Ŋitic. 3:1 - Ebaibul

¹ Apeikoloŋit, toloto Petero ka Yoana Kai ka Akuj ŋisaae ŋikanikaomwon ŋulu ka apaaran ŋulu elipeneneere.

Ŋitic. 3:1 Iomraidhean Croise

1 Ŋirw. 18:36

Ani edoli apaki ŋina ainanakinere ŋainakineta, bu ekadwaran Eliya kiŋaren ŋituŋa, kilip tema, “Okoe Ekapolon Akuj ka Aburaam, a Isaka ka Isirael, kimyek toyenunae nakoloŋit na atemar irae iyoŋ Akuj alo Isirael ka arae ayoŋ eketiyan kon, ido etiya ayoŋ ŋakiro nu daadaŋ aŋuna ikicikakinia iyoŋ ayoŋ.

Ŋikiru. 55:17

Egworo ayoŋ anaryeba eboŋ ka taparacu ta kidiŋ apaaran, ido iirari Akuj ŋakiro kaŋ.

Awos. 29:39

Ya ikale ipei taparacu Namuroet, ido iya ŋinice eboŋ.

Dan. 6:10

Ani tari keyenu Daniel atemar ewuak erwosit akan keŋ akitogogoŋio ekisil ŋolo aponi totubunoe, abu torubak elosenene lore keŋ ŋolo aya ŋidirisae nagule ŋina alokidiama, eŋoliyarito ŋidirisae ŋul lowae ŋolo ayai Yerusalem. Abu iŋes torubak elosenene nen toryedik kilip ka kipur Akuj keŋ ŋarwa ŋauni a ŋinakoloŋit, lopite ŋolopei sek etiyaa iŋes.

Dan. 9:21

ka ani eriŋa ayoŋ erworo elipi, bu Gabriel ŋolo sek eŋolikinit ayoŋ anakisileerekinet neni kaŋ ekeri nooi topori, abu iŋes bu neni kaŋ, apaki ŋina einanakinere amuronot ŋina ke eboŋ.

Ekim. 28:4

Inak ikale ipei taparacu, ido inak ŋinice eboŋ,

Mat. 17:1

Kelunyar ŋirwa ŋikanikapei, ya Yesu Petero, Yakobo, ka Yoana lokaato keŋ a Yakobo, todokasi ikes make kidiama emoru ŋolo aoyan.

Mat. 26:37

Torukosi iŋes ka Petero ka ŋidwe a Sebedeo ŋuluarei. Togeu akibul iŋes ka kiyaloloŋ nooi.

Mat. 27:45

Ameun alosaa a ŋolo a ŋikanikapei tari losaa ŋolo a ŋikanikaomwon ŋulu ka apaaran, kiryoniar akwap daadaŋ cuc.

Luk. 1:10

Elipi asepic a ŋituŋa alokiŋa nen apaki ŋina ecunyakinere eminae ŋolo ke ekinyate.

Luk. 18:10

“Apotu ŋikilyok ŋiarei, toloto Kai ka Akuj akilip; arae epei Eparisayot, torae ŋoloce ekeriran ocur.

Luk. 22:8

Kiyakiya Yesu Petero ka Yoana tema, “Toloto kitemokis akimuj ŋina a Paska emuja.”

Luk. 24:53

ido toloto akiboi alo Kai ka Akuj, ipurosi Akuj jwi jwi ka elelyanete.

Yoa. 21:7

Tolimok ekasyoman ŋolo amina Yesu Simoni Petero tema, “Erae Ekapolon!” Ani iirari Petero atemar arae Ekapolon, tonap ŋilowi, anerae alacarit sek iŋes ŋilowi itiyae; toporo anataker nakipi.

Ŋitic. 10:3

Akoloŋit apei eapikini ŋisaae ŋikanikaomwon ŋulu ka apaaran, toanyuwa iŋes atakanikinet, kiŋolik emalaika ŋolo ka Akuj ileere ebunit neni keŋ, tolimok iŋes tema, “Kornelio!”

Ŋitic. 10:30

Toboŋok Kornelio tema, “Ŋirwa ŋiuni ŋulu alunyarosi, elipi ayoŋ alokai kaŋ ŋisaae ŋikanikaomwon ŋulu ka apaaran--arae esaa lopeilo. Apaki ŋinapei ŋin, onaŋakin ekile ŋolo anapit ŋilowi ŋulu amilimilete ewuoi alokiŋaren kaŋ.

Ŋitic. 2:46

A ŋinakoloŋit, apotu ikes torubakis iryamunun kaapei Kai ka Akuj, akimuj kaapei ka akinumunum Akimuj ŋina ke Ekapolon alorerya kec. Amorete ikes akimuj ka alelyan ka arimao;

Ŋitic. 3:3

Ani iŋolikini iŋes Petero ka Yoana eapikinit alomar Kai ka Akuj, kiŋit iŋes ikes daŋ ainakinet.

Ŋitic. 3:4

Kitekis Petero ka Yoana iŋes, tolimu Petero tema, “Kiŋolikinae isua!”

Ŋitic. 4:13

Toumok Atukot iŋolikini atitinyu a Petero ka Yoana, a ŋulu tari pa asyomito ka torae ŋikoŋinae ka toyenut daŋ atemar arae ikes ŋirukitos a Yesu.

Ŋitic. 5:25

Bu nabo ituŋanan ice, tolimok ikes tema, “Topupokisi! Ŋikilyok ŋulu iwuakinito iyes mabus, eya tokona Kai ka Akuj itatamete ŋituŋa!”

Ŋitic. 8:14

Kiirasi nai Ŋikiyakia ŋulu ayakasi Yerusalem atemar acamut ŋituŋa ŋulu a Samaria ŋakiro ŋuna ka Akuj, kiyakiyasi ikes Petero ka Yoana neni kec.

Ŋigal. 2:9

Apotu Yakobo, Petero ka Yoana, ŋulu asibito ŋipirin a Ŋikristo, toyenut atemar kebu Akuj okoinak ayoŋ ajokis ŋinakitiyaet etic ŋolo apolon lo; aŋun, apotu ikes tonyout otiŋakinos ka ayoŋ ka Baranaba ŋakan ŋuna aloteten, kitoodiu nen atemar ikirae isua ka ikes ŋipei. Tocamunetei atemar etiyata ayoŋ ka Baranaba alokidiŋ ŋituŋa ŋulu nyerae Ŋiyudayan, ido kitiyata ikes alokidiŋ Ŋiyudayan.