Ŋitic. 20:30 - Ebaibul

³⁰ Ebuni apaki ŋina elomuniata tari alokidiŋ kus ŋikalyokonok ŋice ecamito atemar kiwuapakis ŋikanupak ikes.

Ŋitic. 20:30 Iomraidhean Croise

Ŋakit. 19:1

Ejok araakau ŋini ijok ŋini irworo ŋuna a kire, akilo araakau ŋini ibaŋaana ŋini irworo alyokonu.

Ŋakit. 23:33

Igeuni iyoŋ akitere ŋiboorei ŋulu egelaaka, ido eyakaun natameta kon ŋitorubei ŋulu ikisibilerete.

Isa. 59:3

Nyesegak ŋakan kus, anerae iara iyes ŋituŋa, itiyaete iyes asecit a ŋimoyo kus ka irworosi iyes ŋuna ka alyokonu, ileleba ŋakiro ŋuna aronok naŋajepa kus.

Dan. 11:34

Apaki ŋina earere ikes, eryamunete ikes akiŋarakinet adio cici ido epote ŋulu alalak akimorikin ka ikes emodiuna,

Mat. 23:15

“Ekaŋ iyes, ŋiketatamak a Ŋikisila ka Ŋiparisayon! Ŋikaŋisoswae! Idokete iyes ŋanamyo kirimo nakwapin ŋuna alalak aŋuna ka aryamun ipeituŋanan bon ŋini eruwor ekewuapan kus. Ani ikiwuapakini ituŋanan ŋin iyes, kituruwosi iŋes ŋini aronon nooi, ŋini elosi nakim ŋina nyeduŋe, kilo akeeronis tari ŋina kus.

Ŋitic. 11:26

Ani eryamuni, yau iŋes Antiokio. Yaasi ikes ekaru daadaŋ iryamiryameneneete ka ŋikanupak, kitatama daŋ ŋituŋa ŋulu alalak. Arae Antiokio esyakinere anyarare ŋikasyomak atemar Ŋikristo.

Ŋitic. 21:38

Ikwa nyirae iyoŋ Ejipitanoit ŋolo paaran ayeuni ajore, toriko ŋikajiyok ŋulu adedeŋak ŋulu adolito ŋalipyo ŋaomwon naloŋisat a?”

2 Ŋikor. 11:13

Nyeraakasi ŋikilyok ŋul ŋikiyakia ŋulu a kire, eraakasi ŋikiyakia ŋulu alyokonok, ŋulu emodyanakinete ŋituŋa a ŋuna etapito etic kec. Itusubuna ikes ŋikiyakia a Kristo.

1 Tim. 5:13

Nabo eyenikinete ikes akalanyanut anakirimit ŋakais; meere ŋun bon, eyenikinete daŋ akirworor ŋituŋa ka apanapanat emam ediotic itiyaete ta akirworo ŋakiro ŋuna nyitemokino ikes irworosi.

1 Tim. 6:5

ŋipegeta ŋulu nyedaun alotuŋa a ŋulu nyisitiyaete ŋatameta kec, ŋulu nyeriŋa eyakatar ŋakiro ŋuna a kire. Etamete ŋituŋa ŋul atemar edin iŋes erot ŋolo eryamunere ebari.

2 Pet. 2:18

Irworosi ikes ŋakiro ŋuna apolok ŋuna ileleba abaŋao; isitiyaete ikes ekibure ŋolo ka akuwan ŋolo aronon, akisirumia ŋulu ariŋa sek ebucarosi alotuŋa a ŋulu eyarete anadyakarit.

1 Yoa. 2:19

Apotu ikes totyakaros aneni yok, nai pa arae ikes ŋirukitos yok. Kerae torubakinito ikirukit ka iwon, kikirukit ka iwon; nai abu atyakar kec kisileereu atemar pa arae ikes ŋirukitos yok.

2 Yoa. 1:7

Anerae aloto nakwapin ŋikalyokonok ŋulu alalak, ŋulu eŋerito atemar abu Yesu Kristo bu erae ituŋanan. Ituŋanan ŋini ikoni ŋin, erae ekalyokonon ka erae emoit ŋolo a Kristo.

Akis. 2:6

Nai erae nu ŋuna ikitojokito iyoŋ: iŋerit iyoŋ ŋiticisyo a ŋituŋa a ŋulu enyaritae Ŋinikolaitae--ŋiticisyo ŋulu aŋerit ayoŋ daŋ.