Ŋitic. 28:22 - Ebaibul

²² Nai ikicamit isua akiirar aneni kon ŋakiro ŋuna itami iyoŋ, anerae ikiyeni isua atemar anakwap a daadaŋ itoroniarito ŋituŋa atukot ŋina iyai iyoŋ.”

Ŋitic. 28:22 Iomraidhean Croise

Isa. 42:20

Iŋolyanakini iŋes ŋiboro ŋulu alalak, nai nyemitakinit, epupete ŋaki keŋ, nai nyiiranari ŋakiro.”

Luk. 2:34

Kiterereŋ Simeon ikes, tolimok nai iŋes Maria toto a Yesu tema, “Aseu Akuj ikoku en, ikotere inyasunotor ŋikalalak ka ikotere eiunotor ŋikalalak alo Isirael. Erae daŋ iŋes akitaanyikinet aneni ka Akuj ŋina epegete ŋikalalak,

Ŋitic. 15:5

Nai temasi ŋikanupak ŋice ŋulu ka atukot a ŋina a Ŋiparisayon, “Itemokino ŋikanupak ŋulu nyerae Ŋiyudayan kileŋerae ka kitatamae kiwuapa Ŋikisila a Moses.”

Ŋitic. 24:14

Nai acamunit ayoŋ ŋakiro nu alokiŋaren kon: elipi ayoŋ Akuj atapapaa kosi, anakiwuapit erot ŋolo ke Ekapolon a Ŋikristo, ŋolo ebasi ikes erae alyokonu. Tari kikote nen, anupit ayoŋ ŋakiro daadaŋ ŋuna igiritae tooma Ŋikisila a Moses ka lokitaaboi ŋulu a ŋikadwarak.

Ŋitic. 26:5

Eyenete ikes ŋinapei koloŋ atemar apolounit ayoŋ arae Eparisayot alopite a ŋolo ka atukot a ŋina elelakinit nooi ŋakiro ŋuna ke edin yok. Ani kecamito, epedorete akisuuda nu.

Ŋitic. 5:17

Min arakao nooi aŋuna a Ŋikiyakia neni ke Esacaradoti a ŋolo Apolon nooi ka ŋirukitos keŋ ŋulu arae ŋulu ka atukot a ŋina a Ŋisadukayon.

Ŋirom. 1:8

Ŋuna iŋarenete, alakara ayoŋ neni ka Akuj kaŋ alotooma Yesu Kristo, aŋuna kus a daadaŋ, anerae irworosi ŋituŋa a ŋakwapin a daadaŋ ŋuna ka anupit kus.

1 Ŋikor. 11:19

(Kire itemokino toyai atyakatyaka kidiŋ kus, ikotere kileereunioto ŋulu enupito kire.)

1 Pet. 2:12

Itemokino ŋipitesyo kus toruworos ŋulu ajokak alotuŋa a ŋulu nyenupito Akuj; apaki ŋina ikisitakiniata ikes iyes ebasi ŋikasecak, eyenunete ikes ŋiticisyo kus ŋulu ajokak, ido kipuro Akuj Akoloŋit ŋina ka abunore keŋ.

1 Pet. 3:16

nai kitiyata ŋun ka apatanu ka akerit. Tocayete ŋatameta kus, ikotere ani ikiyanyo kisirumae ŋileec ŋituŋa ŋulu irworosi ŋakiro ŋuna aronok aŋuna a ŋipitesyo kus a ŋulu ajokak, ikwapei ŋikewuapak ŋulu a Kristo.