Ŋitic. 25:25 - Ebaibul

²⁵ Nai abu ayoŋ oryamu atemar emam ŋakiro itiyat iŋes ŋuna itemokino totubokinere iŋes atwanare. Ikwaŋinapei abunio iŋes elope kiŋitak alosit neni ke ekepukan a Roma, atyaku ayoŋ akiyakiyar iŋes.

Ŋitic. 25:25 Iomraidhean Croise

Yer. 26:16

Tolimokis nai ŋikapolok ka ŋituŋa daadaŋ ŋisacaradotin ka ŋikadwarak temasi, “Nyemaikina totubokinae ekile lo atwanare, anerae erwor iŋes neni yok alokiro a Ekapolon a Akuj yok.”

Luk. 23:14

tolimok ikes tema, “Ipotu iyes torikut ekile lo neni kaŋ ibasi itutuki ŋituŋa. Eŋitiŋit tokona ayoŋ iŋes alokiŋaren kus, nai emam ŋakiro aryamu ayoŋ alokile a lo, ŋuna itemokino etubokinere iŋes.

Luk. 23:4

Tolimok Pilato ŋisacaradotin ŋulu apolok ka asepic ŋina a ŋituŋa tema, “Emam ibore ŋini aronon ŋini itiyat ekile lo, ŋini itemokino isitakinere.”

Yoa. 18:38

Kiŋit Pilato Yesu tema, “Nyo erae ŋuna a kire?” Kedau Pilato alimun ŋun, toboŋo kiŋa, tolimok Ŋiyudayan tema, “Nyeryamuna ayoŋ asecit ŋina tubokinet iŋes.

Ŋitic. 23:29

Oryamu atemar emam ibore ŋini kebu iŋes kitiya ŋini etemokino toarere kori kiwuakinere iŋes mabus. Arae ŋakiro ŋuna esitakinitere iŋes ŋuna a ŋikisila kec a ŋilopeyek.

Ŋitic. 23:9

Kiyatakin ecelet, tonyout Ŋiketatamak a Ŋikisila ŋice ŋulu arae Ŋiparisayon, kitepega Atukot ka agogoŋu nooi temasi, “Emam ibore ikiryamu isua esecit ekile lo! Acepaki kirworit etau kori emalaika neni keŋ kire!”

Ŋitic. 25:26

Nai akaŋopikis ayoŋ ŋakiro ŋuna erae ŋakigirakina neni ke ekepukan a Roma aŋuna keŋ. Aŋun, ayau ayoŋ iŋes ne kiŋaren kus, akilo nooi kiŋaren kon erwosit Agripa, ikotere ani kikidau iwon aripirip ŋakiro keŋ, opedo ayoŋ aryamun ŋakiro ŋuna kigirakina iŋes.

Ŋitic. 26:31

torotokis kirworikinos make temasi, “Emam ŋakiro itiyat ekile lo, ŋuna itemokino toarere kori kiwuakinere mabus.”

Ŋitic. 27:1

Ani etubuni Pesto atemar adol apaki ŋina erotokinere isua Italia, apotu ŋikapolok a Ŋiromanin alo Kaisaria inakis Paulo ka ŋimabus ŋice neni a Yulio, a ŋolo arae ekapolokiniton ŋisigarya amiat ŋulu anyaritae “Ajore ŋina ke ekepukan.”

Ŋitic. 28:18

Ani kedaut ikes akiŋitiŋit ayoŋ, apotu Ŋiromanin tocamut alacakin ayoŋ, anerae amam akirot ŋina etemokino okotubokinere ayoŋ atwanare.