Ŋitic. 22:14 - Ebaibul

¹⁴ Tema nai iŋes, ‘Ikiseu iyoŋ Akuj ŋina atapapaa yok ayenun acamit keŋ, aanyun Eketiyan keŋ ŋolo iyookino ka akiirar iŋes irworo a etoil keŋ ke elope.

Ŋitic. 22:14 Iomraidhean Croise

2 Ŋirw. 21:22

Abu iŋes toŋer Ekapolon, Akuj ŋina atapapaa keŋ, toesik akiwuapit ŋakiro keŋ.

1 Ŋakiro a ŋirwa 12:17

Tolot Daudi kisiryam ikes tema, “Ani kiponito iyes neni kaŋ ke ekisil, akiŋarakin ayoŋ, ekejauni ayoŋ iyes emorikinos ka ayoŋ. Nai ani kiponito iyes arikor ayoŋ neni a ŋimoe kaŋ, tomam aronis etiyat ayoŋ, elipi ayoŋ Akuj ŋina atapapaa yok kiŋolik ŋun, ido itotubok iyes.”

1 Ŋakiro a ŋirwa 29:18

Okoe Ekapolon Akuj atapapaa kosi: Aburaam ka Isaka ta Isirael, kiturubak acamit na alotai a ŋituŋa kon ŋikaru ka ŋikaru, kiturubak ŋitai kec ikitopoloorito iyoŋ.

2 Ŋakiro a ŋirwa 28:25

Abu Aas todukonok lotaunio a Yudaya daadaŋ ŋakiboisyo ŋunamukur aŋuna ka ainanakinia ŋainakineta neni a ŋakujo a ŋace, ido apotu ŋakiro ŋun kitoŋoa Ekapolon Akuj atapapaa keŋ.

2 Ŋakiro a ŋirwa 30:19

ŋulu einakinosi alotai kec akiwarit ŋuna ka Akuj Ekapolon a ŋina erae Akuj atapapaa kec, tari daŋ pa kitaleuno ikes lopite ŋolo elimunitotor ŋikisila ŋulu ka akibois a ŋina asegan.”

Esir 7:27

Kipuroe Ekapolon, Akuj atapapaa yok, ŋina ewuakini ŋakiro ŋuna ikote ŋun lotau a erwosit, ikotere itopolooryo Akai ka Akuj alo Yerusalem,

Awos. 15:2

Ekapolon iŋes erae agogoŋu kaŋ ka apedor kaŋ. Ekapolon iŋes erae aiuno kaŋ. Erae iŋes Akuj kaŋ epuri ayoŋ iŋes, erae iŋes Akuj a papa kaŋ, etopoloori ayoŋ iŋes.

Yer. 1:5

“Eriŋa ayoŋ nyeyeuna iyoŋ anakook a toto kon, akayeni ayoŋ iyoŋ, ani eriŋa nyidouno iyoŋ, aris ayoŋ keketaleiyo iyoŋ, abu ayoŋ eketuruwo iyoŋ ekadwaran aneni a ŋituŋa a ŋakwapin.”

Dan. 2:23

Neni kon okoe Akuj atapapaa kaŋ ainakini ayoŋ alakara ka akipuro, ikiinak iyoŋ ayoŋ aosou ka apedor, ikisileerek tokona iyoŋ ayoŋ ŋuna sek ikiŋisit isua iyoŋ, anerae ikisileerek iyoŋ isua ŋuna ecamit erwosit ayenun.”

Yoa. 15:16

Nyeseuna iyes ayoŋ; nai akaseu ka akatyaku ayoŋ iyes, toloto toraa ŋaraito ŋuna alalak ŋuna nyedaun, ikotere ani ŋinibore daadaŋ iŋitasi aneni a Papa alokiro kaŋ, ikiinakini.

Ŋitic. 13:17

Abu Akuj ŋina a ŋituŋa a lu a Ŋisirael toseu atapapaa yok, kipitu ikes apaki ŋina ayakatar Ijipit. Anapedor keŋ a ŋina apolon, abu yau ikes alo Ijipit.

Ŋitic. 22:15

Anerae iruwor iyoŋ esuuda keŋ alotooma alimokin ŋituŋa daadaŋ ŋuna ianyu iyoŋ ka ŋuna iira.

Ŋitic. 22:18

oanyuwa Ekapolon ebala, ‘Kiburuburak atipei arotokin alo Yerusalem, anerae nyecamunete ŋituŋa a ne akisuuda kon aŋuna kaŋ.’

Ŋitic. 24:14

Nai acamunit ayoŋ ŋakiro nu alokiŋaren kon: elipi ayoŋ Akuj atapapaa kosi, anakiwuapit erot ŋolo ke Ekapolon a Ŋikristo, ŋolo ebasi ikes erae alyokonu. Tari kikote nen, anupit ayoŋ ŋakiro daadaŋ ŋuna igiritae tooma Ŋikisila a Moses ka lokitaaboi ŋulu a ŋikadwarak.

Ŋitic. 26:16

Nai tonyou, towo. Anerae atakanu ayoŋ neni kon, akaseuni iyoŋ aruwor eketiyan kaŋ, akiteyenikin ŋituŋa ŋakiro ŋuna iŋolik iyoŋ nakoloŋit na ka ŋuna akalimokini ayoŋ iyoŋ moi alokiŋaren.

Ŋitic. 5:30

Abu Akuj atapapaa yok kiteyaru Yesu, ŋolo ipotu iyes kibubukis lomusalaba, toara.

Ŋitic. 7:52

Eyai mono ekadwaran epei daŋ ŋolo apotu atapapaa kus nyisicana a? Apotu ikes toara tari ŋulu adwarete abunore ŋina a ŋolo Iyookino, a ŋolo tokona idaut iyes alukin ka akiar.

Ŋitic. 9:15

Nai tolimok Ekapolon Anania tema, “Tolot, anerae erae iŋes eketiyan kaŋ ŋoloseuna, ŋolo iteyenuni ekiro kaŋ lobukui ŋulu nyerae Ŋiyudayan ka lorwosi kec ta lotuŋa ŋulu a Isirael.

Ŋitic. 9:17

Torotok nai Anania, toloma kai. Kidokok ŋakan neni keŋ tema, “Lokaato Saulo, ekeyakuu ayoŋ Ekapolon Yesu, ŋolo abu totakanu neni kon alorot apaki ŋina ibunio iyoŋ. ekeyakuu iŋes ayoŋ, ikotere tokienyu iyoŋ nabo, ikilelebikin Etau ŋolo Asegan.”

Ŋirom. 1:1

Ayoŋ Paulo, eketiyan a Yesu Kristo, egirit abaruwa na. Akanyarau Akuj ayoŋ aruwor ekiyakia ka akaseu aruwor ekalimonokinan Ŋakiro keŋ ŋuna Ajokak.

1 Ŋikor. 11:23

Anerae abu ayoŋ ejau aneni ke Ekapolon ŋakiro nu ŋuna adau ayoŋ akikobakin iyes. Abu Ekapolon Yesu ataboŋ ŋina alukinere, tolemu amugati,

1 Ŋikor. 15:3

Abu ayoŋ mono ekobu neni kus ŋakiro ŋuna apolok, ŋuna abu ayoŋ ejau: Abu Kristo totwan aŋuna a ŋasecisya yok, ikwaŋina igiritere Nakigireta.

1 Ŋikor. 15:8

Ekaku a daadaŋ, abu eketoodikin ayoŋ daŋ, tari kekoni ayoŋ ituŋanan ŋini ikirikiriunitae akidoun.

1 Ŋikor. 9:1

Nyayakar mono ayoŋ apedor akitiya ŋuna acamit a? Meere mono ayoŋ ekiyakia a? Nyeŋolikinit mono ayoŋ Yesu Ekapolon yok a? Meere mono iyes ŋulu ipotu tonupa anakitatam kaŋ ŋakiro ŋuna ke Ekapolon a?

2 Ŋikor. 5:21

Amam asecit aneni a Kristo, nai abu Akuj kituruwo iŋes asecit aŋuna yok, ikotere nai iwon alotooma keŋ oruworos ŋulu ikiyookino aneni ka Akuj.

Ŋigal. 1:12

Pa aryamuni ayoŋ ikes aneni a idiotuŋanan kori pa abu idiotuŋanan eketatamik ayoŋ ŋakiro ŋun. Arae Yesu Kristo elope iŋes abu totakanu neni kaŋ, eketeyenik ayoŋ ŋakiro ŋun.

Ŋigal. 1:15

Nai abu Akuj tolakar okoseu ayoŋ eriŋa tari nyidouno, okonyar ayoŋ anajokis keŋ akitiyanakin iŋes. Abu iŋes eketoodik ayoŋ Lokoku keŋ, ikotere olimonok Ŋakiro ŋuna Ajokak ŋuna ikamunito iŋes lotuŋa ŋulu nyerae Ŋiyudayan. Apaki ŋina atakanuniata ŋun, abu ayoŋ nyecanican apaki alosit neni a idiotuŋanan aryamun ŋakiro ŋuna eŋarakinak;

2 Tim. 1:1

Ayoŋ Paulo ekiyakia a Yesu Kristo, aŋuna ka acamit a ŋina ka Akuj, ŋolo ekeyakitae akisera akiyar ŋina ikimori iwon anakimorikina ka Kristo, ŋina abu Akuj ikiik iwon

Tito 1:1

Ayoŋ Paulo eketiyan ŋolo ka Akuj ka ekiyakia ŋolo a Yesu Kristo egirit abaruwa na. Abu Akuj okoseu ayoŋ, ekeyakia daŋ akiŋarakin ka akitogogoŋ anupit a ŋituŋa keŋ a ŋulu seuna ka akirik ikes toyenut ejok ŋakiro ŋuna a kire ŋuna eyenuniata ikes akerit Akuj ejok;

1 Pet. 2:22

Nyeseca iŋes ka emam ituŋanan ipei daŋ ŋini abu kiira elimuni iŋes alyokonu.

1 Yoa. 2:1

Ŋidwe kaŋ, ekegirakinit ayoŋ iyes ŋakiro nu, ikotere nyiseceta; nai ani kesec idiotuŋanan, ikiyakatar iwon ekesirworikinan ka Akuj Papa, iŋes Yesu Kristo ŋolo iyookino.