Ŋitic. 25:12 - Ebaibul

¹² Tosodi nai Pesto kedaut akirworikin ka atukot keŋ, tolimok Paulo tema, “Iŋitak iyoŋ alosit neni ke ekepukan a Roma; aŋun, ilosi iyoŋ neni ke ekepukan a Roma.”

Ŋitic. 25:12 Iomraidhean Croise

Ŋikiru. 76:10

Iinanakini iyoŋ tari ŋiryenyaanotin ikipuro iyoŋ, ido epote ŋipiya ŋulu ka aŋoit kon, akilip neni kon anapakio a ŋuna a ŋasuban.

Aum. 3:37

Ŋae elimuni ŋakiro kitiyakinae erae pa ketubunit Ekapolon ŋun?

Dan. 4:35

Erae ŋituŋa daadaŋ ŋulu ka akwap ŋicaryo, itiyae iŋes ŋuna ecamit neni a ŋisubuna a ŋulu eya kidiama ka neni a ŋulu iboiyete anakwap. Mam ituŋanan epedori akiretakin ŋuna ecamit iŋes akitiya, kori epedori akiŋit ebe, “Nyo itiyae iyoŋ?”

Mat. 22:17

Tolimokinae isua ŋuna itami iyoŋ. Ikicamakinito mono Ŋikisila obukosi ocur neni ke ekepukan a Roma kori mam?”

Ŋitic. 19:21

Ani kitiyakinosi ŋakiro ŋun, totyaku Paulo alosit Makedonia ka Akaia, tolot nai Yerusalem. Tolimu iŋes tema, “Ani kadau ayoŋ ayakaun nen, itemokino oanyu Roma daŋ.”

Ŋitic. 23:11

Ani nakwaare, towo Ekapolon Yesu alodiyete Paulo, tolimok iŋes tema, “Toen etau! Idau iyoŋ akisuuda ŋakiro kaŋ a ne alo Yerusalem ka itemokino kitiya ikwaŋinapei alo Roma daŋ.”

Ŋitic. 25:11

Ani nai ketiyat ayoŋ ŋuna aronok, ŋuna itemokino otwania, nyewarit ayoŋ abucar anatwanare. Nai ani pa kiyookino ŋakiro ŋuna ekesitakinitotor ikes ayoŋ, emam ituŋanan epedori akipotokin ayoŋ neni kec. Eŋita ayoŋ ayaaro neni ke ekepukan a Roma.”

Ŋitic. 25:13

Kelunyar ŋirwa ŋice, torukut erwosit Agripa ka nakaato keŋ Berenike, potu Kaisaria akijaun Pesto.

Ŋitic. 25:21

Nai abu Paulo kiŋitak akiboi a ne alomabus akidar alosit akiwo alokiŋaren ekepukan a Roma. Aŋun, abu ayoŋ olimu atemar kiboi iŋes akitodol neni eyakiyaria ayoŋ iŋes neni ke ekepukan a Roma.”

Ŋitic. 26:32

Tema nai Agripa neni a Pesto, “Kelacakinitae ekile lo, kerae nyiŋitakinit alosit neni ke ekepukan a Roma.”

Ŋitic. 27:1

Ani etubuni Pesto atemar adol apaki ŋina erotokinere isua Italia, apotu ŋikapolok a Ŋiromanin alo Kaisaria inakis Paulo ka ŋimabus ŋice neni a Yulio, a ŋolo arae ekapolokiniton ŋisigarya amiat ŋulu anyaritae “Ajore ŋina ke ekepukan.”

Ŋitic. 28:16

Ani edolyo isua Roma, tocamakinae Paulo akiwarun akai keŋ bon, nai torukito ka esigarit ŋolo eten iŋes.

Ŋipil. 1:20

eitanit ayoŋ nooi ka egeno atemar nyekerumete jik ayoŋ ŋileec, nai ayakaunor atitinyu ŋina itemokino, anapakio a daadaŋ, nooi tokona, ikwapei sek itopolooritere Kristo aŋuna kaŋ, eriŋa ayari kori katwana.