Ŋitic. 23:9 - Ebaibul

⁹ Kiyatakin ecelet, tonyout Ŋiketatamak a Ŋikisila ŋice ŋulu arae Ŋiparisayon, kitepega Atukot ka agogoŋu nooi temasi, “Emam ibore ikiryamu isua esecit ekile lo! Acepaki kirworit etau kori emalaika neni keŋ kire!”

Ŋitic. 23:9 Iomraidhean Croise

Ŋakit. 16:7

Ani kitalakasi Ekapolon ŋuna itiyaete ŋituŋa, einakini Ekapolon tari ŋimoe kec akiboikin ka ikes isilito.

Yer. 26:16

Tolimokis nai ŋikapolok ka ŋituŋa daadaŋ ŋisacaradotin ka ŋikadwarak temasi, “Nyemaikina totubokinae ekile lo atwanare, anerae erwor iŋes neni yok alokiro a Ekapolon a Akuj yok.”

Mar. 2:16

Ani iŋolikinete ŋiketatamak a Ŋikisila ŋulu arae Ŋiparisayon Yesu imujete ka ŋikerirak ocur ta ŋikasecak, kiŋita ikes ŋikasyomak temasi, “Kaanukiro imujata iŋes ka ŋikerirak ocur ta ŋikasecak?”

Luk. 23:22

Kiŋit Pilato ikes ŋina kiuniyet tema, “Nyo ibore aronon ŋini itiyat iŋes? Emam asecit ŋina aripu ayoŋ, ŋina itemokino iŋes earere! Aŋun, atemari ayoŋ kibuŋata iŋes, kimyekinae tolot.”

Luk. 23:4

Tolimok Pilato ŋisacaradotin ŋulu apolok ka asepic ŋina a ŋituŋa tema, “Emam ibore ŋini aronon ŋini itiyat ekile lo, ŋini itemokino isitakinere.”

Luk. 5:30

Tosodo Ŋiparisayon ŋice ka ŋiketatamak a Ŋikisila ŋulu arukito ka iŋes, kiŋuruŋurakinos, kiŋita ŋikasyomak a Yesu temasi, “Nyo imujata ka imasyata iyes ka ŋikerirak ocur ta ŋikasecak?”

Yoa. 12:29

Apotu ŋituŋa ŋulu awuasi alodiye keŋ kiirasi etoil, temasi ŋice kori agirokinet, temasi ŋice, “Erwor emalaika neni keŋ!”

Ŋitic. 11:17

Ani nai keinakinit Akuj ikes ainakinet ŋina ikoni ŋina abu ikiinak iwon apaki ŋina anupere Ekapolon Yesu Kristo, karae nai ayoŋ ŋae ekatakini akiretakin Akuj?”

Ŋitic. 22:6

“Ani alosi ayoŋ aapiyari Damasko kidiŋ apaaran, toŋesun atipei anakuj akica ŋina apolon nooi kinuak neni ayai ayoŋ.

Ŋitic. 22:7

Emasakin ayoŋ kwap, eira etoil ebala neni kaŋ, ‘Saulo, Saulo! Kaanukiro ikisicanitor iyoŋ ayoŋ?’

Ŋitic. 23:29

Oryamu atemar emam ibore ŋini kebu iŋes kitiya ŋini etemokino toarere kori kiwuakinere iŋes mabus. Arae ŋakiro ŋuna esitakinitere iŋes ŋuna a ŋikisila kec a ŋilopeyek.

Ŋitic. 23:8

(Anerae ebasi Ŋisadukayon nyeyarunete ŋituŋa alokatwak ka daŋ emameete ŋimalaikan kori ŋitai; nai enupito Ŋiparisayon ŋakiro nu daadaŋ.)

Ŋitic. 25:25

Nai abu ayoŋ oryamu atemar emam ŋakiro itiyat iŋes ŋuna itemokino totubokinere iŋes atwanare. Ikwaŋinapei abunio iŋes elope kiŋitak alosit neni ke ekepukan a Roma, atyaku ayoŋ akiyakiyar iŋes.

Ŋitic. 26:31

torotokis kirworikinos make temasi, “Emam ŋakiro itiyat ekile lo, ŋuna itemokino toarere kori kiwuakinere mabus.”

Ŋitic. 27:23

Anerae bien nakwaare, abu emalaika ŋolo ka Akuj a ŋina arae ayoŋ ŋolo keŋ ka ŋina elipi ayoŋ, bu neni kaŋ,

Ŋitic. 5:39

Nai ani kerae neni ka Akuj eponitotor, nyipedorete iyes akiretakin ikes, acepaki iryamunete atemar itepegete iyes Akuj.” Tocamu Atukot ŋakiro a Gamaliel.

Ŋitic. 9:4

Kimasar iŋes kwap, kiira etoil ebala neni keŋ, “Saulo, Saulo! Kaanukiro ikisicanitor iyoŋ ayoŋ?”

1 Ŋikor. 10:22

Ikicamit mono iwon akitoŋo Ekapolon a? Ikigogoŋ mono iwon akilo Akuj a?

1 Sam. 12:5

Tema Samuel neni a ŋituŋa, “Ekapolon iŋes erae esuuda a ŋakiro kus ka ŋolo aseu Ekapolon iŋes erae esuuda nakoloŋit na, atemar mam ŋakiro ŋuna aronok ŋuna iryamut iyes etiyat ayoŋ.” Temasi nai ŋituŋa, “Ekapolon iŋes erae esuuda.”

1 Sam. 24:17

Tema Saul neni a Daudi, “Irae iyoŋ ŋolo iyookino akilo ayoŋ; anerae itiya iyoŋ ŋuna ajokak neni kaŋ, ido etiya ayoŋ ŋuna aronok neni kon.