Ŋitic. 28:2 - Ebaibul

² Akoneoko nooi ŋituŋa ŋulu a nen. Ikijaut ikes isua, kinokakis akim, anerae atepit akiru, tolilim akwap.

Ŋitic. 28:2 Iomraidhean Croise

Esir 10:9

Apotu nai ŋituŋa a Yudaya daadaŋ ka ŋulu a Benjamin tocunakinos Yerusalem alotooma ŋirwa ŋiuni, arae elap ŋolo a ŋikanikaomwon, ŋirwa ke elap a ŋol ŋatomoniarei acununotor ikes Yerusalem. Kiboikinos ŋituŋa daadaŋ neni alapat alokiŋaren Akai ka Akuj, amaranete ikes aŋuna a ŋakiro a ŋuna anyaraunitere ikes ka aŋuna ka akiru a ŋina alal nooi.

Ŋilep. 19:18

Nyiwara akinyaŋ ŋakiro, kori akimanit ŋituŋa kus, nai tomina ikonikidunyet ikwa ŋina iminar iyoŋ akonikuwan. Arae ayoŋ Ekapolon.

Ŋilep. 19:34

Emaikina iyes totiŋito ituŋanan ŋin esibit erae ŋini a ekabila kus pei. Tominas iŋes ikwa imininia iyes make, anerae iraakasi paaran iyes daŋ ŋigelaanotin alo Ijipit. Arae ayoŋ Ekapolon Akuj kus.

Mat. 10:42

Nabo ituŋanan daadaŋ ŋini itamasi ipei alokidiŋ ŋulu cicik lu, tari epeikopo ŋolo a ŋakipi a ŋuna alilimok, aŋuna eraakar ekewuapan kaŋ, eryamuni kire eropit keŋ.”

Yoa. 18:18

Aŋuna alilimyo akwap, kinokakis ŋiketiyak ka ŋiketeok akim, towua kirikaut. Kiyoto nai Petero akiwuaŋar ka ikes.

Ŋitic. 27:3

Todoloe isua lotaun Sidon akoloŋit ŋina atupakini. A nen, torimaan Yulio aneni a Paulo, tocamak iŋes alosit aanyun ŋikonei keŋ, ikotere eryamuni akiŋarakinet ŋina eitanit iŋes.

Ŋitic. 28:3

Kirirau Paulo ŋakito, kiwuak nakim. Apaki ŋinapei ŋin, tolomu emun aŋuna ka amwanis a ŋina ka akim, tokony, kimiidikin nakan keŋ.

Ŋitic. 28:4

Ani iŋolikinete ŋituŋa ŋulu ka akwap a ŋin emun ineno anakan a Paulo, temanaros make ebe, “Itemokino ekile lo kire torae ekaaran ŋituŋa. Anerae tari kebucuna iŋes ananam, nyecamakini atubokino ŋina ka Akuj iŋes toyar.”

Ŋirom. 1:14

Anerae ayakar ayoŋ etic ŋolo kitiyakina neni a ŋituŋa a daadaŋ a ŋulu eyakatar ayenut ka neni a ŋulu nyeyakatar ayenut, neni a ŋulu esyomito ka neni a ŋulu nyesyomito.

Ŋirom. 14:1

Tocamutu ekile ŋolo epalag ananupit eyakaun neni kus, nai nyipeganakinosi ka iŋes anakiro a ŋuna erae ŋatameta keŋ a elope.

Ŋirom. 14:3

Nyitemokino ituŋanan ŋini enyami ibore daadaŋ isoloe ŋini nyenyami daadaŋ; aso ŋini eŋerit akinyam akiriŋ, nyitemokino etubokini ŋini enyami ibore daadaŋ, anerae acamu Akuj iŋes.

Ŋirom. 2:27

Ituŋanan ŋini nyileŋeritae kiwuapite Ŋikisila, ikitubokini iyes alokiŋaren Akuj, anerae ibilibilyata iyes Ŋikisila tari kiyakatar Ŋikisila ŋulu igiritae ka ikileŋeritetei daŋ.

1 Ŋikor. 14:11

Nai ani pa kayeni ayoŋ aŋajep ŋina irworo ituŋanan, iŋes atemar eruworekerworon egela aneni kaŋ ka Aruwor ayoŋ daŋ egela aneni keŋ.

2 Ŋikor. 11:27

Alal etic ka ŋatyokisyo; ŋarwa ŋakalalak pa ajotoonor ayoŋ; abu akoro ka akure okonyam, ŋarwa ŋuna alalak, amam akimuj ŋina etemokino, amam neni perot, kori ŋilowi ŋulu napan.

Ŋikol. 3:11

Aŋakiro a ŋun, emam nabo atyaketait eyai kidiŋ Ŋiyudayan ka ŋulu nyerae Ŋiyudayan, kidiŋ ŋituŋa ŋulu ileŋeritae ka ŋulu nyileŋeritae, ŋulu a ŋikabilae a ŋice, ŋituŋa ŋulu emam akiyen, ŋipi ka ŋituŋa ŋulu elacakina, nai Kristo iŋes epol akilo daadaŋ ka eyai Kristo neni a daadaŋ.

Ŋibur. 13:2

Nyikimuryak iyes aŋaunun ŋituŋa ŋulu gelae lorerya kus. Ayakasi ŋulu apotu kitiyata ŋun, ido apotu toŋaut ŋimalaikan pa eyenete atemar arae ikes ŋimalaikan.