Ŋitic. 26:18 - Ebaibul

¹⁸ Iŋaari iyoŋ ŋakonyen kec, ikotere kibelekinos anakiryonut nakica ka anapedor a ŋina a Satan, pena neni ka Akuj; toryamut nai aŋuna ka anupit kec akisyonio ŋina a ŋasecisya ka akibois aneni a ŋituŋa a ŋulu eturuwo Akuj ŋulu keŋ.’

Ŋitic. 26:18 Iomraidhean Croise

Ŋikiru. 119:18

Toŋaa ŋatameta kaŋ, ikotere ayoŋ ayenuni ŋakiro ŋuna ka aumokin ŋuna a ŋikisila kon.

Ŋikiru. 146:8

itekenyununui ŋakonyen a ŋimudukanotin, iŋaranakini ŋulu adaun akitapapanun, emina Ekapolon ŋulu iyookino.

Isa. 29:18

Akoloŋit ŋin, iirarete ŋikiŋimanotin ŋakiro ŋuna igiritae lokitaabo, ido anakiyaloloŋ kec ka anakiryonut iŋolikinete ŋakonyen a ŋimudukanotin.

Isa. 32:3

Nyerubakinete ikes iteete ŋuna aronok nyesubakis, iirarete ŋulu epupete ŋakiro topupokis.

Isa. 35:5

Eŋaaryo nai ŋakonyen a ŋimudukanotin ka eŋaaryo ŋaki a ŋikiŋimanotin;

Isa. 42:16

Ariki ayoŋ ŋimudukanotin, etoryo ikes lorot ŋolo nyeyenete, omekinia ŋirotin ŋulu sek nyemekinito, eteni ayoŋ ikes. Elocokini ayoŋ akiryonut alokiŋaren kec toruwor akica, elelyaari ayoŋ ŋakiboisyo ŋuna sek esagam. Ŋakiro ŋun ikes etiyakini ayoŋ, ido nyemyekini ayoŋ akitiya ŋun.

Isa. 42:7

ikotere itekyenyunete ŋakonyen a ŋulu emudukaka, ikotere ilakunete ŋienan ŋulu iboiyete anakiryonut.

Isa. 43:8

Yautu kiŋaren ŋituŋa ŋulu emudukaka toyakatar bo ŋakonyen, ŋulu ekiŋimaka, toyakatar bo ŋaki!

Isa. 49:6

ebe, “Epataka mono ŋakiro ŋuna iraakar iyoŋ eketiyan kaŋ a? anerae ilosi iyoŋ akinyakun ŋikabilae a Yakob neni kaŋ ka ayaun neni kaŋ Ŋisirael ŋulu erae ŋipiya; eketuruwori ayoŋ iyoŋ akica ŋina a ŋulu nyerae Ŋiyudayan, ikotere itodoli iyoŋ aiuno ŋina ebunit aneni kaŋ nakisaleta a akwap.”

Isa. 9:2

Eŋolikis ŋituŋa ŋulu sek ayakasi nakiryonut akica ŋina apolon. Acaiki akica ŋituŋa ŋulu sek eboiyete anakiryonut a ŋinakiryonon cuc.

Mal. 4:2

Nai iyes ŋulu itopoloorito ekiro kaŋ, elomuni apedor kaŋ ŋina aiunan ikoni akoloŋ, ido bu apedor neni kus ikoni ŋikoi ŋulu ka akoloŋ, ikitaŋaleun iyes. Iruworosi iyes ŋulu ilacakina, ŋulu ilakara ikwa ŋimanaŋ ŋulu elacakinitae, ŋulu eŋaaritae ananok.

Mat. 4:10

Tosodi toboŋok Yesu iŋes tema, “Satan tolot! Anerae igiritae Nakigireta ebe, ‘Iryediki iyoŋ kitopoloo Ekapolon Akuj kon, kitiyanak iŋes bon!’ ”

Mat. 4:16

Aanyuwasi ŋituŋa ŋulu eboiyete anakiryonut akica ŋina apolon, tari ŋulu eboiyete alotorube a ŋolo ka atwanare, enuaku akica ikes.”

Luk. 1:77

Tolimonok ikes atemar eiunio ikes aŋuna isyoniyere ŋasecisya kec.

Luk. 1:79

ka ayau akica neni a ŋulu eyakasi nakiryonut ŋina ka asecit ka atwanare, ikitena iwon lorotin ŋulu ke ekisil.”

Luk. 2:32

Akica ŋina ecaikini lobukui ŋulu nyerae Ŋiyudayan, ka ŋina erae akipuro ŋina a ŋituŋa kon Isirael.”

Luk. 24:45

Toŋaaros ŋatameta kec toyenut ŋuna igiritae Nakigireta.

Luk. 24:47

Itemokino kitatamae akiki ka akisyon ŋasecisya lobukui daadaŋ alokiro keŋ, akisyakin alo Yerusalem.

Luk. 4:18

“Eyai Etau ke Ekapolon neni kaŋ, anerae ekeos iŋes ayoŋ aŋuna ka akiserakin Ŋakiro ŋuna Ajokak lokulyak. ekeyakuu iŋes ayoŋ alimokin ŋulu eenitae atemar elacakinio ikes ka aŋaar ŋakonyen a ŋimudukanotin ka alakakin ŋipi,

Yoa. 17:17

Kituruwo ikes ŋulu etyakunitae nakirot ŋina a kire; akirot kon iŋes erae ŋina a kire.

Yoa. 3:19

Atubokino iŋes na ebe: abu akica bu nakwap, nai aminasi ŋituŋa akiryonut akilo akica, anerae aroko ŋuna etiyaete ikes.

Yoa. 4:10

Toboŋok Yesu tema, “Kerae toyeni iyoŋ ainakinet ŋina ecamit Akuj ainakin iyoŋ ka ŋolo ebala iyoŋ ‘Kitamatae,’ kiŋisit iyoŋ iŋes ka kikiinakinit ŋakipi ŋuna eteyarak.”

Yoa. 4:14

nai ŋini emasi ŋakipi ŋuna ainakini ayoŋ iŋes, nyenyami akure nabo jik. Ŋakipi ŋuna abuni ayoŋ ainakin iŋes, eruworosi aneni keŋ eitanit ŋolo a ŋakipi a ŋuna eyaunete akiyar ŋina nyedaun.”

Yoa. 8:12

Kirwor nabo Yesu neni kec tema, “Arae Ayoŋ akica ŋina ka akwap; ŋini ekewuapakini ayoŋ, nyelomari nakiryonut, nai eryamuni akica ŋina ka akiyar.”

Yoa. 9:39

Tolimu nai Yesu tema, “Abunit ayoŋ nakwap atubonokin, ikotere ŋulu sek emudukaka ekienyunete, ido ŋulu sek ekienyete tomudukakyata.”

Yoa. 9:5

Ani ca eriŋa ayoŋ ayai nakwap, Arae Ayoŋ akica ŋina ka akwap.”

Ŋitic. 10:43

Iteyenunito ŋikadwarak daadaŋ aŋuna keŋ atemar, ŋini daadaŋ enupi Yesu, isyoniyo ŋasecisya keŋ alokiro a Yesu.”

Ŋitic. 13:47

Anerae ŋuna ikilimok Ekapolon isua akitiya ikes nu: ‘Eketuruwo ayoŋ iyes akica ŋina a ŋulu nyerae Ŋiyudayan, ikotere iyaunete iyes aiuno nakisaleta ŋuna ka akwap.’ ”

Ŋitic. 15:9

Abu nyiwuak atyaketait kidiŋ yok ka ikes, nai abu kitesegu ŋitai kec anakisyon ŋasecisya, anerae apotu tonupa.

Ŋitic. 2:38

Tolimok Petero ikes tema, “Tokiwa ŋasecisya kus, kibatisae ŋinituŋanan alokidiŋ kus alokiro a Yesu Kristo, ikotere isyoniyo ŋasecisya; ido toryamut ainakinet ŋina ka Akuj--Etau ŋolo Asegan.

Ŋitic. 20:21

Abu ayoŋ eteyenik Ŋiyudayan ka Ŋigirik daŋ atemar etemokino ikes tokiwa ŋasecisya kec alokiŋaren Akuj ka tonupa Ekapolon yok Yesu Kristo.

Ŋitic. 20:32

“Nai tokona, ekewuakini ayoŋ iyes nakan ŋuna ka Akuj ka nakiro ŋuna ka ajokis keŋ, ŋina epedori akitogogoŋ ka ainakin iyes ŋarereŋisyo ŋuna iŋadat Akuj aŋuna a ŋituŋa a ŋulu eturuwo iŋes ŋulu keŋ.

Ŋitic. 26:19

“Aŋun, erwosit Agripa, abu ayoŋ nyawou akiwuap atakanikinet ŋina anakuj.

Ŋitic. 26:23

Abasi ikes ebe itemokino Kristo kisicanae ka toruwor ŋolo ke ekiŋaren ayarun alokatwak, kiserau nai akica ŋina ka aiuno neni a Ŋiyudayan ka ŋulu nyerae Ŋiyudayan daŋ.”

Ŋitic. 3:19

Tokiwa nai, kibelekinos neni ka Akuj, ikotere ikisari iŋes ŋasecisya kus. Kitiyata ŋun, ikotere epote aneni ke Ekapolon ŋarwa ŋuna itogogoŋere ŋitai kus.

Ŋitic. 5:31

Kitopoloo Akuj iŋes, kisiboik lowae ŋolo aloteten keŋ toruwor Ekarikon ka Ekaiunan, ikotere Ŋisirael epedorete akiki, kisyoni Akuj ŋasecisya kec.

Ŋirom. 8:17

Ikwaŋina ikiraakar iwon ŋidwe keŋ, ikiryamuni iwon ŋarereŋisyo ŋuna iŋadat Akuj aŋuna a ŋituŋa keŋ ka ikiryamuni iwon kaapei ka Kristo ŋuna iŋadat Akuj aŋuna keŋ. Anerae ani kikimora iwon akisicanio a Kristo, ikimori daŋ ka iŋes apolou keŋ.

1 Ŋikor. 1:2

ikigirit abaruwa na neni ka atukot a Ŋikristo a ŋina eyai Korinto: neni kus a ŋulu ikityakunitae anakimorikina ka Yesu Kristo, ŋulu ikinyarae aruwor ŋituŋa ŋulu ka Akuj, kaapei ka ŋulu daadaŋ ilipete anakiboisyo a daadaŋ alokiro a Yesu Kristo Ekapolon yok, a ŋolo erae Ekapolon kec ka ŋolo yok.

1 Ŋikor. 1:30

Erae aŋuna keŋ iŋes iyakatar iyes nakimorikina ka Yesu Kristo ŋolo abu Akuj kituruwo aosou yok, akiyookino yok ka ikiruwor iwon ŋulu ikityakunitae aŋuna ka Akuj ka ŋulu ikilakuna.

2 Ŋikor. 4:4

Adau ekepukan ŋolo ka akwap a na akitumudukan ŋatameta a ŋulu nyenupito, ikotere nyiŋolikiniata akica ŋina a Ŋakiro a ŋuna Ajokak, ŋuna ka apolou a Kristo, a ŋolo ikwaan ka Akuj per.

2 Ŋikor. 4:6

Arae Akuj abu tema, “Tocau akica anakiryonut”, Akuj ŋinapei ŋin etacau akica keŋ alotai yok, ainakinia iwon akica ŋina ka ayenut ka apolou ŋina ka Akuj ŋina etacaun aloreet a Kristo.

2 Ŋikor. 6:14

Tocoito ilomarete nayokot apei ka ŋituŋa ŋulu nyenupito Kristo. Ikokinete mono ŋuna iyookino ka ŋuna nyiyookino erukete ai? Ikokinete akica ka akiryonut imorikinosi ai?

Ŋigal. 2:20

Aŋun nai, nyarubakinit ayoŋ arae ŋolo ayari, nai Kristo eyari alotooma kaŋ. Akiyar kaŋ ŋina anakwap a na, ayari ananupit Lokoku ka Akuj, ŋolo abu okominak ayoŋ ka tojal akiyar keŋ aŋuna kaŋ.

Ŋigal. 3:14

Abu Kristo kitiya ŋun, ikotere alotooma keŋ einakinio ŋituŋa ŋulu nyerae Ŋiyudayan ŋarereŋisyo ŋuna abu Akuj kiik neni ka Aburaam, ikotere nai toryamunere iwon ŋulu ikinupit Kristo Etau ŋolo ikiikinit Akuj.

Ŋigal. 3:2

Tolimokinae ayoŋ akirot na apei: Ipotu mono iyes toryamut Etau ŋolo ka Akuj anakitiya ŋuna ecamito Ŋikisila kori anakiirar Ŋakiro ŋuna Ajokak, ido tonupa?

Ŋiep. 1:11

Itiyao ŋiboro daadaŋ alopite a ŋolo itemokinitor ka etubunitor Akuj ka abu Akuj ikiseu iwon aŋuna ka acamit keŋ aruwor ŋituŋa keŋ ka alope anakimorikina ka Kristo, ikwa kebunio iŋes totubunio ŋinapei anakisyakinet.

Ŋiep. 1:14

Etau ŋol iŋes erae akitoodikinet neni yok atemar eryamunio iwon ŋarereŋisyo ŋuna adau Akuj akiikin neni a ŋituŋa keŋ apaki ŋina elakunia Akuj ŋituŋa keŋ jik, ikotere nai kipuroe apolou keŋ.

Ŋiep. 1:18

Elipit ayoŋ Akuj toŋaar ŋatameta kus, ikotere toyenut akigeno ŋina adau iŋes anyarakin iyes ka epite ŋolo elalaata ŋarereŋisyo ŋuna epolok, ŋuna adau Akuj akiikin ainakin ŋituŋa keŋ;

Ŋiep. 1:7

Anerae ikituruwor iwon ŋulu ikilakuna a ŋuna a ŋaokot a Kristo, a ŋuna aponi tobukoroe alomusalaba; iŋes nai atemar esyoni ŋasecisya yok. Alopite a ŋol, ikitoodik Akuj iwon epite ŋolo epoloo nooi ajokis keŋ.

Ŋiep. 2:8

Anerae erae aŋuna ka ajokis a ŋina ka Akuj ikiunere iyes, aiuno ŋina ipotu iyes toryamut ananupit kus.

Ŋiep. 4:18

ŋulu eyakasi ŋatameta kec nakiryonut. Aŋuna eyakatar ikes amaaŋe, amudukan ikes anakiro a ŋuna ka Akuj; aŋun, atyakarosi ikes anakiyar a ŋina ikiinanakini Akuj.

Ŋiep. 5:11

Nyilomanarete nakiro ŋuna koŋinae ŋuna ka akiryonut, nai kisileereutu ikes.

Ŋiep. 5:14

anerae akica iŋes itoodiuni ibore daadaŋ ejok. Iŋes elimunitere ebe, “Tokienyu, iyoŋ ekajoton, ido toyaru alokatwak, ikiwuakini Kristo iyes nakica.”

Ŋiep. 5:8

Iyakasi paaran sek iyes nakiryonut, nai aŋuna ka akimorikina kus ka Ekapolon, iyakasi tokona iyes nakica. Aŋun, itemokino iyes kiboiyete ikwa ŋituŋa ŋulu erae ŋulu ka akica,

Ŋiep. 6:12

Anerae meere ŋituŋa ejiyere iwon, nai ikijiye ka ŋikepukak, ŋapedorosyo ka ŋipyan ŋulu eya kidiama ŋulu epolokinito akwap na, alorwa a lu a ŋulu ikote akiryonut.

2 Tim. 2:26

Eosunete nai ikes ŋilopeyek, tolomut anauno a ŋina a Satan, a ŋolo abu kikamu ikes ka ŋolo abu kituruwo ikes ŋulu iwuapito acamit keŋ.

Ŋibur. 10:10

Aŋuna etiyaa Yesu Kristo ŋuna acamit Akuj iŋes kitiya, ikitesegun iwon anasecisya alotooma ainakin akeekuwan ainakinet apei ŋina itemokino jik.

Ŋibur. 10:14

Aŋuna ka amuronot ka apei, eturuwo iŋes ŋulu itesegunio anasecit ŋulu iyookino jik.

Ŋibur. 11:6

Emam ituŋanan italakari Akuj mati eyakar anupit; anerae ŋini ebuni neni ka Akuj, itemokino tonupite atemar eyai Akuj, nabo einanakini Akuj eropit neni a ŋulu enupito iŋes.

Ŋibur. 9:15

Aŋuna a ŋakiro a ŋun, Kristo eyaunit akimorikina a ŋituŋa ka Akuj a Nacamunet a ŋina Kitete, ikotere nai toanyuniata ŋituŋa ŋulu adau Akuj anyarare arereŋu ŋina a jik ŋina ikiik Akuj. Epedor ŋun, anerae abu Kristo totwan ikotere elacakinia ŋituŋa anaronis kec a ŋina etiyaete ikes eriŋa Acamunet ŋina ke ekiŋaren eyai.

Yak. 2:5

Topupokisi, ŋikaitotoi kaŋ ŋuluminan! Aseu Akuj ŋikulyak anakwap a na, ikotere toruworos ikes ŋulu ebarito ananupit ka ŋulu eryamunete Apukan ŋina iikinit Akuj ŋulu eminasi iŋes.

1 Pet. 1:4

ido ikiyeni atemar ikiryamuni ŋarereŋisyo ŋuna alalak, ŋuna idaritor Akuj ŋituŋa keŋ. Ikidaritor iŋes iyes ŋarereŋisyo ŋun anakuj, aneni nyebosyata kori nyinyasunotor kori nyeŋopiaryata.

1 Pet. 2:25

Ikote koloŋ iyes ŋamesekin ŋuna apotu tooliyosi alorot, nai tokona ikinyakun iyes akiwuap Ekeyokon ka Ekedaran kus.

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.

1 Yoa. 1:9

Nai ani kikilimo iwon ŋasecisya yok, isyoni Akuj ŋasecisya yok, ikitesegu iwon alopitesyo a ŋulu aronok a daadaŋ; anerae nyiloconokini iŋes ŋuna alimu ka iyookino.

1 Yoa. 2:12

Ŋidwe kaŋ, ekegirakinit ayoŋ iyes, anerae esyoni ŋasecisya kus aŋuna a Yesu Kristo.

1 Yoa. 3:8

Ituŋanan daadaŋ ŋini esecenene, iŋes erae ŋini a Satan, anerae aberakin koloŋ sek Satan asecenen ŋinapei anakisyakinet. Atakanuni Lokoku ka Akuj aŋuna ka akinyasun etic a Satan.

1 Yoa. 5:19

Ikiyeni iwon atemar ikirae iwon ŋulu ka Akuj, tari kipukat ŋolo Aronon akwap daadaŋ.

Yud. 1:1

Ayoŋ Yuda ŋolo arae eketiyan a Yesu Kristo ka lokaato a Yakobo, egirit abaruwa na neni a ŋulu adau Akuj anyarare, ka ŋulu emina iŋes ŋolo erae Papa ka iyokitoe aŋuna a Yesu Kristo:

Akis. 21:27

Nai emam ibore ŋini aronon elomari neni keŋ, emam tari idiotuŋanan ŋini itiyae ŋuna a ŋileec ka ŋuna ka alyokonu. Ŋituŋa ŋulu igiritae lokitaabo ŋolo ka akiyar ŋolo a Imesek, ikes bon elomarete tooma etaun ŋol.