Ŋitic. 28:4 - Ebaibul

⁴ Ani iŋolikinete ŋituŋa ŋulu ka akwap a ŋin emun ineno anakan a Paulo, temanaros make ebe, “Itemokino ekile lo kire torae ekaaran ŋituŋa. Anerae tari kebucuna iŋes ananam, nyecamakini atubokino ŋina ka Akuj iŋes toyar.”

Ŋitic. 28:4 Iomraidhean Croise

Akisy. 3:1

Arae emun etyaŋ ŋolo aratana ka aos nooi akilo ŋityaŋ daadaŋ ŋulu ka ariet ŋulu abu Ekapolon Akuj tosub. Tolimok emun aberu tema, “Erae mono kire atemar ikilimokinit iyes Akuj ebe, ‘Nyinyam arait a ekitoe a edio alomanikor’ a?”

Ŋakit. 28:17

Ani keyakar ituŋanan ekaile ŋolo earitor iŋes ituŋanan ŋinice, emaikina ituŋanan ŋin torubak erae ŋini irimit akitodol neni etwania, emaikina nyiŋarak ituŋanan idio iŋes.

Isa. 26:21

Ebuni Ekapolon anakibois keŋ, akisican aŋuna a ŋasecisya kec ŋituŋa ŋulu iboiyete anakwap. Isileereuni akwap ŋituŋa daadaŋ ŋulu aponi toarae; nyiwuai nabo akwap ŋituŋa ŋulu aponi toarae.

Isa. 43:20

Eketopoloorete ayoŋ ŋityaŋ ŋulu ka ariet, ŋikweei ka ŋikaleeso, anerae ewuakini ayoŋ ŋakipi naloŋisat ka ŋaŋololin naonite, ikotere ŋituŋa kaŋ ŋuluseuna emasete,

Sepan. 2:15

Arae sek Ninepe etaun ŋolo alakara ŋituŋa keŋ kiboiyete pa ekuryaka, ebasi make, ‘Iwon bon ikidedeŋ, mam ice?’ Kiŋolikisi tokona epite ŋolo aruworor iŋes ereŋorot, neni eperete ŋityaŋ ŋulu ka ariet! Eumokini ituŋanan daadaŋ ŋini itori nen iŋolikini Ninepe ikoni nen, ido kimuŋumuŋak akou.”

Mat. 23:35

Aŋakiro a ŋun, ikitubokinio iyes aŋuna iaryata ŋituŋa ŋulu iyookino ameun anaokot ka Abel, a ŋolo pa asecit, tari naokot a Sakariya alokoku a Barakia a ŋolo aarakinio kidiŋ Akai ka Akuj ka Namuroet.

Mat. 27:25

Toboŋokis ikes daadaŋ temasi, “Kimyekisi ŋaokot keŋ pena nakyes kosi ka ŋuna a ŋikosidwe.”

Luk. 13:2

Tolimok Yesu ikes tema, “Itamete iyes atemar kesecaka nooi ŋituŋa ŋulu a Galileya ŋul akilo Ŋigalileyan ŋuluce aŋuna aryamuniata ikes ŋican ŋul a?

Luk. 13:4

Ani bo ŋituŋa ŋulutomon ka ŋikanikauni ŋulu aritakin arwatata toar alo Siloam? Itamete iyes itoodiunito ŋun atemar kesecaka ikes nooi akilo ŋituŋa daadaŋ alo Yerusalem a?

Yoa. 7:24

Nyitubonokinete alopite a ŋolo etakaniata ŋiboro, nai totubonokinete alopite a ŋolo eriyan.”

Ŋitic. 28:2

Akoneoko nooi ŋituŋa ŋulu a nen. Ikijaut ikes isua, kinokakis akim, anerae atepit akiru, tolilim akwap.

Ŋitic. 28:3

Kirirau Paulo ŋakito, kiwuak nakim. Apaki ŋinapei ŋin, tolomu emun aŋuna ka amwanis a ŋina ka akim, tokony, kimiidikin nakan keŋ.

Ŋitic. 28:5

Nai towuatak Paulo emun tooma nakim, nyewana iŋes tari iwadio.

Akis. 21:8

Nai ŋikakuryanak, ŋikalukinok, ŋulu nyenupito, ŋikaarak, ŋimalaanotin, ŋikekukujak, ŋulu ilipete neni a ŋakujo ka ŋikalyokonok daadaŋ imasakinio ikes nanam ŋina ka akim ka ŋina a Sulpa. Erae ŋin atwanare ŋina a ŋaarei.”