Ŋitic. 21:3 - Ebaibul

³ Poni isua neni atakania Kupuro, tomanae alowae a ŋolo alo Kwap, tolotoi nakwap ŋina anyaritae Siria. Todokunae alotaun Tiro, anerae arae nen aai ameeli ŋiboro ŋulu ewuokit.

Ŋitic. 21:3 Iomraidhean Croise

2 Sam. 8:6

Kisiboik nai Daudi ŋasigarya keŋ Damasko, nakwap a Ŋiarameani; ido apotu Ŋiarameani toruworos ŋulu epukat Daudi, kisyakis akitac ocur neni a Daudi. Abu Ekapolon inak Daudi akilounun ŋimoe keŋ aneni daadaŋ abunio iŋes kitijikinio ikes.

Ŋikiru. 45:12

Iwarete ŋituŋa a Tiro ajokis kon, yaut neni kon ŋainakineta; iwarete ŋikabarak anakwap ajokyar aneni kon.

Ŋikiru. 87:4

Alotooma ŋulu akayenete ayoŋ, emaruni ŋituŋa a ŋakwapin a nu: Ijipit ka Babilon; Pilistia daŋ ka Tiro kaapei ka Esiopia; ido etemarete ŋituŋa, “Keurunio ŋituŋa a ŋakwapin a ŋun alo Sion.”

Isa. 7:2

Ani iirarete ŋituŋa a Daudi atemar ariwo Aram ka Epuraim, tomaranikis Aas ka ŋituŋa keŋ daadaŋ lopite ŋolo emaranikiniata ŋikito anamoni apaki ŋina ekutunia ekuwuam.

Mat. 11:21

“Ekaŋ iyoŋ Korasin! Ekaŋ iyoŋ Betesaida! Anerae kerae koloŋ kitiyatetei ŋakujuwuanisya ŋuna etiyakin aneni kus alo Tiro ka Sidon, kekiito ikes koloŋ sek, tonapa ŋilowi ŋulu koris, ido kiwosakinos ekuron, kitoodiuniata atemar akiwua ikes ŋasecisya.

Mat. 4:24

Tokeikin ŋakiro keŋ nakwap a Siria daadaŋ. Yaut ŋituŋa neni keŋ ŋikadyakak daadaŋ ŋulu adyakasi ŋidekesyo ŋulu agelegelya: ŋulu ekamunito ŋipyan, ŋulu erakanarosi ka ŋulu aŋwalak, kitaŋaleu Yesu ikes daadaŋ.

Luk. 10:13

“Ekaŋ iyoŋ Korasin! Ekaŋ iyoŋ Betesaida! Anerae kerae koloŋ kitiyatetei ŋakujuwuanisya ŋuna etiyakin aneni kus alo Tiro ka Sidon, kekiito ikes koloŋ sek, tonapa ŋilowi ŋulu koris, ido kiwosakinos ekuron, kitoodiuniata atemar akiwua ikes ŋasecisya!

Luk. 2:2

Arae ŋin akigiro ŋina esyaunan ŋirwa ŋulu araakar Kurino ekepukan ŋolo a Siria.

Ŋitic. 11:19

Toloto ŋikanupak ŋulu aponi kielarae aŋuna ka akisicanio a ŋina atakanuni kelunyar atwanare a Stepano, todolo Poenikia, Kupuro ka Antiokio. Kitatama ikes Ŋakiro ŋuna Ajokak neni a Ŋiyudayan make.

Ŋitic. 12:20

Aŋoikinit Erode ŋituŋa ŋulu a Tiro ka Sidon. Potu nai ŋituŋa ŋul kaapei neni keŋ. Ani kedaut ikes akitacamun Blasto ŋolo arae eketiyan ke Erode, ŋolo ekinyomitae ŋakiro kec, kiŋita ikes Erode akisil ka ikes; anerae arae nakwap ŋina epukat Erode aryamununuya akwap kec akimuj.

Ŋitic. 13:4

Aŋun, kedau Etau ŋolo Asegan akiyak Baranaba ka Saulo, toloto ikes Seleukia; a nen, todoka ameeli toloto loculat ŋolo enyaritae Kupuro.

Ŋitic. 15:23

Inakinae ikes akiya abaruwa ŋina abala ne: “Isua Ŋikiyakia ka ŋikatukok ŋulu ikirae ŋikaitotoi kus, ikimalat iyes ŋikanupak daadaŋ ŋulu nyirae Ŋiyudayan ŋulu iyakasi Antiokio, Siria ka Cilicia.

Ŋitic. 15:39

Tolomu ebura ŋolo amwanan, totyakas ikes. Ya Baranaba Mariko, toloto ka ameeli tari loculat Kupuro;

Ŋitic. 15:41

Kirimo iŋes Siria ka Cilicia, kitogogoŋ ŋatukon ŋuna a ŋikanupak.

Ŋitic. 18:18

Kiboiyoto Paulo ka ŋikanupak alo Korinto ŋirwa ŋulu alalak. Ani ekaku, totyakas ka ikes, torukosi iŋes ka Prisila ta Akwila, todoka ameeli, toloto Siria. Ani eriŋa Paulo nyeloto alo Kenikerea, totub ŋitim keŋ aŋuna ka akikoŋ a ŋina abu iŋes kikoŋ neni ka Akuj.

Ŋitic. 21:16

Aponi isua torukoroe ka ŋikasyomak ŋice daŋ, ŋulu aponito alo Kaisaria. Arukito ikes ka ekile ŋolo alosyo isua akiboi kai keŋ alo Yerusalem. Arae iŋes Minason ŋolo alo Kupuro, ŋolo aberakin nooi aruwor ekanupan a Yesu.

Ŋitic. 21:2

Toryamunae aina ameeli ŋina alosi Poenikia; aŋun, todokae ameeli ŋin, torotokinoe.

Ŋitic. 21:7

Torubakinae isua elosyo ka ameeli tari Tolemais, neni emalaere isua ŋikanupak ŋulu a nen, kiboi ka ikes akoloŋit apei.

Ŋitic. 27:4

Kipororoe isua a nen, tolotoi ikiteriboorit ekipetot ŋolo ke eculat a Kupuro, anerae ikibukinit ekuwuam isua.

Ŋitic. 4:36

Ayai daŋ ekile ŋolo anyaritae Yosepu ŋolo anateker a Lepi ŋolo edounitoe alo Kupuro. Anyarito Ŋikiyakia iŋes Baranaba (iŋes atemar “Ŋolo esimukekinan”)

Ŋikat. 10:6

Apotu nabo Ŋisirael kitiyata ŋuna aronok alokiŋaren Ekapolon, toloto akilipenen neni ata Baal ka Asitares, neni a ŋakujo ka Aram, a ŋakujo a Sidon, a ŋakujo a Moab, a ŋakujo a Ŋiamoni ka a ŋakujo a Ŋipilistin. Aŋun, apotu ikes toŋero Ekapolon ka tojoŋoto akilipenen neni keŋ.