Ŋitic. 27:42 - Ebaibul

⁴² Totukut ŋisigarya akiar ŋimabus daadaŋ, ikotere nyelum tari epei, tolot lokipetot, ido toem nariet.

Ŋitic. 27:42 Iomraidhean Croise

Ŋikiru. 74:20

Totamu acamunet ŋina ibu iyoŋ ocamunotor ka isua, anerae ileleba aryenyeo neni daadaŋ eŋopitotor ŋulu itiyaete aronis.

Ŋakit. 12:10

Eyenete ŋituŋa ŋulu ajokak ibore ŋini icanasi ŋibaren kec, nai eryenyanikinito ŋituŋa ŋulu aronok ŋibaren kec.

Ekal. 9:3

Eroko ŋakiro ŋun ŋuna etakanunete neni a ŋinituŋanan ŋun, ikwaan aronis kec ka aronis ŋina etakanunui neni a ŋinibore anakwap a na. Apaki daadaŋ ŋina iboiyoto ŋituŋa anakwap a na, ileleba aronis natameta kec ka imasimasit ikes, ido elemari atwanare ikes atipei pa eyenete.

Ŋitic. 12:19

Abu Erode tolimu atemar toripiripai nooi ŋakiro a Petero, nai nyeryamut ikes iŋes. Aŋun, abu kiŋitiŋit ŋisigarya ŋulu eteok mabus, ido tolimu atemar toarae ikes. Tolot nai Erode alo Yudaya tari Kaisaria, kiboi aina ŋirwa ŋidi.

Ŋitic. 27:24

tema, ‘Paulo, nyikibul! Itemokino iyoŋ towo alokiŋaren ekepukan a Roma. Kiira! Aŋuna kon, eiuni Akuj tari ŋituŋa daadaŋ ŋulu idokito ka iyoŋ ameeli.’

Ŋitic. 27:41

Nai tonaŋ ameeli neni tekeny, towo todaun arotokinet, tobwaŋa ŋikaguragurae a ŋakipi ŋulu elapasi nooi ameeli alokaku.

2 Ŋikor. 11:26

Analosit kaŋ ŋarwa ŋuna alalak, abu omin kidiŋ aronis ŋina a ŋaŋololin a ŋuna aleleete ka aronis ŋina a ŋikademanarak, aronis ŋina a Ŋiyudayan a ŋulu pei erae ŋikaatuŋa ka ŋina a ŋituŋa a ŋulu nyerae Ŋiyudayan; ayai aronis lotaunio, nariet, aronis ŋina a ŋanamyo ka aronis ŋina a ŋikonei a ŋulu alyokonok.