Ŋitic. 21:9 - Ebaibul

⁹ Ayakar iŋes ŋidwe keŋ ŋulupesur ŋiomwon ŋulu arae ŋikadwarak.

Ŋitic. 21:9 Iomraidhean Croise

2 Ŋirw. 22:14

Apotu Ilikia ka Aikam ka Acibor ta Sapan kaapei ka Asaia toloto aanyun aberu ŋina anyaritae Ulida ŋina arae akadwaran, torae aberu a Sulam alokoku a Tikiba a ŋolo arae lokoku ka Arias a ŋolo edarit akabati a ŋilowi a ŋulu elipere. Eboi iŋes alo Yerusalem anatutubet a ŋina a ŋaarei alotooma ŋaomwon a akwap a Yudaya, aneni aloseneneete ŋituŋa aanyun iŋes.

Neem. 6:14

Okoe Akuj kaŋ, toyeni Tobia ka Sanibalat, alotooma ŋakiro nu ŋuna etiyata ikes ka akadwaran Noadia daŋ ka ŋikadwarak ŋuluce daadaŋ ŋulu acamito akitubul ayoŋ.

Awos. 15:20

Tolemu nai nakaato ka Aron ŋina arae akadwaran, ŋina anyaritae Miriam ebur, kiwuapakis ŋaberu daadaŋ iŋes etiŋito ŋiburin kidoŋaete.

Esek. 13:17

“Nai iyoŋ lokoku a ituŋanan, kitoronia ŋaberu ŋuna erae ŋidwe a ŋituŋa kon, ŋaberu ŋuna edwarete ŋakiro ŋuna etamete ikes ŋakulepek. Todwar ŋakiro ŋuna itoroniaritor iyoŋ ikes.

Yoel 2:28

“Ekaku, eyakikini ayoŋ Etau kaŋ lotuŋa daadaŋ. Edwarete ŋikusidwe ŋulusapa ka ŋulupesur, irujaete ŋikasikou kus, ka eanyunete ŋikusisorok ŋatakanikineta.

Luk. 2:36

Ayai akadwaran ŋina anyaritae Ana, nakoku a Panuel a ŋolo ka ateker a ŋina ka Aser. Amojoŋit iŋes nooi. Kiboito iŋes ka lokile keŋ ŋikaru ŋikanikaarei bon ameun ŋina eisere iŋes.

Ŋitic. 13:1

Ayakasi ŋikadwarak ka ŋiketatamak neni a Ŋikristo a ŋulu alo Antiokio. Araakasi ikes Baranaba ka Simeon ŋolo arae Niger (iŋes atemar ŋolokiryonon), Lukio ŋolo abunit alo Kurene, Manaen ŋolo kepolounete kaapei ka erwosit Erode ta Saulo.

Ŋitic. 2:17

‘Ebala Akuj, etiyakini ayoŋ nu alorwa a ŋulu esidyok; eyakikini ayoŋ Etau kaŋ lotuŋa daadaŋ. Edwarete ŋikusidwe ŋulusapa ka ŋulupesur, eanyunete ŋikusisorok ŋatakanikineta ka irujaete ŋikasikou kus.

1 Ŋikor. 7:38

Aŋun, ekile ŋolo iitari apese ŋina iikina akiito ka iŋes, itiyae ŋuna ajokak; nai ekile ŋolo nyiitari, itiyae ŋuna ajokak nooi.

Akis. 2:20

Nai eketoroniyarit ayoŋ iyoŋ a ŋakiro a nu: “Icamakinit iyoŋ aberu ŋina enyaritae Yesabel, ŋina ebala ebe arae iŋes akadwaran. Anakitatam keŋ, ecocoiya ŋiketiyak kaŋ, aya akitiya amalao ka akinyam ŋamuja ŋuna einakinitae ŋakujo ŋace.

Ŋikat. 4:4

Apaki ŋin arae akadwaran Debora aberu ka Lapidos akatubon ŋakiro alo Isirael.