Ŋitic. 4:1 - Ebaibul

¹ Ani eriŋa Petero ka Yoana isirworete ŋituŋa, todolut ŋisacaradotin ka ekapolokiniton ŋiketeok ŋulu ka Akai ka Akuj ta Ŋisadukayon.

Ŋitic. 4:1 Iomraidhean Croise

Mat. 16:12

Toyenut nai ŋikasyomak atemar meere ŋakiro a ŋamugati aŋuna emam ŋasip kec erworo Yesu, nai ŋakiro ŋuna itatamete Ŋiparisayon ka Ŋisadukayon.

Mat. 22:16

Kiyakiyasi ŋikapolok a Ŋiparisayon ŋikasyomak kec ka ŋituŋa ŋice ŋulu ka atukot a ŋina ke Erode neni a Yesu, tolimokis iŋes temasi, “Eketataman, ikiyeni isua atemar irae iyoŋ ŋolo a kire ka itatami ŋakiro ŋuna a kire ŋuna ka Akuj, nyimisit iyoŋ ŋuna etamete ŋituŋa, anerae nyityakatyakat ŋituŋa.

Mat. 27:20

Apotu ŋisacaradotin ŋulu apolok ka ŋikatukok kitutuko ŋituŋa, tolimokis Pilato tolacak Baraba, ido toarae Yesu.

Mat. 27:41

Ŋisacaradotin daŋ ŋulu apolok ka ŋiketatamak a Ŋikisila ta ŋikatukok tokyenatar iŋes ebasi,

Mat. 3:7

Ani iŋolikini Yoana Ŋiparisayon ka Ŋisadukayon ŋulu alalak eponito neni keŋ akibatisao, tolimok ikes tema, “Iyes ŋulu iroko ŋulu ikote ŋapomia, ŋae ikilimokini iyes atemar ipedorete abucar ananyunyura a ŋina ebunit a ŋina ka Akuj?

Luk. 20:1

Akoloŋit apei ŋina ayakar Yesu Kai ka Akuj itatami ŋituŋa Ŋakiro ŋuna Ajokak, potu ŋisacaradotin ŋulu apolok ka ŋiketatamak a Ŋikisila ta ŋikatukok neni keŋ,

Luk. 22:4

Tolot Yuda akirworiun ka ŋisacaradotin ŋulu apolok ka ŋikapolok ŋulu a ŋiketeok Akai ka Akuj epite ŋolo kipotokinet Yesu neni kec.

Yoa. 15:20

Totamunito ŋuna adau ayoŋ alimokin iyes atemar, ‘Emam eketiyan ŋolo epol akilo ekeekapolon.’ Ani kekesicanito ikes ayoŋ, epote ikes akisican iyes daŋ; ani kiricakinito ikes ŋakiro kaŋ, iricakinete ŋuna kus daŋ.

Yoa. 18:3

Toriko Yuda ŋasigarya ŋuna a Ŋiromanin ka ŋiketeok Akai ka Akuj lomanikor. Eakito ŋisacaradotin ŋulu apolok ka Ŋiparisayon ikes. Atiŋito ikes ŋiboro ŋulu ke ejiye ka ŋitaae ta ŋagilae.

Ŋitic. 4:6

Kiryamiryama ikes ka Esacaradoti ŋolo Apolon nooi ŋolo anyaritae Anas ka Kaipa, Yoana, Alekisanda ta ŋice ŋulu arae ŋiyeneta ŋulu ke Esacaradoti a ŋolo Apolon nooi.

Ŋitic. 5:17

Min arakao nooi aŋuna a Ŋikiyakia neni ke Esacaradoti a ŋolo Apolon nooi ka ŋirukitos keŋ ŋulu arae ŋulu ka atukot a ŋina a Ŋisadukayon.

Ŋitic. 5:24

Ani iirarete ekapolokiniton ŋiketeok ŋulu ka Akai ka Akuj ka ŋisacaradotin ŋulu apolok ŋakiro nu, totaaŋaŋa ikes nooi temasi, “Anu ta etakanunete aŋuna a ŋakiro a nu?”

Ŋitic. 5:26

Toloto ekapolokiniton ŋol ka ŋiketeok ŋulu ka Akai ka Akuj arikun Ŋikiyakia alo Kai ka Akuj. Nai nyikamut ikes Ŋikiyakia ka agogoŋu, anerae akerito atemar kori ikimasete ŋituŋa ikes a ŋamoru.

Ŋitic. 6:12

Kisiguryakis ikes ŋituŋa, ŋikatukok ka ŋiketatamak a Ŋikisila, toporokis iŋes yaasi neni ka Atukot.

Ŋitic. 6:7

Kielakin nai akirot ka Akuj nen, kiyatakin nooi ekimar a ŋikasyomak alo Yerusalem. Apotu daŋ ŋisacaradotin ŋulu alalak kiwuapa Ŋakiro ŋuna Ajokak, tonupa Yesu.