Ŋitic. 24:25 - Ebaibul

²⁵ Nai ani erubakini Paulo irworo ŋuna ka akiyookino, ŋuna ka akiyapara ka ŋuna ka abunore Akoloŋit ŋina etubokinia Akuj ŋituŋa, tobul Pelekis tolimok Paulo tema, “Ape mono! Akanyarae ayoŋ iyoŋ nabo aryamuni apaki.”

Ŋitic. 24:25 Iomraidhean Croise

2 Sam. 23:3

Adau Akuj a Isirael akirwor neni kaŋ, akalimoki ayoŋ ataaba a Isirael ŋakiro ebe, ‘Ani kipuka ituŋanan ŋituŋa anakiyookino, ani kipuka anakitopoloorit Akuj,

1 Ŋirw. 21:27

Ani iirari Aab ŋakiro ke Eliya, tocil Aab ŋilowi keŋ, tolaca, tonap ŋiguniyae; toŋer akimuj, ido toper loguniae, tolomak akilat esiliyorit itubulito ŋakiro etau.

2 Ŋirw. 22:19

‘Aŋuna ibunio iyoŋ toki alotau kon ka kitiditeun apaki ŋina iirarya ŋakiro ŋuna abu ayoŋ erwor etoroniyarit akwap na ka ŋituŋa keŋ ka aŋuna iciliciliya ŋilowi kon, ido ikikaloik ayoŋ, adau ayoŋ daŋ akiirar iyoŋ.

Esir 10:3

Aŋun tokona, ocamunos iwon alokiŋaren Akuj yok, eritasi ŋaberu ŋun daadaŋ ka ŋidwe kec lopite ŋolo adauniata ekapolon yok ka ŋulu itopoloorito ŋakiciketa ŋuna ka Akuj yok alimokin iwon, emaikina kitiyae ŋun ikwaŋina elimunitor ekisil.

Esir 10:9

Apotu nai ŋituŋa a Yudaya daadaŋ ka ŋulu a Benjamin tocunakinos Yerusalem alotooma ŋirwa ŋiuni, arae elap ŋolo a ŋikanikaomwon, ŋirwa ke elap a ŋol ŋatomoniarei acununotor ikes Yerusalem. Kiboikinos ŋituŋa daadaŋ neni alapat alokiŋaren Akai ka Akuj, amaranete ikes aŋuna a ŋakiro a ŋuna anyaraunitere ikes ka aŋuna ka akiru a ŋina alal nooi.

Yob 29:14

Abu ayoŋ etiya ŋuna iyookino neni a ŋituŋa ka arae ŋun ŋuna apolok aneni kaŋ lopite ŋolo inapitor elou, abu akiyookino kaŋ kikwaanikin ka anapit ekaaso ka akopiya, ŋinapen ŋulu ka apolou.

Ŋikiru. 11:7

anerae iyookino Ekapolon, elakara iŋes aŋuna a ŋiticisyo a ŋulu iyookino, eyakaun ŋituŋa ŋulu iyookino neni eyai Akuj.

Ŋikiru. 119:120

Emarani akuwan kaŋ aŋuna akakeritor ayoŋ iyoŋ, eketubulito ayoŋ ŋatubonokineta kon.

Ŋikiru. 45:7

Imina iyoŋ ŋuna iyookino ka iŋerit ŋuna aronok, ŋakiro ŋun iŋes abunio Akuj ŋina erae Akuj kon itoseunia iyoŋ, ido ikiinak iyoŋ alakara ŋina iloit ŋina eyakar, erwosit ece.

Ŋikiru. 72:2

Elipit totubonok iŋes ŋituŋa kon anakiyookino, ido kipuka ŋulu a ŋican anakiyookino.

Ŋikiru. 99:1

Erae Ekapolon Erwosit, aŋun emaikina ŋituŋa ekuryaka aŋuna keŋ. Iboi iŋes alokicoloŋ a ŋolo eyai kidiama Ŋisubuna ŋulu a ŋabebenuk, aŋun emaikina akwap emarani aŋuna keŋ.

Ŋakit. 16:12

Erae asiilyo aneni a ŋirwosi akitiya aronis, anerae akiyookino iŋes itogogoŋi apukan.

Ekal. 11:9

Emaikina iyes ŋisorok tolelyana eriŋa irae ŋisorok. Kitiyata daadaŋ ŋuna icamito iyes akitiya ka kiwuapa ŋuna ecamito ŋitai kus. Nai totamunito atemar ikitubokini iyes Akuj anakiro a daadaŋ a ŋuna itiyaete iyes.

Ekal. 12:14

Ikitubokini Akuj iwon anakiro a daadaŋ a ŋuna ikitiyat iwon, kejokak, kori keroko ka anakiro a ŋuna itiyao iwon anakimunono.

Ekal. 5:8

Ani kiŋolik anakibois etiŋitae ŋulu a ŋican erono ka emam atubonokin anakiyookino ka akiwuapit ŋuna iyookino, nyiumok aŋuna a ŋakiro a ŋun, anerae ite ŋini epol ŋuna itiyae ŋini nyepol akilo iŋes ka eyai ice ŋini epol akilo ikes.

Isa. 1:18

Irworo Ekapolon ebala, “Iyes ŋituŋa a Yudaya, potu tokona erworiutu ŋakiro, tari kereŋak ŋasecisya kus puu ikwa ŋaokot, ekwaŋunete ikwa ŋalepan; tari kereŋak ikes ikwa ausi ŋina areŋan-kipurat, ekwaŋunete ikwa ŋajul a amesek a ŋina akwaŋan.

Isa. 1:21

“Okoe aruwor ŋituŋa a etaun a ŋolo sek ekinyoma ŋulu emalaaka! Ayakasi paaran neni keŋ ŋituŋa ŋulu atubete ŋakiro anakiyookino, ayai paaran akiyookino lotuŋa keŋ. Nai tokona aruwor ŋituŋa keŋ ŋikaarak.

Isa. 16:5

eruwor nai ipei a ŋiletok a Daudi erwosit, ipukae iŋes ŋituŋa ka amina a ŋina nyiryaŋiryaŋa, eruwor iŋes erwosit ŋolo ipukat anakiyookino ekepukan ŋolo iwarit akiyookino ŋolo iburiburi atipei akitiya ŋuna iyookino.

Isa. 32:11

Iyes ŋaberu ŋuna iboiyete emam ŋace, tomarana, tomarana, iyes ŋaberu ŋuna idelasi tolacas, toruwor ŋuna ilerete, tonapa ŋiguniyae anacirin kus.

Isa. 41:21

Alimu Ekapolon ebe, “Potu, tolimutu ŋakiro ŋuna idyekanarotor iyes. Alimu erwosit a Yakob ebe, ‘Tolimutu ŋakiro ŋuna isitatar iyes,

Isa. 55:6

Kiwara Ekapolon eriŋa epatana aryamun iŋes, tonyarata iŋes eriŋa eapi,

Isa. 61:8

Alimu Ekapolon ebe, “Amina ayoŋ akiyookino aŋerit ayoŋ ademanar ŋuluce ŋiboro kec ka akitiya ŋuna aronok. Ataci ayoŋ ikes aŋuna a ŋiticisyo kec itemokino, ido ewuakini ayoŋ acamunet ŋina a ŋikaru ka ŋikaru ka ikes.

Isa. 66:2

Ŋakan kaŋ etiyaunete ŋiboro lu daadaŋ, ido erae ŋiboro lu daadaŋ ŋulu kaŋ. Nai ituŋanan ŋini ikoni ne iŋes alakaror ayoŋ: Ituŋanan ŋini itiditeuna bon ŋini ekiit alotau keŋ, ŋini itopoloorit akirot kaŋ.

Yer. 22:3

Alimu Ekapolon atemar kitiyata ŋuna ka akiyookino. Toiutu ŋituŋa daadaŋ ŋulu edemanaritae ŋiboro kec, toiutu ikes anapedor a ŋulu isicanito ikes ka nyitiyata aronis, kori nyiryenyanikis ŋigelaanotin, ŋikokyok ka ŋapuseru, kori nyiar alotaun a lo idiotuŋanan ŋini emam aronis itiyat,

Yer. 23:29

Nyikoni mono akirot kaŋ akim ka nyikoni mono iŋes enyondo ŋolo ebwaŋabwaŋaari ataaba toruwor ŋakanyilinyili a?

Yer. 36:16

Ani iirarete ŋikapolok ŋakiro ŋun daadaŋ, kiŋolikinosi make ebulit temasi neni a Baruk, “Kire jik, emaikina isua olimokisi ŋakiro nu daadaŋ neni a erwosit.”

Esek. 45:9

“Alimu Ekapolon Akuj atemar, okoe ŋikepukak a Isirael, itiyata iyes akisec ŋinapei paaran, toesikisi aryenyeo ka akisicanit ŋuluce, kitiyata ŋuna ajokak ka ŋuna iyookino, tojoŋoto akirisit ŋituŋa kaŋ anakwap kec, ayoŋ Ekapolon Akuj akalimokinit iyes.”

Dan. 12:2

Eyarunete ŋituŋa ŋulu alalak ŋulu alomasi kwap, ŋice eryamunete alakara ŋina ka akiyar a ŋina nyedaun, ŋice eryamunete ŋileec ka ajamuwaro ŋina nyedaun.

Dan. 4:27

Aŋun, okoe erwosit, kiwuap ŋuna akalimok ayoŋ iyoŋ; toŋer ŋasecisya kon, kitiya ŋuna iyookino ka toŋer aronis kon, kitiya irimaana aneni a ŋulu iteryamunitae ŋican. Ani kitiya iyoŋ ŋun, acepaki irubakini iyoŋ itiyae ŋinibore ejok.

Dan. 5:30

Akoloŋit ŋinapei ŋin nakwaare, aponi toarae Balisasar ŋolo arae erwosit a Ŋimedes,

Osea 10:12

Kitiyata aŋuna kus ŋiticisyo ŋulu ka akiyookino, toyakaunotor amina ŋina nyiryaŋiryaŋa. Kikukorikisi ŋimanikorin kus ŋulu idaut iyes akitare, anerae adol apaki ŋina emaikina iyes kiwaryata Ekapolon, ikotere iŋes ebuni ainakin iyes ŋarereŋisyo ŋuna ka akiyookino.

Osea 10:4

Irworosi ikes ŋakiro ŋuna nyitiyakinite, ikoŋete ikes alyokonu, ido tocamunos. Aŋun, alalaar akisitanakin a ŋakiro a ŋunacaryo, lopite ŋolo epetakinor edowan neni itatae.

Osea 7:5

Akoloŋit ŋina enumunumere ŋasuban ŋuna a erwosit, apotu ŋikapolok tomata epiini tomerakinos nooi erwosit daŋ tomerakin nooi, tobaŋaaniyasi kaapei ka ŋulu akyenatar iŋes.

Amos 5:24

Nai, torubakisi itiyaete ŋuna ajokak jwi jwi ka ŋuna iyookino jwi jwi.

Amos 6:12

Epedorete mono ŋaŋolei akiker alomukura a? Epedori mono ituŋanan akitare nanam a? Nai ilocokis iyes akitub ŋakiro anakiyookino, ituruwosi ibore ŋini aaran, ituruwosi iyes akiyookino ibore ŋini nyejok,

Abak. 3:16

Apupi ayoŋ ŋakiro ŋun daadaŋ, ido amarani; emaranete ŋipon kaŋ aŋuna a ekabule a ŋakiro a ŋun. alilimiyosi ŋakoyo anakuwan kaŋ, amarani ayoŋ aneni awuar, edaruni ayoŋ ekililiŋat apaki bu, apaki ŋina isicania Akuj ŋituŋa ŋul ŋulu eketijiete ayoŋ.

Agai 1:2

Ŋakiro nu ikes abu Ekapolon ŋolo Etiron tolimok Agai tema, “Ebasi ŋituŋa lu eriŋa nyedolo apaki ŋina edukokinere Akai ke Ekapolon nabo.”

Mat. 22:5

Nai apotu ŋituŋa ŋul nyemitakis, toloto akitiya ŋikeceticisyo; tolot epei lomanikor keŋ, ŋoloce tolot lodukan keŋ.

Yoa. 16:8

Ani edoluni iŋes, itunupi ŋituŋa ŋulu ka akwap ŋuna ka asecit ka ŋuna ka akiyookino, ta ŋuna ka atubokino.

Ŋitic. 10:42

Abu nai iŋes ikicikaki isua alimonokin Ŋakiro ŋuna Ajokak ka akiteyenun lotuŋa atemar erae iŋes ewuakin aruwor ekatubon a ŋulu eyarete ka ŋulu atwak.

Ŋitic. 17:13

Nai ani iirarete Ŋiyudayan ŋulu alo Tesalonika atemar iserae Paulo ŋakiro ŋuna ka Akuj tari alo Berea, potu ikes neni daŋ, togeut akitutuk ŋituŋa, kisiguryakis.

Ŋitic. 17:2

Ikwaŋina araakar epite a Paulo, abu tolosene losinagoga. Kiyana iŋes ka ŋituŋa a nen ŋirwa ŋuluuni ŋulu arae ŋulu a Sabato, tolimonokini ikes ŋakiro ŋuna igiritae Nakigireta.

Ŋitic. 17:32

Ani iirarete ikes ŋuna ka ayarun alokatwak, tojamuwasi ŋice iŋes; nai temasi ŋice ebe, “Ikicamit isua akiirar iyoŋ irworo ŋakiro ŋun nabo.”

Ŋitic. 2:37

Ani iirarete ŋituŋa ŋakiro ŋun, tonomosi ŋakiro ŋitai kec, tosodo kiŋita Petero ka Ŋikiyakia ŋuluce temasi, “A ŋikaitotoi, ikikokini tokona isua ai?”

Ŋitic. 24:15

Egeno ayoŋ neni ka Akuj, ikwaŋinapei igenotor ikes lu, ebe eyarunete ŋikatwak ŋulu iyookino kaapei ka ŋulu nyiyookino.

Ŋitic. 24:26

Emuit iŋes tari atemar okoinak Paulo ŋisiliŋa; aŋun, kirucuruc iŋes anyaraiyanar Paulo erwor ka iŋes.

Ŋitic. 26:28

Tema Agripa neni a Paulo, “Emam ŋuna alalak ŋuna ebucara anakiro kon akituruwor ayoŋ Ekristoit!”

Ŋitic. 9:6

Nai tokona, tonyou toloma lotaun itolimokin ŋuna itemokino iyoŋ kitiya.”

Ŋirom. 12:1

Aŋun nai, ŋikaitotoi kaŋ, aŋuna ka akisyon a ŋina apolon a ŋina ka Akuj neni yok, ekemaimai ayoŋ iyes: kituruwosi ŋawat kus amuronot ŋina eyari aŋuna ka Akuj, ŋina einakinitae neni keŋ ka ŋina italakarit iŋes. Erae ŋol epite ŋolo itemokino iyes kilipyata.

Ŋirom. 14:12

Isisauni nai ŋinituŋanan alotooma yok ŋakiro keŋ a ilope alokiŋaren Akuj.

Ŋirom. 2:16

Etakanunete ŋun Akoloŋit ŋina ebunio Akuj atubokin ŋituŋa alotooma Yesu Kristo anakiro a ŋuna eya lotai kec, ikwapei iteyenunitotor Ŋakiro ŋuna Ajokak ŋuna alimonokini ayoŋ.

1 Ŋikor. 4:5

Aŋun, nyitubokis idiotuŋanan eriŋa nyedoluno apaki ŋina itemokino, ŋina eboŋunio Ekapolon. Inwakuni Ekapolon ibore daadaŋ ŋini iwuaitae anakiryonut, itatakanuni ŋakiro ŋuna iwuaitae ŋuna a ŋitai a ŋituŋa. Eryamuni nai ŋinituŋanan akipuro ŋina ejoikinit toryamu aneni ka Akuj.

2 Ŋikor. 5:10

Anerae, itemokino iwon daadaŋ owua alokiŋaren Kristo ekatubonokinan yok. Eryamuni nai ŋinituŋanan eropit ŋolo emaikina iŋes toryamu lopite ŋolo itiyator iŋes ejok kori erono alokuwane a lo.

2 Ŋikor. 6:2

Anerae ebala Akuj: “Ani ŋina adolyo apaki ŋina kitoodiunet ajokis kaŋ, abu ekeira iyes; ani ŋina adolyo akoloŋit ŋina akaiunia iyes, abu ayoŋ ekeŋarak iyes.” Kiirasi! Erae tokona na apaki ŋina ryamunet ajokis ŋina ka Akuj, erae tokona na Akoloŋit ŋina ka aiuno!

Ŋigal. 3:22

Nai ebasi Ŋakigireta ebe eyai akwap daadaŋ tooma napedor ŋina ka asecit; ikotere nai einakinio akiikinet ŋina ka Akuj neni a ŋituŋa a ŋulu enupito Yesu Kristo.

Ŋigal. 5:23

akitiditeuna ka akiyokiuno bon. Emam Ŋikisila eremokino ka ŋakiro ŋuna ikote ŋun.

2 Tim. 4:1

Ekeciki ayoŋ iyoŋ alokiŋaren Akuj ka alokiŋaren Yesu Kristo ŋolo etubokini ŋulu eyarete ka ŋulu etwakito ka aŋuna etakanunia iŋes akipuka erae Erwosit:

Tito 1:8

Itemokino iŋes erae ŋolo ijaununui ŋituŋa daadaŋ, tomina ibore ŋini ajokan daadaŋ. Itemokino iŋes erae ŋolo ecayete ŋatameta, ŋolo iyookino, ŋolo itoodiunito ŋipitesyo keŋ atemar iwuapit iŋes ŋakiro ŋuna ka Akuj; torae ŋolo iyokuuno bon.

Ŋibur. 12:21

Kire, ŋuna apotu totakanikis neni kec, arae ŋuna etubulok nooi; aŋun, abu Moses tolimu tema, “Amarani ayoŋ alokabule!”

Ŋibur. 3:13

Nai kiŋaranakinos iyes make ŋapakio daadaŋ eriŋa ikiya napaki ŋina enyaritae, “Nakoloŋit na,” ikotere nyemodik asecit idio kus kitininik ŋatameta.

Ŋibur. 4:1

Nai tokona, adau Akuj ainakin iwon akiikinet keŋ ŋina abu itolimok iwon atemar ieŋunete. Nai aŋuna tokona eriŋaakar akiikinet ŋina ka Akuj ŋina ka alomar nakwap ŋina ka akieŋun keŋ eyai, itemokino ocoikisi, ikotere nyekuruwo ipei daŋ alokidiŋ yok alomar nakieŋun ŋin.

Ŋibur. 6:2

akitatam ŋakiro ŋuna a ŋibatisimui, ŋuna ka akidokonokin ŋakan, ŋuna ka ayarun a ŋikatwak ka ŋuna ka atubokino a ŋina nyedaun.

Ŋibur. 9:27

Etwani ituŋanan daadaŋ atwanet apei, ido ekaku totubok Akuj iŋes.

Yak. 2:19

Inupit iyoŋ atemar erae Akuj apei bon a? Ejok! Enupito tari atasatan daŋ--nabo emaranete tobulite.

1 Pet. 3:15

Nai kipuro Kristo alotai kus ka kitopoloosi iŋes erae Ekapolon. Totenito ŋisaae daadaŋ aboŋokin ŋinituŋanan ikiŋisi iyes alimor akigeno ŋina eyai tooma kus;

2 Pet. 1:6

nayenut kus kiyatakisi atikit etau, natikit etau kiyatakisi atitinyikinit; natitinyikinit kus kiyatakisi eyare ŋolo ecamit Akuj;

1 Yoa. 3:10

Aŋun, ileereunete ŋidwe ŋulu erae ŋulu ka Akuj ka ŋulu erae ŋulu a Satan; ituŋanan daadaŋ ŋini nyitiyae ŋuna iyookino, kori ŋini nyemina lokaato keŋ, nyerae iŋes ikoku ka Akuj.

1 Yoa. 3:7

Ŋidwe kaŋ! Tocoito nyikimodik iyes idiotuŋanan! Ituŋanan ŋini itiyae ŋuna iyookino, iŋes iyookino ikwapei Kristo ŋolo iyookino.

1 Sam. 12:7

Aŋun, nai tokona, totena, anerae alosi ayoŋ akisileerekin iyes ŋakiro alokiŋaren Ekapolon, ido akalimokini ayoŋ iyes ŋaiununuet daadaŋ, ŋuna abu Ekapolon itoiunia iyes ka toiunia atapapaa kus.