Ŋitic. 27:30 - Ebaibul

³⁰ Ani eriŋa nyiwalara, kikatakis ŋikametok ameeli akisi anameeli esibit elosete akiyatakin kiŋaren ameeli ŋiboorei ŋice ŋulu itowuoete iŋes; nai keris ikes kiyooliyosi atuba nakipi, ecamito alomar tooma keŋ.

Ŋitic. 27:30 Iomraidhean Croise

Ŋitic. 27:16

Ani itoryo isua diyete ekipetot ŋolo ke eculat a ŋolo cici a ŋolo enyaritae Kauda, topedoroe ka atyonis akiriun atuba ŋina ka ameeli tooma.

Ŋitic. 27:27

Aris kelunyarosi ŋisabito ŋiarei ŋulu ageunia ekuwuam ŋolo apolon akikut, ikirimitor isua ananam a ŋina enyaritae Mediteranian. Ani edoli kidiŋ akuwar, temasi ŋikametok ameeli kori keapiar diyete akwap.

Ŋitic. 27:29

Tobul ikes temasi kori elosi ameeli anaŋakin neni eya ŋatabab, aŋun kiyooliyosi ikes alokaku ŋiboorei ŋulu apotyok ŋiomwon ŋulu itowuoete ameeli, togata atemar kerae kiwala akwap atipei.

Ŋitic. 27:31

Nai tema Paulo neni ke ekapolokiniton ŋisigarya amiat ka neni a ŋisigarya ebe, “Mati kerubakis ŋituŋa lu eyakasi nameeli, nyipedorete iyes aiun.”

Ŋitic. 27:32

Tosodo nai ŋisigarya totubo ŋaunoi ŋuna aenito atuba anameeli, kimyekis atuba todoiyo nakipi.