Ŋitic. 20:7 - Ebaibul

⁷ Akoloŋit ŋina ke Esabit, apaki ŋina ikiyakar isua iwapei akinumunum Akimuj ŋina ke Ekapolon, abu Paulo kirwor neni a ŋikanupak a ŋulu a nen akitodol kidiŋ akuwar, aŋuna arotokinitor iŋes taparacu keŋ.

Ŋitic. 20:7 Iomraidhean Croise

Neem. 8:3

Abu Esira tosyom ekitaabo ŋolo a ŋikisila iteorit nalapatu ŋina ayai kiŋaren epuke ŋolo a Ŋakipi, tosyom iŋes ekitaabo ŋol ameun taparacu akitodol kidiŋ apaaran, tosyom alokiŋaren ŋikilyok, ŋaberu ka ŋituŋa daadaŋ ŋulu apedorito ayenun ŋakiro, apotu ŋituŋa daadaŋ topupokis ekililiŋat esyomyo ekitaabo ŋolo a ŋikisila.

Neem. 9:3

Towua ikes anakiboisyo kec, ido yaasi ŋisaae ŋiuni esyomete ŋakiro alokitaabo a ŋolo a ŋikisila a Ekapolon a Akuj kec, tosodo nabo alotooma ŋisaae ŋiuni tolimonosi ŋasecisya kec ka kilipa neni ke Ekapolon a Akuj kec.

Mar. 16:9

Ani keyaru Yesu taparacu akoloŋit ŋina ke Esabit, totakanu iŋes neni a Maria Magadalena ŋina eritari iŋes ŋipyan ŋikanikaarei aneni keŋ.

Luk. 22:19

Tosodi tolemu amugati, tolakar neni ka Akuj, tonyilinyili, inak ikes tema, [“Erae naga akaakuwan ŋina ejalyo ikotere iyes. Kitiyaete ikona ikiitunitotor ayoŋ.”

Luk. 24:35

Kitatamikis ŋikewuapak ŋuluarei ŋul ikes ŋakiro ŋuna atakanikinito ikes alorot ka epite ŋolo ayeniata ikes Ekapolon apaki ŋina anyilinyiliya iŋes amugati.

Yoa. 20:1

Ani taparacu eriŋa akwap iryono, akoloŋit ŋina ke Esabit, tolot Maria Magadalena nalyal. Ani edoli inaa, kiŋolik amoru ŋina agolitere aturukan kelemar nawae alopuke.

Yoa. 20:19

Ataboŋ ŋinapei ŋin, ŋina ke Esabit, atukokina ŋikasyomak a Yesu tooma akai ŋina agolitoe ŋipukei, anerae akuryakito ikes aŋuna a ŋikarikok a Ŋiyudayan. Abu Yesu towo alokidiŋ kec tolimok ikes tema, “Toyai ekisil neni kus.”

Yoa. 20:26

Kelunyar esabit epei, eboiyete ŋikasyomak nabo kaapei, torukito ka Tomas daŋ alokai a ŋina agolol ŋipukei. Totakanu Yesu neni kec tema, “Toyai ekisil neni kus.”

Ŋitic. 16:10

Ani keanyuwa Paulo atakanikinet ŋin, kiitanae isua atipei alosit Makedonia, anerae ikipotu oyenutu atemar kikinyar Akuj isua alimonokin Ŋakiro ŋuna Ajokak neni kec.

Ŋitic. 2:42

Torubakis ikes daadaŋ epupete ŋakiro ŋuna etatamete Ŋikiyakia, togeut ikes alosenen natukot ŋina a ŋikanupak akimuj kaapei ka akinumunum Akimuj ŋina ke Ekapolon ta akilipenen.

Ŋitic. 2:46

A ŋinakoloŋit, apotu ikes torubakis iryamunun kaapei Kai ka Akuj, akimuj kaapei ka akinumunum Akimuj ŋina ke Ekapolon alorerya kec. Amorete ikes akimuj ka alelyan ka arimao;

Ŋitic. 20:11

Toboŋo iŋes kidiama kai, tokorak Akimuj ŋina ke Ekapolon kimuja kaapei. Kirworo iŋes ka ikes ekaoyan akitodol nakipiripirunet akoloŋ, ido torotok.

Ŋitic. 20:31

Aŋun nai, totenito totamunito atemar tari anapakio a ŋuna egworor ayoŋ, abu ekesimukek iyes daadaŋ akuwar ka apaaran, tolunyar ŋikaru ŋiuni.

Ŋitic. 20:5

Toberaros ikes kiŋaren ikidarut isua alo Toroas.

Ŋitic. 20:9

Eboi esorokit ŋolo anyaritae Eutiko alodirisa; ikwaŋina arubakinitor Paulo irworo, kilurakin nooi Eutiko akitodol neni ajotooror. Kimasun kwap alodirisa a ŋolo anagule a ŋina ayai kidiama ŋunaarei. Toryamunae iŋes etwanit.

Ŋitic. 28:23

Aŋun, totubut ikes akoloŋit ŋina iryamunotor ka Paulo. Akoloŋit ŋin, potu ikes elalak neni eboiyo Paulo. Ŋinapei taparacu akitodol eboŋ, kiteyenik ka kisileerek daŋ iŋes ikes ŋakiro ŋuna ka Apukan ka Akuj. Alorwor keŋ ŋakiro ŋuna a Ŋikisila a Moses ka ŋakigireta ŋuna a ŋikadwarak, abu kikatak akitacamun ikes ŋakiro ŋuna a Yesu.

1 Ŋikor. 10:16

Ekopo ŋolo isitiyao iwon Anakimuj a ŋina ke Ekapolon--ekopo ŋolo ikilakanaror iwon neni ka Akuj--apaki ŋina ikimasya erae ŋolo ikimorya iwon ŋaokot a Kristo. Amugati daŋ ŋina ikinyilinyili iwon apaki ŋina enyamere, erae ŋina ikimorya iwon akuwan a Kristo.

1 Ŋikor. 15:10

Nai aŋuna ka ajokis a ŋina ka Akuj, arae ayoŋ tokona ekiyakia ka nyeruworo ajokis ŋina abu iŋes okoinak ayoŋ akoŋinait. Akilo, etiya ayoŋ nooi adepar Ŋikiyakia ŋuluce daadaŋ, tari pa kerae agogoŋu kaŋ a elope etiyae, nai ajokis ŋina ka Akuj ŋina eyai neni kaŋ.

1 Ŋikor. 16:2

A ŋinakoloŋit a Esabit, itemokino ŋinituŋanan kus toseta nawae ŋisiliŋa ŋidi lotyae ŋolo ke ebari keŋ, kidiatakinos, ikotere ani abuni ayoŋ, nyecuni nabo ŋice.

2 Tim. 4:2

kisera Ŋakiro ŋuna ka Akuj, torubak iserae ikes anapaki a ŋina itemokino, kori nyitemokino, kitepeg ŋuna edyakara, kikilyak ka kimaima apaki ŋina itatamya alotooma atitinyikinit daadaŋ.

Akis. 1:10

Anakoloŋit a ŋina ke Ekapolon, abu apedor ŋina ke Etau a ŋolo Asegan min neni kaŋ, abu eira etoil alokaku kaŋ ŋolo ereta ikwa arupepe.