Ŋitic. 21:24 - Ebaibul

²⁴ Torukosi ka ikes lotal ŋolo ka akiteseguno ikwaŋina icikakinitotor Ŋikisila; ido totac egyelit a ŋinibore iitanio aŋuna kec, ikotere epedoryata ikes akibany ŋakyes kec. Alopite a ŋol eyenunete ŋituŋa daadaŋ atemar emam ibore iyookino anakiro a ŋuna kelimonokin ikes aŋuna kon, nai eyenunete atemar iwuapit iyoŋ Ŋikisila a Moses.

Ŋitic. 21:24 Iomraidhean Croise

Yob 1:5

Ani elunyar ŋirwa ŋulu a ŋasuban, anyaraenene Yob ŋidwe keŋ akitaleun; taparacu sek, inak Akuj ŋainakineta ŋuna epeyo, ŋainakineta ŋuna erae ekimar a ŋidwe keŋ a daadaŋ, anerae abu Yob tema, “Acepaki aseca ŋidwe kaŋ, ecieno Akuj alotai kec.” Erae ŋun ŋuna etiyaenene Yob a ŋinakoloŋit.

Yob 41:25

Ani enyouni iŋes, emini akuryanu neni a ŋiketirok, ani kenyunyuruun iŋes, eemete ŋiketirok.

Awos. 19:10

tema Ekapolon neni a Moses, “Ape neni a ŋituŋa kitaleu ikes nakoloŋit na ka moi taparacu. Tolimok ikes kilotasi ŋilowi kec,

Awos. 19:14

Abu nai Moses totiyaiyar alomoru, tolot neni aya ŋituŋa kitaleu ikes, ido kilotasi ŋilowi kec.

Ekim. 6:13

“‘Erae ŋol ekisil aŋuna a Ŋinasari, ani edaun ŋirwa ŋulu italeoritere ikes aŋuna ka akitiyanakin Ekapolon, emaikina yaunae ikes lopuke ŋolo ke eema a ŋolokilipet,

Ekim. 6:18

Etubori nai ituŋanan ŋini sek etaleoritae aŋuna ka akitiyanakin Ekapolon ŋitim keŋ alopuke a eema a ŋolokilipet, tolemu ŋitim keŋ ŋulu atubuni anakou keŋ, kiwuak nakim kwap ibarasit ŋini erae amuronot ŋina ke ekisil.

Ekim. 6:5

“‘Ŋirwa daadaŋ ŋulu eraakatar ikes Ŋinasari ŋulu ikoŋito aŋuna ka akitiyanakin Ekapolon, nyemaikina ikes totubo ŋitim kec, emaikina ikes kipinya ŋitim kec kimyekis tooyata akitodol apaki ŋina edaunotor ŋirwa ŋulu ikoŋitotor ikes araakau Ŋinasari, emaikina ikes erae ŋulu esegak.

Ekim. 6:9

“‘Ani ketwana ituŋanan atipei aneni eyai ituŋanan ŋini italeoritae aŋuna ka akitiyanakin Ekapolon, emaikina totuboroe ŋitim keŋ akoloŋit ŋina italeunere iŋes, edolete ŋirwa ŋikanikaarei.

Yoa. 11:55

Aapuunito ŋasuban ŋuna a Paska. Aponito Yerusalem ŋituŋa ŋulu alalak alorerya akiteseguno, ikwapei icikakinitotor Ŋikisila, eriŋa nyedolo Paska.

Yoa. 3:25

Apeipaki tolomu epeget alokidiŋ ŋikasyomak a Yoana ka e Yudayat ece aŋakiro a ŋuna atapito akitesegun ŋawat, ikwa icikakinitotor Ŋikisila.

Ŋitic. 18:18

Kiboiyoto Paulo ka ŋikanupak alo Korinto ŋirwa ŋulu alalak. Ani ekaku, totyakas ka ikes, torukosi iŋes ka Prisila ta Akwila, todoka ameeli, toloto Siria. Ani eriŋa Paulo nyeloto alo Kenikerea, totub ŋitim keŋ aŋuna ka akikoŋ a ŋina abu iŋes kikoŋ neni ka Akuj.

Ŋitic. 21:26

Torukosi nai Paulo ka ŋikilyok ŋul, ani taparacu keŋ, kitiyata kaapei etal ŋolo ka akiteseguno. Tolot nai iŋes Kai ka Akuj, tolimok ŋisacaradotin apaki ŋina adaunor etal ŋolo ka akiteseguno a ŋawat kec, ŋina earere amuronot aŋuna a ŋinituŋanan alokidiŋ kec.

Ŋitic. 24:18

Arae apaki ŋina etiyaa ayoŋ ŋun iŋes akaryamuniata Ŋiyudayan ŋice ŋulu alo Asia ayoŋ alo Kai ka Akuj, kerikak etal ŋolo ka akiteseguno, ikwaŋina icikakinitotor Ŋikisila kosi. Amam asepic ikirukitor ayoŋ ka amam aruruma.

1 Ŋikor. 9:20

Ani ikiruki ayoŋ ka Ŋiyudayan ekoni Eyudayat, ikotere onyaraunia ikes neni a Kristo. Ani ikiruki ka ŋulu iwuapito Ŋikisila a Moses, ekoni ŋulu iwuapito Ŋikisila a Moses--tari pa kekepukato Ŋikisila a Moses ayoŋ, ikotere onyaraunia ikes neni a Kristo.

Ŋigal. 2:12

Ani eriŋa ŋikilyok ŋice ŋulu kiyakiyarit Yakobo nyedolo Antiokio, kimujete sek Petero ka ŋituŋa ŋulu pa arae Ŋiyudayan. Nai ani edolete ŋikilyok ŋul nen, totyakari Petero nyecamu akimuj ka ŋituŋa ŋulu pa arae Ŋiyudayan, anerae akuryanit iŋes aŋuna a ŋituŋa a ŋulu acamito ŋikanupak ŋulu nyerae Ŋiyudayan kileŋerae.

Ŋikat. 13:5

anerae ipotiuni iyoŋ ka idouni ikoku ŋinisapat. Emam ebanyet emaikina totap akou keŋ, anerae eruwor Enasarait, edya ŋolo italeoritae aŋuna ka akitiyanakin Akuj ameun anakidouno keŋ. Iŋes ebuni ageikin alakun Ŋisirael anapedor a Ŋipilistin.”