alo Kupuro. Anyarito Ŋikiyakia iŋes Baranaba (iŋes atemar “Ŋolo esimukekinan”)

Ŋitic. 4:36 Iomraidhean Croise

Mar. 3:17

Yakobo ka lokaato keŋ Yoana, ŋidwe a Sebedeo, ŋulu abu Yesu tolimok ekecekiro Boanerige, (iŋes atemar ŋidwe ŋulu adedeŋ ikwa agirokinet),

Ŋitic. 11:30

Kitiyata ikes ŋun, kiyakiyasi Baranaba ka Saulo yaasi ŋisiliŋa, inakis ŋikatukok ŋulu ka atukot a Ŋikristo alo Yudeya.

Ŋitic. 12:25

Ani kedaut Baranaba ka Saulo etic kec ŋolo eyakitere ikes, toboŋut alo Yerusalem potu Antiokio, erukito ka Yoana ŋolo erae Mariko.

Ŋitic. 13:1

Ayakasi ŋikadwarak ka ŋiketatamak neni a Ŋikristo a ŋulu alo Antiokio. Araakasi ikes Baranaba ka Simeon ŋolo arae Niger (iŋes atemar ŋolokiryonon), Lukio ŋolo abunit alo Kurene, Manaen ŋolo kepolounete kaapei ka erwosit Erode ta Saulo.

Ŋitic. 13:15

Ani kesyomi ekitaabo ŋolo a Ŋikisila a Moses ka ŋakigireta ŋuna a ŋikadwarak, kiyakikis ŋikapolokinitok esinagoga ikes akirot ebasi, “Ŋikaitotoi, ani keyai iyes akirot ŋina isimukekini ŋituŋa, tolimutu.”

Ŋitic. 13:2

Ani ilipete ikes neni ke Ekapolon ka kikanyete, tolimok Etau ŋolo Asegan ikes tema, “Kimyekisi Baranaba ka Saulo kitiyata etic ŋolo anyaritor ayoŋ ikes.”

Ŋitic. 13:4

Aŋun, kedau Etau ŋolo Asegan akiyak Baranaba ka Saulo, toloto ikes Seleukia; a nen, todoka ameeli toloto loculat ŋolo enyaritae Kupuro.

Ŋitic. 15:12

Kililiŋa ŋituŋa ŋulu ka atukot daadaŋ, topupokis daŋ Baranaba ka Paulo elimonorete ŋuna a ŋaumonokineta ka ŋakujuwuanisya daadaŋ ŋuna kitiyat Akuj aneni kec alokidiŋ ŋituŋa ŋulu pa arae Ŋiyudayan.

Ŋitic. 15:2

Apotu ŋakiro nu inakis Paulo ka Baranaba ebura ka apeganakin ka ikes. Toseunae nai Paulo ka Baranaba ta ŋikanupak ŋice alosit Yerusalem aanyun Ŋikiyakia kaapei ka ŋikatukok a Ŋikristo aŋuna a ŋakiro a ŋun.

Ŋitic. 15:37

Acamit Baranaba atemar torukosi ikes ka Yoana Mariko.

Ŋitic. 15:39

Tolomu ebura ŋolo amwanan, totyakas ikes. Ya Baranaba Mariko, toloto ka ameeli tari loculat Kupuro;

Ŋitic. 21:16

Aponi isua torukoroe ka ŋikasyomak ŋice daŋ, ŋulu aponito alo Kaisaria. Arukito ikes ka ekile ŋolo alosyo isua akiboi kai keŋ alo Yerusalem. Arae iŋes Minason ŋolo alo Kupuro, ŋolo aberakin nooi aruwor ekanupan a Yesu.

Ŋitic. 21:3

Poni isua neni atakania Kupuro, tomanae alowae a ŋolo alo Kwap, tolotoi nakwap ŋina anyaritae Siria. Todokunae alotaun Tiro, anerae arae nen aai ameeli ŋiboro ŋulu ewuokit.

Ŋitic. 27:4

Kipororoe isua a nen, tolotoi ikiteriboorit ekipetot ŋolo ke eculat a Kupuro, anerae ikibukinit ekuwuam isua.

Ŋitic. 9:27

Nai ya Baranaba iŋes Lokiyakia. Tolimok ikes epite ŋolo keanyunia Saulo alorot Ekapolon, ŋolo abu kirwor neni keŋ ka epite ŋolo kelimonokinia Saulo alo Damasko alokiro a Yesu pa ekuryana.

1 Ŋikor. 14:3

Nai ituŋanan ŋini edwari, irworo lotuŋa aŋuna ka akitogogoŋ, akisimukekin ka akimaima ikes.

1 Ŋikor. 9:6

Kori Baranaba bon ka ayoŋ itemokino kitiyaetei aŋuna ka aryamunia akimuj ŋinayaret?

Ŋigal. 2:1

Ani kelunyarosi ŋikaru ŋitomon ka ŋiomwon, abu ayoŋ oboŋosi ka Baranaba Yerusalem, oya Tito daŋ.

Ŋigal. 2:13

Apotu ŋikaitotoi ŋuluce daŋ ŋulu Yudayan togeut kaapei ka Petero alotooma akuryanu akitiya ŋuna ayenete ikes atemar nyiyookino; tari Baranaba daŋ, torikosi ŋakiro ŋuna etiyaete ikes.

Ŋigal. 2:9

Apotu Yakobo, Petero ka Yoana, ŋulu asibito ŋipirin a Ŋikristo, toyenut atemar kebu Akuj okoinak ayoŋ ajokis ŋinakitiyaet etic ŋolo apolon lo; aŋun, apotu ikes tonyout otiŋakinos ka ayoŋ ka Baranaba ŋakan ŋuna aloteten, kitoodiu nen atemar ikirae isua ka ikes ŋipei. Tocamunetei atemar etiyata ayoŋ ka Baranaba alokidiŋ ŋituŋa ŋulu nyerae Ŋiyudayan, ido kitiyata ikes alokidiŋ Ŋiyudayan.

Ŋikol. 4:10

Iyakuunit Aristako ŋolo eyai mabus kaapei ka ayoŋ ŋimalasyo neni kus; Mariko daŋ lokaaya a Baranaba iyakuunit ŋimalasyo neni kus. (Idaut iyes ayenun ŋuna kitiya aŋuna ka akijaun Mariko erae kebu inaa.)