Ŋitic. 3:6 - Ebaibul

⁶ Nai tolimok Petero iŋes tema, “Emam ŋisiliŋa ayakar ayoŋ, nai akainakini ayoŋ iyoŋ ibore ŋini ayakar; alokiro a Yesu Kristo a ŋolo a Nasaret, abala ayoŋ iyoŋ, torotok!”

Ŋitic. 3:6 Iomraidhean Croise

Mat. 10:9

Ani irotokinete nyilidakis egolid, ŋisiliŋa kori ŋaboolae locileta a ŋanaŋgae kus.

Mat. 7:22

Akoloŋit ŋin, etemarete ŋikalalak neni kaŋ, ‘Ekapolon, Ekapolon! Pa aponi isua todwarae alokiro kon ka eritanasi ŋipyan alokiro kon; nabo etiyata ŋakujuwuanisya alokiro kon a?’

Mar. 14:8

Etiya iŋes ŋuna epedori; ekeos iŋes ayoŋ eriŋa nyenuka.

Mar. 16:17

Ŋakujuwuanisya ŋuna einakinio ŋikanupak akitiya ikes nu: iritanarete ikes ŋipyan alokiro kaŋ, epedorete erwor ŋaŋajepa ŋuna kitet;

Yoa. 19:19

Kigir Pilato ŋakiro nu kiwuakinae kidiama emusalaba, egiritae ikona: “YESU ŊOLO A NASARET, ERWOSIT A ŊIYUDAYAN.”

Ŋitic. 10:38

Iyenete iyes epite ŋolo aseunia Akuj Yesu ŋolo a Nasaret, inak Etau keŋ ka apedor. Abu iŋes kirim itiyae ŋuna ajokak ka kitaŋaleununu ŋulu daadaŋ ayakasi napedor ŋina a Satan, anerae arukito Akuj ka iŋes.

Ŋitic. 16:18

Kitiya iŋes nu ŋirwa ŋulu alalak, akitodol ŋina aŋoya Paulo, ido toboboŋ tolimok ekipye tema, “Akalimokini ayoŋ iyoŋ alokiro a Yesu Kristo atemar tolomu aneni keŋ!” Tolomu ekipye aneni keŋ esaa ŋolopei ŋol.

Ŋitic. 2:22

Topupokisi ŋakiro nu, iyes ŋituŋa a Isirael! Arae Yesu ŋolo a Nasaret ituŋanan ŋini eyakuunit Akuj. Abu iŋes kiteyenik ŋakiro neni kus alotooma ŋakujuwuanisya ka ŋaumonokineta ta ŋakitoodikineta ŋuna abu Akuj kitiya alotooma keŋ. Iyenete iyes ŋilopeyek ŋun.

Ŋitic. 2:36

Aŋun, itemokino tokona ŋituŋa a Isirael daadaŋ toyenut atemar, Yesu ŋolo ibubukinete iyes lomusalaba, iŋes abu Akuj kituruwo Ekapolon ka Kristo!”

Ŋitic. 3:16

Aŋuna ka anupit ekiro a Yesu, aponi kitaŋaleunoe ekile lo ŋolo iteete ka ŋolo iyenete iyes. Anupit Yesu iŋes ainaki ekile lo aŋaleun kire ikwaŋina iteoto iyes daadaŋ.

Ŋitic. 3:5

Kitek nai iŋes ikes ebala kori eyai idiobore aryamuni aneni kec.

Ŋitic. 3:7

Kikamu Petero iŋes akan ŋina aloteten, kitonyou, towo. Togogoŋioto atipei ŋakejen ka ŋitobolae keŋ;

Ŋitic. 4:10

itemokino nai iyes daadaŋ ka ŋituŋa ŋulu a Isirael daadaŋ toyenut atemar, ewuoi ekile lo alokiŋaren kus eŋale nooi aŋuna ka apedor a ŋina ke ekiro a Yesu a ŋolo a Nasaret. Yesu ŋol, iŋes ŋolo ipotu iyes kibubukis lomusalaba, nai abu Akuj kiteyaru.

Ŋitic. 4:7

Kitowua ikes Ŋikiyakia alokiŋaren Atukot kec, kiŋita temasi, “Ikokinete iyes itiyaete ŋakiro ŋun ai? Apedor ani iyakatar iyes, kori ekiro a ŋae itiyaata iyes ŋakiro ŋun?”

Ŋitic. 9:34

Tolimok Petero iŋes tema, “Aenea, ikitaŋaleu iyoŋ Yesu Kristo, tonyou, topetak ekitaada kon.” Atipei, tonyou Aenea.

1 Ŋikor. 4:11

Akitodol tokona daŋ, ikinyamit isua akoro ka akure; ikinapit isua ŋilowi ŋulu rocom; ikibuŋao ka ikimamukar ŋirerya.

2 Ŋikor. 6:10

tari kikisiyaloloŋitoe daŋ, ikilelyani isua jwi jwi; kikisibit ŋikulyak daŋ, nai ikitabarenene isua ŋituŋa ŋulu alalak, kesibit emam ibore ikiyakar daŋ, ikiyakar kire ŋiboro daadaŋ.

2 Ŋikor. 8:12

Ani kiitanito iyes ainanakin, ecamuni Akuj ainakinet kus alotyae a ŋolo iyakatar iyes ŋiboro kus, meere alotyae a ŋolo nyiyakatar.

2 Ŋikor. 8:9

Kire iyenete iyes arimaanut ŋina ke Ekapolon yok Yesu Kristo, ŋolo abu aŋuna kus, tari ŋina abaritor, kituruwor bon ekulyakit aŋuna kus, ikotere nai toruworos iyes ŋikabarak aŋuna ka akulyako keŋ.

Yak. 2:5

Topupokisi, ŋikaitotoi kaŋ ŋuluminan! Aseu Akuj ŋikulyak anakwap a na, ikotere toruworos ikes ŋulu ebarito ananupit ka ŋulu eryamunete Apukan ŋina iikinit Akuj ŋulu eminasi iŋes.

1 Pet. 4:10

Einakinit Akuj ŋinituŋanan alokidiŋ kus ŋainakineta ŋuna egelegelya; aŋun, ikwapei iraakatar iyes ŋulu iyokito ikes, kisitiyata ŋainakineta kus ejok aŋuna a ŋuluce.