Ŋitic. 26:29 - Ebaibul

²⁹ Tema Paulo, “Kerae ŋuna alalak kori ŋuna ekudyoko, elipit ayoŋ Akuj atemar meere ayoŋ bon anupi Kristo, nai tari daadaŋ ŋulu epupete ŋakiro kaŋ nakoloŋit na, itemokino ikes kikokis ayoŋ--alemar nyitemokino toenae!”

Ŋitic. 26:29 Iomraidhean Croise

2 Sam. 18:33

Tobul erwosit nooi, tolot todoka kidiama nalapatu ŋina alo kidiama epuke, kigwor a nen; ani elosi iŋes, abu tema, “Okoe lokoku kaŋ Abusalom, lokoku kaŋ, lokoku kaŋ Abusalom. Nyo pa araakar ayoŋ atwani akilo iyoŋ; okoe Abusalom lokoku kaŋ, lokoku kaŋ!”

2 Ŋirw. 5:3

Tolimok apese ŋin aberu a Naaman tema, “Kerae toyai epite ŋolo eanyunia ekapolon kaŋ Naaman ekadwaran ŋolo eyai Samaria, kitaŋaleu ekadwaran ŋol ekapolon kaŋ anadyak atapon.”

Awos. 16:3

temasi neni kec, “Kerae bo paaran ikiarite isua Ekapolon anakwap a Ijipit daŋ! Ikiboi isua a nen ikinyami akiriŋ ka akimuj ca daadaŋ ŋina ikicamit, nai ikiyaut iyes isua naloŋisat na akitaar akoro ŋituŋa lu daadaŋ totwaka.”

Yer. 13:17

Nai ani pa kiirasi iyes ŋakiro keŋ, alosi ayoŋ akigwor anakimunono aŋuna kaakituro kus egwori ayoŋ nooi kibwaliyasi ŋakiyo ŋakonyen kaŋ anerae erikoryo ŋituŋa a Ekapolon nakwap ace.

Yer. 38:20

Tema Yeremia, “Nyitiyakin ŋun, kiwuap iyoŋ ŋakiro ke Ekapolon anakiro a ŋuna akalimok ayoŋ iyoŋ, mam ŋuna aronok itiyakin neni kon, ido eiun akiyar kon.

Ekim. 11:29

Nai tolimok Moses iŋes tema, “Ililit iyoŋ aŋuna kaŋ a? Okoe kerae ca torae ŋituŋa a Ekapolon daadaŋ ŋikadwarak, ido inakinite Ekapolon ikes etau keŋ!”

Yoa. 5:34

Nyeitanit ayoŋ ŋisuudae alotuŋa, nai alimunit ayoŋ ŋun, ikotere iiunotor iyes.

Ŋitic. 12:6

Nakwaare nyiwalara akoloŋit ŋina acamitor Erode akisitakin Petero alokiŋaren ŋituŋa, ajotoe Petero alokidiŋ ŋisigarya ŋiarei, toenitetei iŋes a ŋiriko a ŋiarei. Toyakas daŋ ŋisigarya ŋulu eteok lokekia a mabus.

Ŋitic. 21:33

Tolot ekapolon a ŋisigarya neni ayai Paulo, kikamu iŋes, totubu atemar toenae iŋes a ŋiriko a ŋiarei. Kiŋit nai ŋituŋa tema, “Ŋae ekile lo? Nyo itiyat iŋes?”

Ŋitic. 25:14

Ani kiboiyoto ikes aina ŋirwa ŋulu alalak, kitatamik Pesto neni ke erwosit ŋakiro a Paulo tema, “Eyai nege mabus ekile ŋolo aesikini Pelekis ŋolo paaran arae ekepukan

Ŋirom. 10:1

Ŋikaitotoi kaŋ! Agasi ayoŋ alotau kaŋ a daadaŋ atemar toiun ŋituŋa kaŋ! Elipit ayoŋ Akuj aŋuna kec!

1 Ŋikor. 4:8

Nai idaut kire iyes aryamun ŋiboro daadaŋ ŋulu iitanito a? Idaut iyes akibara a? Iruworosi iyes ŋirwosi emamukae isua a? Okoe kerae toraakas iyes ŋirwosi kire, kikirae isua daŋ ŋirwosi kaapei ka iyes!

1 Ŋikor. 7:7

Okoe, kerae kikote ŋituŋa daadaŋ ayoŋ ŋolo amamukar aberu. Nai eyakar ŋinituŋanan ainakinet keŋ aneni ka Akuj; icetuŋanan ainakinet ŋina ikoni ŋin, ice ŋina egelaana.

2 Ŋikor. 11:1

Eitanit ayoŋ atemar itodaŋ iyes ayoŋ, tari kabaŋaana ayoŋ iwadio. Okoe, todaŋae ayoŋ!

Ŋiep. 6:20

Tari tokona kayai mabus, eriŋa arae ekiyakia aŋuna a Ŋakiro a ŋuna Ajokak. Kilipeneneete ikotere erwor Ŋakiro ŋuna Ajokak emam akuryanu, ikwapei itemokino erworya.

Ŋikol. 1:28

Aŋun, elimonokinio isua ŋakiro a Kristo neni a ŋituŋa daadaŋ. Alotooma aosou daadaŋ icikanakinio ikes, ikotere yaunere ŋinituŋanan neni ka Akuj erae ŋini epakit anakiro a ŋuna ka Akuj anakimorikina ka Kristo.