Ŋitic. 26:20 - Ebaibul

²⁰ Nai abu esileereu nu, neni a ŋituŋa a daadaŋ akisyakin mono alo Damasko, tosodi nai alo Yerusalem ka akwap daadaŋ ŋina a Yudeya tari lobukui ŋulu nyerae Ŋiyudayan. Abu olimonok atemar itemokino ikes tokiwa ŋakecesecisya kibelekinos neni ka Akuj, kitiyata ŋuna itoodiunete atemar kekiwa ikes.

Ŋitic. 26:20 Iomraidhean Croise

Ŋikiru. 22:27

Etamunete ŋituŋa daadaŋ Ekapolon toboŋut neni keŋ; eryedikete alokiŋaren Ekapolon, ŋituŋa a ŋikabilae a daadaŋ;

Isa. 55:7

emaikina ŋulu aronok kimyekis akitiya aronis ka emaikina ŋulu nyiyookino ŋatameta kec kimyekis akitam ŋuna nyiyookino; emaikina ikes toboŋut neni ke Ekapolon, ikotere Ekapolon isyoni ikes emaikina ikes toboŋut neni ka Akuj yok, anerae isyoni iŋes ikes nooi.

Yer. 18:11

Aŋun tokona, tolimok ŋituŋa a Yudaya ka ŋulu iboiyete alo Yerusalem ebe, ‘Alimu Ekapolon atemar, kiirasi, ikikwaan ayoŋ ka ekayan ŋamoti, aye ayoŋ akisicanet aŋuna kus ka etemonokini ŋuna ekemania iyes. Tokona kilocokisi iyes daadaŋ ŋipitesyo kus ŋulu aronok ka kitojokutu ŋipitesyo kus ka ŋiticisyo kus.’ ”

Yer. 35:15

Adau ayoŋ akiyakuun neni kus ŋiketiyak kaŋ ŋikadwarak daadaŋ, arubakinit eyakuununui ikes neni kus abala, ‘Iyes daadaŋ kimyekisi ŋiticisyo kus ŋulu aronok, kilocokisi ŋiticisyo kus ŋulu aronok ka nyiwuapa ŋakujo ŋace, nyitiyanakis ikes, ikotere iboiyete anakwap a ŋina abu ayoŋ okoinak iyes ka atapapaa kus.’ Nai nyiirara iyes ŋakiro kaŋ ka nyiwuapa acamit kaŋ.

Aum. 3:40

Emaikina iwon eŋolikisi make ŋipitesyo yok, ido oboŋosi akiwuap ŋuna ke Ekapolon.

Osea 12:6

Nai ani eruwor iyes, toboŋosi neni ka Akuj kus, kitiyata jik ŋuna iyookino ka ŋuna ka amina, ka torubakisi idarito Akuj kus.

Osea 14:2

Okoe Ŋisirael, toboŋutu neni ke Ekapolon, a ŋakiro kus aŋuna ka akiki tolimokisi Ekapolon ebe, “Tolema ekaile ŋolo ka asecit daadaŋ, tocamu ŋinibore ejok daadaŋ, ido ikiinakini isua iyoŋ ŋainakineta ŋuna ikiikinio iyoŋ.

Mat. 3:2

ebala, “Kibelekinos anasecisya kus, anerae aapuu Apukan ŋina anakuj!”

Mat. 3:8

Kitiyata ŋiticisyo ŋulu itoodiunete atemar ikiwa iyes kire ŋasecisya kus.

Mat. 4:17

Ŋinapei ŋina, kisyak Yesu alimonokin ebala, “Kibelekinos anasecisya kus, anerae aapuu Apukan ŋina anakuj.”

Mat. 9:13

Toloto toriputu apolou a Ŋakigireta a ŋuna ebasi, ebala Akuj, ‘Acamit ayoŋ akisyon, meere amuronot.’ Anerae nyabunit ayoŋ anyaraun ŋulu iyookino, nai ŋikasecak.”

Mar. 6:12

Toloto ikes kitatama ŋituŋa akiki ŋasecisya kec.

Luk. 1:16

Inyakuni iŋes ŋituŋa ŋulu alalak ŋulu a Isirael neni ke Ekapolon Akuj kec.

Luk. 13:3

Nyikote neni! Nai akalimokini ayoŋ iyes atemar, ani pa kikiwa iyes ŋasecisya kus, itwakete iyes daŋ ikwa ikes.

Luk. 13:5

Nyikote neni! Nai akalimokini ayoŋ iyes atemar, ani pa kikiwa iyes ŋasecisya kus, itwakete iyes daŋ ikwa ikes.”

Luk. 15:10

Ikwaŋinapei, akalimokini ayoŋ iyes atemar, elelyanete ŋimalaikan ŋulu ka Akuj ikotere epeikasecan ŋolo ekii ŋasecisya keŋ.”

Luk. 15:7

Ikwaŋinapei, akalimokini ayoŋ iyes atemar, eyakaun alelyan nakuj aŋuna ke ekasecan a epei a ŋolo ekii ŋasecisya keŋ, akilo ŋuluce ŋulu tomonikanikaomwon ka ŋikanikaomwon ŋulu ajokak, ŋulu nyiitanito akiki ŋasecisya kec.

Ŋitic. 11:18

Ani iirarete ikes ŋun, tojoŋoto apega. Kipuro Akuj temasi, “Ainaki nai Akuj ŋulu nyerae Ŋiyudayan daŋ apaki ŋina ekiyata, toyara!”

Ŋitic. 15:19

Aŋun, atami ayoŋ atemar nyitemokino iwon akicanit ŋituŋa ŋulu nyerae Ŋiyudayan ŋulu ebelekinosi neni ka Akuj.

Ŋitic. 17:30

Akitodol apaki na, abu Akuj nyimaraki ŋapakio ŋuna pa ayeniata ŋituŋa iŋes, nai tokona ecikak ŋituŋa anakwapin a daadaŋ akibelekin neni keŋ.

Ŋitic. 2:38

Tolimok Petero ikes tema, “Tokiwa ŋasecisya kus, kibatisae ŋinituŋanan alokidiŋ kus alokiro a Yesu Kristo, ikotere isyoniyo ŋasecisya; ido toryamut ainakinet ŋina ka Akuj--Etau ŋolo Asegan.

Ŋitic. 20:21

Abu ayoŋ eteyenik Ŋiyudayan ka Ŋigirik daŋ atemar etemokino ikes tokiwa ŋasecisya kec alokiŋaren Akuj ka tonupa Ekapolon yok Yesu Kristo.

Ŋitic. 26:17

Ekeyakiyari ayoŋ iyoŋ lotuŋa a Isirael ka neni a ŋulu nyerae Ŋiyudayan, ido euryari ayoŋ ikes nyikiwan iyoŋ.

Ŋitic. 26:19

“Aŋun, erwosit Agripa, abu ayoŋ nyawou akiwuap atakanikinet ŋina anakuj.

Ŋitic. 3:19

Tokiwa nai, kibelekinos neni ka Akuj, ikotere ikisari iŋes ŋasecisya kus. Kitiyata ŋun, ikotere epote aneni ke Ekapolon ŋarwa ŋuna itogogoŋere ŋitai kus.

Ŋitic. 9:15

Nai tolimok Ekapolon Anania tema, “Tolot, anerae erae iŋes eketiyan kaŋ ŋoloseuna, ŋolo iteyenuni ekiro kaŋ lobukui ŋulu nyerae Ŋiyudayan ka lorwosi kec ta lotuŋa ŋulu a Isirael.

Ŋitic. 9:35

Toanyuwasi ŋituŋa daadaŋ ŋulu aya Lidda ka Saron iŋes eŋale; kibelekinos, tonupa Ekapolon.

Ŋirom. 2:4

Kori imenit iyoŋ Akuj aŋuna epoloo nooi arimao ka akidaŋidaŋ ta atitinyikinit keŋ? Nyiyeni iyoŋ atemar erae narimao keŋ ikirikorya iyoŋ Akuj nakiki ŋasecisya a?

2 Ŋikor. 3:16

Nai, ani ibelekin ituŋanan neni ke Ekapolon, elemaryo akitambara ŋin anatameta keŋ.

2 Ŋikor. 7:10

Anerae akiyaloloŋ ŋina erae acamit ŋina ka Akuj, iŋes ikiinakini iwon akibelekin neni ka Akuj, yau nai aiuno. Emam ituŋanan iyaloloŋi a ŋakiro a ŋun! Nai akiyaloloŋ ŋina ka akwap a na, eyauni atwanare.

Ŋiep. 4:17

Akalimokini tokona ayoŋ iyes alokiro ke Ekapolon atemar: tojoŋoto akiboi alopite a ŋolo a ŋituŋa a ŋulu nyeyenete Akuj, ŋulu erae ŋatameta kec ŋakoŋinae,

1 Ŋites. 1:9

Kire, erae ŋituŋa ŋuluce ŋilopeyek irworosi epite ŋolo ikijauniata iyes isua apaki ŋina aponere isua akipeyokin iyes ka epite ŋolo iponiata iyes kibelekinos anakujo, ido kiwuapa Akuj ŋina a kire ŋina eyari;

Akis. 16:11

Kiceno ikes ekiro ŋolo ka Akuj a ŋina eyai nakuj aŋuna ka aryeba ka ŋajemei kec. Nai apotu nyekiwa ŋipitesyo kec ŋulu aronok.

Akis. 2:21

Abu ayoŋ oinak iŋes apaki ŋina kiet, nai ewounit iŋes akiki amalao.

Akis. 2:5

Totamatama neni etya aronis ŋina ka akibusokin kon! Toki, kisyak akitiya ŋiticisyo ŋulu sek itiyae iyoŋ ekiŋaren. Ani pa kikii iyoŋ, abuni ayoŋ neni kon alemar awuoet kon ŋina ke etaa aneni sek eyai.

Akis. 3:3

Totamu nai ŋuna aponi ikitatami ka ikisiirar iyoŋ, kiricak ikes ka toki! Ani pa kikienyu iyoŋ, abuni ayoŋ neni kon ikwa ekokolan ka nyiyeni iyoŋ apaki ŋina abunio ayoŋ.