Ŋitic. 27:24 - Ebaibul

²⁴ tema, ‘Paulo, nyikibul! Itemokino iyoŋ towo alokiŋaren ekepukan a Roma. Kiira! Aŋuna kon, eiuni Akuj tari ŋituŋa daadaŋ ŋulu idokito ka iyoŋ ameeli.’

Ŋitic. 27:24 Iomraidhean Croise

Akisy. 12:2

Eketipituni ayoŋ iyoŋ anakwap ka eketerereŋi, ido eturuwo ekiro kon ŋolo eyenen anakwap, ikotere iyoŋ iruwor ŋolo ka arereŋu.

Akisy. 15:1

Kelunyar ŋun daadaŋ, bu akirot ke Ekapolon neni ka Aburam anatakanikinet ebala, “Aburam, nyikuryaniar! Arae ayoŋ aupal kon, iyatakin eropit kon nooi.”

Akisy. 19:29

Nai ŋina enyasunia Akuj ŋitaunio ŋulu aya nadipo anakwap a ŋin, abu iŋes tominak Aburaam, ido tolema Lot alotaunio a ŋul apaki ŋina enyasunia ŋitaunio ŋul, ŋulu sek eboiyo Lot ekiŋaren.

Akisy. 30:27

Nai tema Laban neni a Yakob, “Kimyekinae ayoŋ okolimok ŋuna acamit alimun, adau ayoŋ ayenun anakisileerekinet ke Ekapolon atemar eketerereŋ ayoŋ Ekapolon aŋuna kon.

Akisy. 39:23

Tojoŋo ekapolokiniton ŋimabus amitakinit akiit ibore daadaŋ ŋini abu iŋes inak Yosepu akidar, anerae arukito Ekapolon ka Yosepu, ido ibore daadaŋ ŋini itiyakini iŋes, etolosi Ekapolon kiŋaren ejok.

Akisy. 39:5

Anyoun apaki ŋin, ŋina eturuworere Yosepu ekapolon a ŋuluce alokal a ŋol ka ainakinere akidar ŋiboro daadaŋ ŋulu ayakar Potipar, kiterereŋ Ekapolon ekal a Ejipitanoit a ŋol aŋuna a Yosepu. Kiterereŋ Ekapolon ibore daadaŋ ŋini ayakar iŋes kai ka lomanikor.

Akisy. 46:3

Tema Akuj, “Arae ayoŋ Akuj, Akuj a papa kon. Nyikuryan alosit atiyaar Ijipit, anerae eketipituni ayoŋ iyoŋ anakwap a ŋin.

1 Ŋirw. 17:13

Tema Eliya neni keŋ, “Nyikuryaniar, ape kitiya lopite ŋolo ilimunio iyoŋ, nai kipokinoe mono ayoŋ amugati adio a ŋakirya a ŋun ikiinu ayoŋ, kipou nai ekaku ŋina kon ka ŋina alokoku kon,

2 Ŋirw. 6:16

Toboŋok Elisa iŋes tema, “Nyikibul, elalak ŋulu ikiriit ka iwon akilo ŋulu eriito ka ikes.”

Yob 35:8

Iteryamunit aronis kon ŋituŋa ŋuluce ŋican lopite ŋolo iryamunitor iyoŋ ka iteryamuni akiyookino kon ŋituŋa ŋuluce akitiya ŋuna iyookino.

Aum. 3:57

Ibu iyoŋ bu neni kaŋ, apaki ŋina akanyaritor ayoŋ iyoŋ, Itolimok ayoŋ ebe, ‘Nyikuryaniar.’

Dan. 2:24

Aŋun, abu Daniel tolot neni ka Arioc a ŋolo abu erwosit toseu amunyar ŋikaosok anakwap a Babilon, tolimok iŋes tema, “Nyimunya ŋikaosok a akwap a Babilon, yaarae ayoŋ tooma neni a erwosit, ido alimokini ayoŋ erwosit apolou a ŋuna abu iŋes kiruja.”

Mika 5:7

Epote nai ŋituŋa a Yakob ŋulu apiyanun akiboiyor nakwapin ŋuna alalak, ikwaanikin ikes a nen ka ŋakopi ŋuna eyaunit Ekapolon, ŋuna itojokete akwap, ikwaanikin ikes a nen ka akiru ŋina itilibuni ŋinya. Eruwor Akuj iyoki ikes, meere ituŋanan.

Mat. 10:18

Ikirikoryo iyes kiŋaren ŋikepukak ka ŋirwosi aŋuna kaŋ, ikotere toruworos iyes ŋisuudae kaŋ alokiŋaren kec ka alokiŋaren ŋituŋa ŋulu nyerae Ŋiyudayan.

Mat. 10:28

Nyikera ŋulu earete akuwan, nai nyepedorito akiar etau; nai tokera ŋolo epedori akiar akuwan ka etau, tocakak tooma nakim ŋina nyeduŋe.

Yoa. 11:9

Toboŋok Yesu ikes tema, “Nyerae mono ŋisaae ŋulu ka apaaran ŋitomon ka ŋiarei a? Ani elosi ituŋanan naparan, nyigukini, anerae ite iŋes akica ŋina ka akwap a na.

Ŋitic. 19:21

Ani kitiyakinosi ŋakiro ŋun, totyaku Paulo alosit Makedonia ka Akaia, tolot nai Yerusalem. Tolimu iŋes tema, “Ani kadau ayoŋ ayakaun nen, itemokino oanyu Roma daŋ.”

Ŋitic. 23:11

Ani nakwaare, towo Ekapolon Yesu alodiyete Paulo, tolimok iŋes tema, “Toen etau! Idau iyoŋ akisuuda ŋakiro kaŋ a ne alo Yerusalem ka itemokino kitiya ikwaŋinapei alo Roma daŋ.”

Ŋitic. 25:11

Ani nai ketiyat ayoŋ ŋuna aronok, ŋuna itemokino otwania, nyewarit ayoŋ abucar anatwanare. Nai ani pa kiyookino ŋakiro ŋuna ekesitakinitotor ikes ayoŋ, emam ituŋanan epedori akipotokin ayoŋ neni kec. Eŋita ayoŋ ayaaro neni ke ekepukan a Roma.”

Ŋitic. 27:31

Nai tema Paulo neni ke ekapolokiniton ŋisigarya amiat ka neni a ŋisigarya ebe, “Mati kerubakis ŋituŋa lu eyakasi nameeli, nyipedorete iyes aiun.”

Ŋitic. 27:37

Arae ekimar kosi a ŋulu ikiya nameeli ŋamiae ŋaarei ka ŋatomonikanikaarei ka ŋikanikapei.

Ŋitic. 27:42

Totukut ŋisigarya akiar ŋimabus daadaŋ, ikotere nyelum tari epei, tolot lokipetot, ido toem nariet.

Ŋitic. 27:44

Ani ekaku, totupakis ŋuluce imiidikina nabaoi kori ŋabwaŋabwaŋaet ŋuna ka ameeli. Arae lo epite ŋolo adolere isua daadaŋ lokipetot emam ŋace.

Ŋitic. 9:15

Nai tolimok Ekapolon Anania tema, “Tolot, anerae erae iŋes eketiyan kaŋ ŋoloseuna, ŋolo iteyenuni ekiro kaŋ lobukui ŋulu nyerae Ŋiyudayan ka lorwosi kec ta lotuŋa ŋulu a Isirael.

Pil. 1:22

Nabo daŋ, kitemok agule ŋina a ŋipeyok aŋuna kaŋ, anerae egeno ayoŋ atemar eboŋokini Akuj ŋakilipeta kus daadaŋ, ekenyakun ayoŋ neni kus.

Yak. 5:16

Aŋun, tolimonokinos ŋasecisya kus make ka kilipanakinos make, ikotere ikitaŋaleunio. Akilip ŋina a ituŋanan a ŋini iyookino, eyai apedor ŋinakitiyaet ŋuna apolok.

Akis. 1:17

Ŋinapei eŋolikinia ayoŋ iŋes, abu oramakin nakejen keŋ ekok ituŋanan ŋini atwan. Abu nai iŋes kiwuak akan keŋ ŋina aloteten neni kaŋ tema, “Nyikuryaniar! Arae ayoŋ ŋolo Eŋarenon ka ŋolo Esidyon.