Ŋitic. 4:31 - Ebaibul

³¹ Ani irikakinete ikes akilip, tomaranik akibois ŋina elipyata ikes, kilelebikin ikes daadaŋ Etau ŋolo Asegan, kiserata ŋakiro ŋuna ka Akuj ka atitinyu.

Ŋitic. 4:31 Iomraidhean Croise

Isa. 65:24

Ani eriŋa ikes nyenyara ayoŋ akiŋarakin ikes, aboŋokini ayoŋ ikes, ani eriŋa ikes irworosi, eirari ayoŋ ŋuna irworosi ikes.

Mat. 21:22

Ŋuna daadaŋ iŋitasi iyes anakilip iryamunete, erae kiyakatar iyes anupit.”

Yoa. 14:12

Akalimokini ayoŋ iyes kire atemar, ŋini akanupi ayoŋ, itiyae daŋ ŋiticisyo ŋulu etiyae ayoŋ; itiyae iŋes ŋiticisyo ŋulu iloito tari ŋulu kaŋ, anerae aboŋori ayoŋ neni a Papa.

Yoa. 15:16

Nyeseuna iyes ayoŋ; nai akaseu ka akatyaku ayoŋ iyes, toloto toraa ŋaraito ŋuna alalak ŋuna nyedaun, ikotere ani ŋinibore daadaŋ iŋitasi aneni a Papa alokiro kaŋ, ikiinakini.

Yoa. 15:7

Ani kiboiyoto iyes alotooma kaŋ, nabo kiboiyoto ŋakiro kaŋ alotooma kus, kiŋita ibore daadaŋ ŋini icamito, ikiinakinio.

Ŋitic. 14:3

Aŋun, kiboiyoto Ŋikiyakia a nen apaki ŋina aoyan, kirworos ŋakiro ŋuna ke Ekapolon pa ekuryanito. Abu Ekapolon kiteyenu ebe erae ŋuna a kire ŋakiro ŋuna erworosi ikes, aŋuna ainakinia ikes apedor ŋinakitiyaet ŋakujuwuanisya ka ŋaumonokineta.

Ŋitic. 2:1

Ani edoli akoloŋit ŋina a Pentekoste, acunakina ŋikanupak daadaŋ iwapei.

Ŋitic. 2:2

Tonaŋakin ikes atipei eruye ŋolo esibit ŋolo ke ekuwuam a ŋolo apolon ebuni alokidiama, kiryam tooma akai ŋina aya ikes.

Ŋitic. 2:4

Kilelebikin Etau ŋolo Asegan neni kec daadaŋ, togeut akirwor ŋaŋajepa ŋuna agelegelya, ikwaŋina ainakinitor Etau ŋolo Asegan ikes akirwor.

Ŋitic. 4:13

Toumok Atukot iŋolikini atitinyu a Petero ka Yoana, a ŋulu tari pa asyomito ka torae ŋikoŋinae ka toyenut daŋ atemar arae ikes ŋirukitos a Yesu.

Ŋitic. 4:29

Tokona Ekapolon, kiŋolik epite ŋolo ikitukuryaniata ikes isua. Kitepedoroe isua ŋiketiyak kon akirwor ŋakiro kon ka atitinyu a daadaŋ.

Ŋipil. 1:14

Nabo eyatak ayakau kaŋ mabus lokaitotoi ŋulu alalak alotooma Kristo akikinyom Ekapolon, ido elimonokinete Ŋakiro ŋuna Ajokak etitiny ka emam akuryanu.

Ŋipil. 1:20

eitanit ayoŋ nooi ka egeno atemar nyekerumete jik ayoŋ ŋileec, nai ayakaunor atitinyu ŋina itemokino, anapakio a daadaŋ, nooi tokona, ikwapei sek itopolooritere Kristo aŋuna kaŋ, eriŋa ayari kori katwana.

Yak. 1:5

Ani keyai ipei alokidiŋ kus ŋini icana aosou, itemokino iŋes kiŋit Akuj. Einakini Akuj iŋes ikwa einanakinia ŋituŋa daadaŋ anarimao emam akisibura.